Press "Enter" to skip to content

Ralzaam Umnak Phungki Sianginn Cu SAC Ralkap Nih Bomb An Puah Hnawh I An Khangh Piak Dih Hna

Sagaing ramṭhen, Yinmapin (ယင်းမာပင်) peng ralzaam umnak Latpandaw (လက်ပန်တော) khua phung-ki sianginn cu nihin March 8 zinglei suimilam 8:00 luan ah SAC ralkap hna nih hriamngan in an kah hna caah ralzaam minung 4 cu hriamngan hliamhnak in an nunnak a liam, tiah khua mi nih an chim.

“Latpandaw(လက်ပန်တော) khua tlangbo ah SAC ralkap nih hmunhma an laak i, khuachung cu hriamngan in an kah. Khuachung mipi inn cung ah cu hriamngan kuan cu an tla i ralzaam nih i dornak an hman mi phung-ki sianginn cung zong hriamngan kuan nih a tlak caah minung 4 cu an nunnak a liam colh, pakhat nih hliamhma a tuar. Cu SAC ralkap hna nih cun khuachung ah an duh poh in hriamngan le hriamhme an kah, minung thazaang 200 hrawng an si,” tiah khua mi nih an chim.

Latpandaw(လက်ပန်တော) khua cu SAC ralkap phu nih an luhhnawh hna caah an pawng hrawng ummi khua hna zong khuachung ah um ngam loin an tlizaam hn,a tiah theih a si. Cun, a luancia March 5 zaanlei ah Sagaing ramṭhen, Yinmapin (ယင်းမာပင်) pengkomh Kani peng, Chawngmah khuachung cu SAC ralkap nih an khangh caah khuachung inn 28 cu vutcaam ah a cang dih, tiaChin ramkulh, Falam peng chung ah SAC ralkap nih March 2 in March 6 tiang Zarhkhat chung ah inn 23 an khangh, tiah Chin National Organization (CNO) nih cathanh chuah.

Hi bantuk mizapi inn khanghpiak hi CNO nih faak piin sual kan phawt, tiah an langhter chih. SAC ralkap nih March 2 ah Falam peng Dokṭhek khua ah inn 19 an khangh i, inn 5 hriamngan nih khen. March 6 ah Falam peng Laimual khua inn 1 le Tlanlo sang ah inn 3 an khangh chap ṭhan, tiah theih a si.

SAC ralkap hna nih hin Falam peng inn pawl an khangh lawng si loin March 5 zong ah Ramthlo Baptist Church Pastor U Sui Awng nih lo a kalnak ah SAC ralkap hmanhmi bomb ai lamh i a kehlei ke a kemit tanglei a bul. Cucaah Chin National Organization (CNO) le Chin National Defense Force (CNDF) nihcun SAC ralkap a hram in kan bongh khawh tiang pehzulh in kan doh peng rih lai, tiah an thanh.h theih a si.

Be First to Comment

Leave a Reply

Your email address will not be published.