Press "Enter" to skip to content

Ralhrang Nih Mipi Hriamtlai Jet Fighter Hmangin An Doh Hna

KIA Battalion (11) Cu SAC Ralhrang Nih Jet Fighter Hmangin Kah! Kachin ramkulh Namatyi peng Kasung khua pawngum KIA Battalion (11) cu SAC ralhrang ralkap nih March 28 zinglei sml 3:00 hrawngah jet fighter hmangin bomb pakhat a thlak hnawh tiah mipa pakhat nih a chim.

Cu bantukin bomb thlaknak ruangah minung a thimi an um lo nain fim cawnnak zungpi pakhat cu a rawk dih tiah a chim. March 19 ah khan Myitgyina ummi 21 zungkipfonhmi gate cu KIA le PDF i fonhin an kahdoh hnuah mei an khangh. Nanma ah a ummi SAC ralhrang ralkap lamhlat kahnak sakhan zongin March 28 zinglei caan ah.

KIA Brigate umnak leikap ah hriamngan in an kah tiah KIA thawngzamhnak lei tuanvo ngeitu Bohmu Naw Bu nih a chim. Mungin peng chung Nanma kahdohnak ruangah Phaya Gyi Kuan khua ah hriamngan pakhat tla in a puah caah nu pakhat hliam a tuar tiah cuka khuami pa pakhat nih a chim. Crd: Than Lwin Khet

SAC Ralhrang Ralkap Thawngpang Petu Phungki Pakhat Cu Nam Sawh Nakin A Thi! Mandalay ramthen Sinh Kaing peng ah SAC ralhrang ralkap thawng petu phungki-pa cu March 27 zinglei sml 7:00 ah namsawh nak in a thi. Sinh Kaing peng Mung Pin khua Yi Yin Ma sianginn hngaktu phungkipa nih SAC ralhrang sinah thawngpang a pek lawng siloin phungki sianginn ah.

A ummi ralhrang hna cu eidin ti rawl siseh zuu a dangh hna caah atu bantukin kan thahnak a si tiah Sinh Kaing PDF tuanvo ngeitu nih a chim. SAC ralhrang thawngpang a pe, zuu a dangh hna caah meithal in tinh hratin mansawh in thah a si. Phungki a si nain mipi sawhsawh bantukin a um. Nu he zong an um, mipi cungah harsatnak a pek, phungki zulhphung in a nung lo caah kan thah tiah a chim.

Amah phungkipa nih thawngpang a pek hna ruangah CDM tuahtu pakhat le khuami minung (10) zong tlaih an tong pinah nupi he khua a sami a si caah ahohmanh nih an fuhpanh tuk lo tiah cathanh an chuahmi ahcun an langhter. Cu phungkipa thah a ton hnu sml 9:00 hrawng zongah Myit Tha peng chung Ta Laing Kung khuami ukbawi zong thawngpang an kan pek ningin kan thah tiah an langhter.

Be First to Comment

Leave a Reply

Your email address will not be published.