Press "Enter" to skip to content

Rev.Dr. Hai Vung Lian (Hannah Pa) A Hnu Bik Thawngpang A Si

Nan dam cio hna maw? Zawtnak ruangah thaw ip ngai in kan um nak a sau ngai cang le kan i ngai dih cang hna. Pathian nih caan ttha kan pe zau hram ko cang seh. Kan senior pastor Rev.Dr Hai Vung Lian kong ah update tlawmte van tuah ta ka duh. Nizan tihni ah a viber a van i awng, tu zing ah ai awng tthan i mi tampi kan hung lau ngai. A fale nih maw an deh hnga Hanna Lian nu nih dah a deh le si hnga tiah kan van ar ngai hna. Global CRDP viber group tiang in an van lau ngai cio.

Kan pastor pa hi mi kip nan thlacampiaknak thawng in le Pathian thawng in a dam deuh ngaingai cang tiah thawng ttha ka van in thanh ta hna. Nizan tih ni ah khan a dam deuh ngai cang tik ah a phone a hlam kho cang. Hanna Lian nu nih nurse te sin in a phone cu a va pek le amah te in a van deh i viber kha a van i awng mi asi ko. Pathian min thangthat si ko seh!

A dam tlian dih rih lo caah a kut zong nih duhning in a tawng kho rih loh, a mit zong nih duhning in a zoh kho tuk rih loh. Cu caah hmanthlak te hna, video te hna a van post mi te te ah a ruahzia tu rak thiampiak hram ko uh. Phone a deh khawh cang mi cung tu ah Pathian sin ah lawmhnak bia tu chim ko hna u sih. Rosi Nu hna cu Hi! tiah ca te a van kuat le a lau tuk. A fanu Bella nih phone deh mi ah a ruah.

Kan Pastor hi a lung a fim cang, a kut zong an cawl kho ngai cang. A holh tu ah cun a aw a chuak kho rih lo. A dam tliang ngai rih lo ca ah a phone ah cakuat te te tial ti ban tuk zong a si khawh chung in kan tuah rih lo ding ah kan nawl hna. Kan hnu i khrifabu aiawh in Church Chairman he zoom video in kan va chawnh zong kha tam ngai te kan zual ter. Damnak tling a hmuh zau khawh nak ding tu ah thlacamnak in bawm ko rih hna usih. Hi dirhmun a phak ter tu Pathian min thangthat si ko seh.

Be First to Comment

Leave a Reply

Your email address will not be published. Required fields are marked *