Ralhrang Thi An Tam Ning Khuaruahhar Si

Sagaing ramthen, Kyun Hlah peng, Waithaw khua pawng ah SAC ralhrang hna cu bomb puahhnawh an tong i mizapi vengtu ralkap hna le ralhrang pawl karlak ah kahdohnak a chuak i SAC ralhrang 20 nak tam an thi. Ralhrang pawl nih Wailahmu ( ဝေလမူ) khua mi Kyaw Thet le Hliang Phyo hna cu an thah hna i Nu pali cu an tlaih hna i an kal pi hna, tiah khua mi nih an chim.

Cu ralhrang phu hna nih cun March 1 ah Kyun Hlah peng, Thafan Sik Se nitlak lei um Wailahmo khua cu MI 35 helicopter 2 in an kah hna hnu ah minung phor helicopter pa 3 in SAC ralhrang pawl cu an chiah hna i khuachung ah cun an lut, tiah theih a si.

Khuachung cu an luh hnu ah inn 3 le lei thuannak seh 2, mawṭaw ngan 2 le mawṭaw hme 1 hna cu an hrawh i, khuachung um mi CDM ngandamnak lei cozah rianṭuan pawl Nu 3, khuachung Nu 1 le Wailahmo khua mi Kyaw Thet le Hliang Phyo hna cu an tlaih hna i nihin ah Kyaw Thet le Hliang Phyo hna cu a ruak in hmuh a si. Nu 4 hna cu an umnak hmun hngalh lo in an tlau, tiah theih a si.

“March 4 ah Wailahmo( ‌ဝေလမူ ) khua ah CDM ngandamnak lei cozah rianṭuan 3 le khuachung Nu 1, Pa 2; an zapi minung 6 hna cu an tlaih hna i ralkham ah an hman hna. Cu an tlaih hna hnu zanlei 12:00 luan hrawng ah kahdohnak a chuak i SAC ralhrang 20 an thi. Nihin March 5 ah SAC ralhrang pawl nih an tlaih mi hna an kawl pah ah Mg Kyaw Thet le Mg Hluan Phyo hna ruak cu an hmuh.

Nu 4 tu cu hmuh an si lo,” tiah khua mi hna nih an chim. Cu ralhrang pawl nih khua mi 6 an tlaih hna hnu in Waitaw( ဝေ သော်) khua pawng ah mizapi vengtu ralkap hna le SAC ralhrang hna karlak ah kahdohnak a chuak i SAC ralhrang 29 nak tam an thi, tiah theih a si.

Cubantuk in Sagaing ramṭhen, Khin Oo( ခင်ဦး) peng, Dan Kone ( ဒန်းကုန်း) khua cu SAC ralhrang phu hna nih nihin March ni 5 zanlei Sml 2:45 hrawng ah a khua ning piin an duahpiak hna i kum 5 ngakchia pakhat hriamngan kuan nih an tlak, tiah Khin Oo peng thawngpang dik thanhtu phu hna sin in theih a si. Atu ah cun khuachung um mipi hna cu an zaam dih i mei a thattu an um lo caah khua ning piin a kang kho. Credit; The Chin Post

Yangon Ah SAC Ralhrang 67 An Thi: Yangon Ah Pyan Hlua Aung( ပျံလွှား‌ေအာင်) kahdohnak ti min bunh in February 4 in March 4 tiang thlakhat chung ah SAC ralhrang ralveng a chok mi mawṭaw hna le palek sakhan pawl cu an kah hna i, ralhrang 67 an thi, hliam a tuar mi 100 leng a um, tiah Yangon ramṭhen mizapi vengtu ralkap phu sin in theih a si.

Yangon Nichuah Lei: Yangon ramṭhen, nichuahlei pengkomh ah Yangon ramṭhen Kuat Ke Ye ralkap phu hna nih Pyan Hlua Aung kahdohnak ti in bomb in voi 11, 40mm in voi 2 an kah hna i SAC ralhrang 15 an thi i, ralveng in aa chok mi mawṭaw 3, air force ralbawi captain a umnak inn, SAC ralhrang ngeih mi Mytel Showroom pakhat le SAC ralhrang inn pakhat an hrawh hna, tiah theih si.

Yangon Nitlaklei Pengkomh:Yangon ramṭhen, nitlaklei pengkomh ah Yangon ramṭhen mizapi vengtu ralkap hna nih bomb 3 puah in SAC ralhrang an doh hna i minung 5 an thi, Mytel tower 1 le Palek sakhan pakhat an hrawhpiak hna, tiah theih a si.

Yangon Thlanglei Pengkomh:Yangon thlanglei pengkomh ah Yangon ramṭhen mizapi vengtu ralkap hna nih kahdohnak voi 1, bomb puahnak in voi 6, 40 mm in voi 3 an kah hna i SAC ralhrang 22 an thi. Mytel tower pakhat, ralveng a chokmi mawṭaw hna le SAX ralhrang umnak inn an sak mi cheukhat an hrawhpiak hna, tiah theih a si.

Yangon Chaklei pengkomh: Yangon chaklei pengkomh ah Yangon ramṭhen mizapi vengtu ralkap phu hna nih ralhrang phu cu bomb puahhnawh in voi 13, 40 mm in voi 4 an kah hna i SAC ralhrang 25 an thi. Mytel tower pakhat, Jet vanlawng pa 2, ralveng a chokmi mawṭaw hna le ralhrang umnak inn an sak mi hna cu hrawhpiak an si, tiah Yangon mizapi vengtu phu hna nih cathanh an chuah.

Cu ralhrang kahdohnak cu Yangon ramṭhen, hmunhma ṭhen in a um mi Kuat Ke Ye ralkap phu hna kuttang mizapi vengtu ralkap phu a si mi pengkomh, peng ( Pah – Kah – phah ), Burma Lunge Kunyat( ဗမာ့လူငယ်ကွန်ရက်) , SSUG, MO7 (Eagle) DRG, Black Peacock,MO 8 , HRD, GZDF, ACPLF, Hmawbi Revolution Force, YPDF(ဗဟန်း), Spring Brother Force, The Boys , STA, Dark Shadow, MDF , SOF , HRDF, MO 3 (Dawn), YFA, Zero to Hero, Z Fighter, GOD, Free Tiger Ranger , SRF , YUG (Army) , APLF phu hna i bawm in an tuah mi a si. Credit: The Chin Post