Ralkap Uk Duhlonak Kong Ah Kan Theih Palh deuh Sual Maw Ti Hi Asi: Min Aung Hlaing le a hoi le nih Myanmar ram pumpi cu an mah kut tangah hranhram in uk nak cu hriamnam hmangin an laak caah ram chung mipi nih mah an nawlngeihnak cu duhlo in a phunphun in sandahpiahnak cu ngeih le kalpi cuahmah a si i,cozah rianttuantu tiangin piah cuahmah a si.
A tutan buainak hi a doh ning kan ipalh lo hi a biapi taktak a si.Sandahpiahnak tampi ka hmuh mi chungin ka sia a remlo ngai mi cu,NLD party chinchiahnak thantar tete cu an iken hna i an au len hna mi cu hmuh awk in tampi a um,cun, Pi Suh Kyi le President pa cu an nun khua sau koseh,an ngan dam koseh tiin au cio a sifawn.A tha ve mi cu a lo ngai.
BIa halnak bantuk in van tuah ning law,”a tu kan buaipi mi hi NLD cozah ser khawhnak ding maw kan buaipi,Ralkap nih rampi chungah nawl ngeihnak a kalpimi,a laak mi kan duhlo ti mi cudah kan buapi mi a si? Kawlram chung ahcun an miphun nih an buaipi sual hmanh ah kan nih Tlangcung mi,a hlei in Chin mi nih, a zei cudah kan buaipi mi cu a si?kan ifiang hna maw?a tutan buainak hi,CNLD le NLD le USDP tibantuk party buainak a si lo ti hi kan ifian a herh lo maw?ziah mah kan ifian ttungah,Pisuh hmanthlak heh kan tar i,Preisdent hmanthlak heh kan tar i NLD thantlar,NLD chinchiahnak cu kan iken len hi zeidah a sullam a si?Henry Van Thio hmanthlak hna teh kan tar ve awk a sihnga lo maw?mah cu kan tar duh fawn lo cu mu!
Tlangcung mi dang nih an au lo hmanh ah kan nih nih cun,Ralkap uknak kan duhlo, ram mipi nih duh mi uknak kan duh tiin kan au dingtu a si deuh hnga lo maw? Ram chung,ram leng a um mi,Chin mi hrimhrim nih cun Aung San Suu Kyi le president kong kha au pi bak ti hlah usih,kan duh mi tu kha fiang tein aupi ko cang usih,kan duh mi kan hmuh le hmuhlo tu cu,Pathian nawltu si koseh,kan duh mi hi ifiang cikcek cio hna u sih. Tinduh Thang
Be First to Comment