Press "Enter" to skip to content

Ralhrang Nih Gangaw Khuapi Chungum NGO Zungpi Pakhat Cu Mei Nih A Kangh Than Hoi

Gangaw khuapi chungum CB bank pawngah a ummi ADRA Myanmar zungpi cu tuzing January 30 zinglei sml 7:30 hrawngah mei nih a kang tiah theih a si i, mei phih dingin an i zuam cuahmah tiah theih a si.Zeitindah mei nih a kangh ning a si timi hi theihfian a si rih lo tiah Zalen nih a tial.

Nawlngaihnak laktu Min Aung Hlaing ralkap le mipi vengtu ralkap kar kahdohnak ah Mint Aung Hlaing hnuzul SAC ralhrang 39 an thi PDF lei in minung 6 an nunnak a liam i pahnih an tleih hna. Myanmar ram chung ah Mint Aung Hlaing hnuzul SAC Ralhrang 39 an thah hna PDF lei in minu 6 nih miphun le ram caah an nunnak an pek i pahnih an tleih hna i an ti. Miphun le ram caah nun nak a liammi hna le an tleihmi hna, SAC ralhrang le a thimi hna Ramkulh peng le tlang hna le a zat cu a tang lei bang in an si.

Magway Ramkulh MIndon peng ah PDF 2 nih miphun le ram caah an nunnak a liam i SAC ralhrang lei in a thi mi zat a fiang rih loh tiah kan theih.Chinramkulh Matupiu peng ah CDF pakhat miphun le ram caah an nunnak a liam . Tanintharryi ramkulh Yi Phyu ah ah PDF 2 nih miphun le ram caah an nunnak a liam i SAC ralhrang lei 23 an thah hna.

Sagaing ramkulh Myaug ah SAC ralhrang 2 an thah hna.Magway Ramkulh Pauk le Myaing kar ah SAC ralhrang 2 an thah hna.Mandalay ramkulh Kyaukse ah SAC ralhrang 1 an thah. Karen ramkulh Loikaw ah ah PDF 1nih miphun le ram caah a nunnak a liam i SAC ralhrang lei 6 an thah hna.Sagaing ramkulh Pale ah SAC ralhrang 5 an thah hna. Adih lak ah SAC ralhrang lei a thimi 39 an si i PDF le in miphun le ram caah minung 6 an nunnak a liam i pahnih an tleih hna tiah kan theih. Ref; Khit Thit Media

Mon ramkulh mizapi vengtu ralkap phu fonh MSRU nih lamhlat kahnak Mortar an ser mi, hriamnam phunkhat in January 28 zan Sml 6:30 hrawng ah Yee(ရေး) peng Khah-Mah-Yiah 586 Battalion cu voihnih kan kah hna, tiah cathanh an chuah. January 28 ni zaan Sml 10:00 hrawng ah Yangon, Dawei lampi ah a ra mi Khah-Lah-Yiah 343 Battalion in ralveng ding i aa chawkmi ralhrang motor pakhat cu MSRU le Ye Special Task Force (YSTF) a fonh mi phu hna nih bomb puah in an doh hna i kaphnih kahdohnak chuak, tiah an chim.

Ralhrang lei in a thi mi le hliamfak a tuarmi an tam lai tiah ruah a si. MSRU le YSTF aa fonh mi phu hna cu hliam tuar um lo tein hnu kan tolh kho, tiah cathanh an chuah. Zaan Sml 10:00 hrawngah ralhrang Khah-Lah-Yiah 343 Battalion nih hriamngan in an duhnak poh cu an kah nain mizapi vengtu ralkap pakhat hmanh an hliamh lo, tiah MSRU in ṭuanvo ngeitu pakhat sin in theih a si.

Credit: The Chin Post

Be First to Comment

Leave a Reply

Your email address will not be published.