Press "Enter" to skip to content

Rel Ve Hrimhrim, A Tha Kho Tuk Ee! “Damnak” hi a phunphun um, taksa damnak, Thlarau lei damnak tbk in an um cio, cu lak i damnak biapi bik cu;

“Damnak” hi a phunphun um, taksa damnak, Thlarau lei damnak tbk in an um cio, cu lak i damnak biapi bik cu; Miphun damnak asi. Miphun a dam lo cun,kan zeizong a zaw,a faak dih pin ah kan biaknak tiang a zawt chih,a damlo mi kan si tihi fian a hau. Miphun le ram a damlo cun, Kan Biaknak hi a dam lo tihi ziah kan fian lo.Laimi Evan tampi nih Biaknak le politics cawh herh lo an ti.

A si ah cun, kum 70 leng ralhrang nih aana in an kan ukmi zoh tikah kan biaknak a dam maw? Dam cu chimlo kan biaknak a zaw chin. Chinram biak inn hna hi phungning tein nihin tiang kawl cozah nih an colang duh lo.( Hmatpungtin) a tuah duh lo,zawt hmanhah zawt chin a si. Anmah kawl Buddish biaknak poh cu, menber tlawm te an si zongah phungning in an cohlan dih.

Cucaah Chinram hi damlo cio hmanh a zual chiahru kan si tihi kan fian chin hau. Miphun a dam hnu lawngah kan nunphung,kan biaknak le kan chungkhar pinah kan zatlangnun a dam tikha theih hau. Cucaah mah le pengtlang caah hiden agenda ngei in cawl ahmangmi hna hi zawtnak phunkhat asi caah Chinram huap cawlnak ah itel usih.Cucu damnak a sive. Credit; Salai William HC

Relchap; Kalay peng, thlanglei Sitha khua kam ah Kalaymyo in Falam lei ah a kal mi, thilphor mawṭaw cu Aril 7 ah SAC ralkap nih an dirter i mawṭaw khaltu pa cu an kah thah. A ruak cu lamkam ah mei in an khangh.

Mithmutu pakhat nih, “Mawṭaw cu SAC ralkap nih an dirter i a khaltu pa cu an chuahter. Vawlei a lamh manh hlan bak ah thi lak in an kah colh ko. A ruak cu mei in an khangh i, mawṭaw zultupa le mawṭaw cu atu tiang khoika dah an chiah hna ti zong kan hngal lo,” tiah a chim. Mawṭaw khaltu pa hi Falam peng Congheng khua mi a si.

Pakokku Technological University Pawng Kahdohnak Ah SAC Ralkap 5 An Thi: Pakokku Technological University pawng ah umhmun a khuar mi SAC ralkap hna cu nihin April 15 zanlei Sml 2:30 ah mizapi vengtu ralkap hna nih 60 mm hriamngan in an kah hna i, SAC ralkap 5 an thi, tiah Earthquake People’s Defence Force – UG ralkap hna sin in theih si.

Cu SAC ralkap hna cu Myiang mizapi vengtu ralkap phufonh, Young Force -UG, PW Generation le Earthquake People ‘s Defence Foce-UG hna i bawm in an kah hna i, SAC ralkap lei in hliam fak a tuar mi zong an um ko nain a zat cu fiang in theih a si rih lo, tiah an thanh.

Be First to Comment

Leave a Reply

Your email address will not be published.