Press "Enter" to skip to content

Ramtho Kua Pawngah Uico Ralhrang 6 an Thi

Ramthlo khua phak hlan mengtung pa 2nk ah uico rual motor an dir lio. Cuka an dirnak hmun cu, strawberry dum nganpi a um i Inn pa hnih( thlam) thatuk mi an sak,cu kha Dum Inn pahnih cu tuhi ralhrang nih an khangh lio si. Dokthek le Ramthlo kar kahdohnak ah Uico panga le Uico nih Uico dang bomb kawl tu ah an hmanmi an thi. Ui ttha le uichia he tiah ui ruk an thi tinak si cu.

Chin ramkulh, Tedim peng, Laitwe khua, Linton tlang pawng, May 2 ah khuami 2 bom an i lam sual caah pakhat a nunnak a liam i pakhat aa hliam tiah khuami hna nih an chim. U Thang Lian le U Sum Lian cu an sia a tlau i an kawlnak ah a tu bantuk in bom an i lam sual hi a si i U Thang Lian cu a hmunhma ah a nunnak a liam colh, U Sum Lian cu a hma ruangah Mizoram ah aa thlopbul lio a si tiah khuami pakhat nih RFA ah a chim.

Laitwe khua pawng i Linton tlang pawngkam ah SAC ralkap gate a rak um i CNF he kahdohnak a fah tawnnak hmunhma a si caah bom hna an phum tawn tiah khuami hna nih an chim. May 1 zongah Falam khua pawng, Rih lam pawngah khuami pakhat bom lamh sual ruangah hliamhma a rak tuar, April thla chung zongah Linton tlang pawngkam ah caw pakhat bom lam sual ruangah a rak thi ve.

SAC nih hramhram in uknak lak hnu, Chin ramkulh chungah bom lam sual ruangah mipi 9 an thi i 19 nih hliamhma an tuar tiah Chin Affairs Federation khomhsuatmi cazin in theih khawh a si. Cun SAC ralkap pawl cu nichuah lei Sii khua i hmunhma an khuarnak sianginn le phungki sianginn telh loin mipi inn zapi tein an khanghpiak hna. Nichuah lei Sii khua hi inn 900 hrawng khua a sa mi khuate ngan pakhat a si.

“Kalay peng, nichuah lei Sii khua cu SAC ralkap nih mei in an khangh dih, inn 900 hrawng khuasa an si. May 1 le May 2 ah khanghpiak an si. A mah ning tein a tangmi inn 3 lawng a si. SAC ralkap nih mipi thilrii mansung vialte fir dih in mei in an khangh hi a si. Khuami 3 zong an thah chap hna. Khua chungah a hohmanh an kir ngam ti lo” tiah khuami pakhat nih a chim.

SAC ralkap nih April 27 in nichuah lei Sii khua ah kahdohnak an thok i mipi hriamtlai phu pawl he kahdohnak a chuak. SAC ralkap lei a thimi an tam caah nichuah lei Sii khua an khangh dihnak hi a si tiah theih a si. May 3 ah SAC ralkap nih helicopter in kahdohnak a tuah i ralzaam pawl zong a kah chih hna caah eidin le ṭhutumnak lei bawmhnak an herh ko tiah theih a si. The ChinLan Post

Be First to Comment

Leave a Reply

Your email address will not be published.