Ram 24 In Palai NUG Tuahmi Voi 75 Nak Ah An I Tel
NUG Hruainak In Tuahmi Panglong Minthut Kum 75 Tlin Camtuak Tonpumhnak Ah Ram 24 In Palai An Kai. National Unity Government (NUG) nih hruainak in tuahmi Panglong minthut kum (75) tlin camtuak tonpumhnak ah ram 24 in palai an kai tiah theih a si.
Nihin February 12 cu Panglong minthutnak camtuak tonpumhnak cu Online in tuah a si i ramkip in palai an kai tiah theih a si.”Nihin ah a kai kho mi hi ram 24 in an si ” tiah an langhter. 21 The Chin Times
Tanaing Peng Namh Kaw Khua Chungum SAC Ralhrang Sakhan Cu KIA nih An Laak! Kachin ramkulh Tanaing peng chungah a ummi Namh Kaw khua chung i SAC ralhrang ralkap sakhan pakhat cu KIA nih an laak cang tiah The 74 Media nih a langhter.
KIA Battalion 14 hmunhma Namh Kaw khua chungah a ummi KIA sakhan pakhat cu kum 2018 ah khan SAC ralhrang ralkap nih an laak ruangah kan laak thannak a si tiah an chim. “Namh Kaw sakhan cu kan laak cang tiah an chim. Namh Kaw cu kum 2018 lioah khan KIA Battalion (14) umnak sakhan a si i, SAC ralhrang nih an laak caah atu ahcun kan laak thannak a si.
Asinain atu tiangah cun Namh Kaw sakhan cu KIA nih an laak ti tiang lawngin kan thei” tiah KIA Bohmugyi Naw Bo nih The 74 Media ah a leh. Sakhan laak khawhnak dingin kahdohnak an tuahnak kong he pehtlai in zeihmanh kan thei rih lo tiah a chim. Kahdohnak caan chung bakah sakhan cu an laak tiah theih a si. An i dinh cang maw asiloah sakhan cu mei khangh hratin an kaltak cang timi kan thei lo.
Phone a kan chawnh rih lo, thawngpang a kan pek rih lo. SAC ralhrang ralkap zeizat umnak sakhan a si timi zong an chim rih lo tiah Bohmugyi Naw Bo nih a chim chih. Kachin ramkulh chungah nawlngeihnak latu SAC ralhrang ralkap le KIA karlak ah kahdohnak a fak ngaingai i, SAC ralhrang nih raltuknak vanlawng zong a hmang tiah theih a si. Global Chinland
