Press "Enter" to skip to content

Ramthlo cu ralhraang nih Inn 9 an khangh cang

Ramthlo cu ralhraang nih Inn 9 an khangh cang. Meikhu ai zel rih. Ralhrang zong Ramthlo in an chuak rih lo.Tuni ah Ramthlo Khua ah ralhrang le mipi hramtlai an i kap sau ngai an i kap hnu ah ralhrang nih khua inn 9 an khangh cang. ramthlo khua pawng meng 2 hlat hrawngah ralhrang 5 le uico pakhat Bome puahnak in n thi tiah an langhter. Salai tluangte

Sagaing ramṭhen, Chaungoo(ချောင်းဦး) peng Kinmontaw(ကင်မွန်းတော်) khua ah, SAC ralkap le pyusawthi hna cu Chaungoo PDF nih, April 29 le May 1 ah bomb kan puahhnawh hna i 12 an thi, tiah ChaungOo PDF nih cathanh an chuah. April 29 zing lei sang Kinmontaw khua ah SAC ralkap le pyusawthi 20 hrawng cu, Chaungoo PDF Company 2 nih, an kah hna caah pyusawthi 4 an thi, theih a si.

May 1 chun ah Kyikung(ကျီကုန်း) khua facang rialnak seh inn ah an chiahmi facang cu, SAC ralkap le pyusawthi 50 hrawng nih an fir i, Kinmontaw khua lei an kal lioah Chaungoo PDF Company 1 nih, bomb kan puahhnawh hna i 8 an thi, 20 hrawng hliamhma an pu, tiah Chaungoo PDF nih cathanh an chuah. Chaungoo PDF leiin a thimi le aa hliammi an um lo, tiah theih a si.

SAC ralkap pawl nih May 2 ah Ayataw(အရာတော်) peng Malayta(မလဲသာ) khua an khangh caah khua ning in a ciam dih, tiah theih a si. Inn 1000 leng a ummi Malayta khua cu Ayataw le Myinmu peng aa pehnak ah a ummi a si. “May 2 zing sml 9:00 hrawng ah kan khua an rak phan, Aho hmanh kan um ti lo, kan zam dih. Chun sml 12:00 hrawng in an khangh i zatuak 90 (90%)cu a kaang dih. SAC ralkap an rak phak hlanah kan zam dih manh i, khuami a thimi kan um lo,” tiah Malayta khuami pa pakhat nih a chim.

SAC ralkap pawl cu 200 hrawng an si i Momywa peng Bawdi ta htaung(ဗောဓိတစ်ထောင်) tlang tiang in rallam an sial, tiah theih a si.Cu rallam a sialmi SAC ralkap pawl nih, Ayataw peng le Myinmu peng karlak khua hna cu mei in an khangh caah Malayta, Kanyin, Ngaungpin(ညောင်ပင်) le Padataing(ပဒတ္ထိုင်း) khuami 10000 leng an zam, tiah theih a si. THE chin post

Be First to Comment

Leave a Reply

Your email address will not be published.