Press "Enter" to skip to content

Ralhrang Ralkap (Corporal) Pakhat Cu Hriamnam Tling Te He CDF-Matupi Sinah Aa Fonh Than Cang

Chin ramkulh Matupi hrambunh ခမရ (၃၀၄) Battalion in (corporal) San Lyn Htew amah pumpak chinchiahnak တ/၁၂၇၈၄ cu CDF-Matupi Battlion (4) sinah Febuary 3 ah khan hraimnam tling he aa fonh cang tiah theih a si.CDF-Matupi sinah aa fonhmi San Lyn Htew cu himnak hmunah an thlah cang tiah CDF-Matupi nih cathanh an chuah hi a si.

A liamcia zongah khan Chin ramkulh Paletwa peng chung Taan Thaung khua chungah a ummi SAC ralhrang ralkap Brigate (55) phu in ralkap Phuu Phyu le Ye Yinh Tu pahnih (2) nih nawlngeihnak latu SAC ralhrang kuttang ah riantuan an duh lo caah CDF-Daai sinah CDM an tuah hi a si tiah Zalen nih a tial.

Matupi Peng Chung Yi Yua Khuapi Chungum Mipi Dihlak Cu Himnak Hmunah An Zaam!
Chin ramkulh Matupi peng chungah Yi Yua khuapi chungum mipi hna telh in pawngkam khua chungum mipi hna cu India ram, Mizoram ramkulh chungah an zaam tiah khuami sinin theih a si.
Yi Yua khuapi chungum ralkap umnak sakhan cu CDF hna nih kum 2021 Oct thla thawkin an kharkhum dih cang caah nawlngeihnak latu SAC ralhrang ralkap nih pawngkam ummi mipi umnak inn tibantuk cu hriamngan in an kah caah an thi/zaam nak a si.

Cupinah kum 2022 Febuary thla chungah Matupi khuapi ah SAC ralhrang ralkap thazaang an i chap hnuin Matupi peng chung mipi sawhsawh pahra (10) cu ningcang loin an thah hna ruangah siseh Matupi-Yi Yua karlak lampi ah kahdohnak a faktuk ruang zongah siseh mipi hna cu thinphang thlalau in an tlizaamnak a si.
Yi Yua khuapi cu inn 800 tluk umank a si i, pawngkam ah a ummi khua pasarih (7) mipi hna zong an khua dihlak ti awkin Mizoram leiah an zaam.

Anmah cu Mizoram peng chung Sai Ha pengkomh chungah a ummi khua (11) ah caan karlak umnak ding deu thlam i tuah hratin khua an sa. Mizoram chungah a rak zaammi chungkhar hna zat hi (534) an si i, mipum zat ah 2757 an um tiah Zalen nih a tial.

Be First to Comment

Leave a Reply

Your email address will not be published.