Press "Enter" to skip to content

Ralkap Cozah Tuah Piak Dingmi Chin Miphun Pi Ni Cu Chin Mi Nih Kan Hmang Ngam Ngai2 Hnga Maw?

Chinram Ralkap Cozah nih Hakha City Hall ah Chin Miphun Ni Tuah Timh
————
A voi 73nk Chin Miphun Ni cu Hakha City Hall (မြို့တော်ခန်းမ) ah Chinram ralkap cozah nih tuah a timh, tiah thawng kan theih.

Asinain, Hakha khuasa mi tampi nih ralkap cozah tuahmi Chin Miphun Ni ah kal loin Carson Hall tu ah Chin Miphun Ni a tawinak in tuah ding in timhtuah a si.

Carson Hall ah tuahmi Chin Miphun Ni ah thlacamnak zong tuah a si lai i, chuncaw ah sathluak dangh a si lai, tiah kan theih.

By :Salai Mawi

Avoi 73nak Chin Miphun Ni cu Hakha khuami zapi nih Carson Hall tual ah tuah ding in an i tim tiah tuanvo ngeitu hna sin in thawng kan theih.

Hi kong he pehtlai in min langhter lo tawlreltu upa pakhat nih “Chin Miphun Ni cu kan miphun tuanbia ah a biapi mi a si. Cozah thar Chin State Administration Council nih Hakha Town Hall ah tuah an timh mi hi rammi zapi nih kan cohlanpi hna lo. Cucaah a dang tein khuami zapi nih a dang tein Carson Hall hmai tual ah tuah ding in kan timh,” tiah The Hakha Times ah a chim.

Tuah an timh ning cu, zapi lamzawh suimilaam 10:00 ah a um than lai. Lamzawh a dih in voi dang bantuk in Carson Hall ah i ton i Chin Miphun Ni program pehcolh ding in an timh. Chin Miphun Ni he pehtlai in min ngei upa hna tuanbia chimnak, ram le miphun ca thlacamank, ram hla saknak, miphun laam hmuhsaknak le sathluak chuncaw i hrawmtinak ngei ding in an timh. “Minung hi thonghra hrawng chuak kho ding in kan suai. Sathluak zong Khrihfabu lei nih an kan timhlamhpiak lai. Kum dang ah kan sunhsak bantuk in tutan zong ah khuami zapi lamzawhnak ah i tel dih hna usihlaw Chin Miphun Ni zong hmun khatte ah hmangti hna usih,” tiah a cunglei upa nih a chimchap.Hi Chin Miphun Ni cu CDM cawlcanghnak nih tawlrel mi si lo in Ralkap Cozah thar nih a tuah ding mi duhlonak langhter le kanmah kan miphun Ni sunhlawihnak hrimhrim ah tiin khuami zapi timhlamh mi a si tiah a chunglei upa sin in thawng kan theih. Cubantuk in Chinram pengkip ah tuah ding in an timh mi kha rammi nih kan cohlang lo ti langhternak ah Chinram pengkip zong ah Hakha bantuk in tuah an timh ve tiah kan theih.

Crd: The Hakha Times

Be First to Comment

Leave a Reply

Your email address will not be published. Required fields are marked *