Rih Ralhrang Sakhan Cu Tlai Hnu Ah A Tuk Hna i Bomb Hna A Puak Tuk Caah Mizoram Lei Ah Mipi An Zaam Cuahmah
January 25, 2022; Tuzan suimilam 8(India) hrawng ah khan Myamnar le India ramri Rih ralkap sakhan ah bomb puah thawng an theih. Rihkhawdar khua mipi hna cu thinphang thlalau in a um i, Mizoram lei zong ah mi tampi an zaam tiah theih a si.
Zokhawthar khuabawi Pu Mamuana nih Mizo Special Report(MSR) a chimh ning ah cun Khuamawi le Rihkhawdar in Mizoram lei ah a zaam mi an tam tuk hringhran. Thinphang thlalau in a zaam mi mipi cu Zokhawthar khuatlang hruaitu hna nih an buaipi cuahmah lio hna a si, tiah a chim.
Myanmar ram buai hramthawkka te khan Rih sakhan ah hin ralkap an um cang i, minung 10 hrawng lawng an rak um tawn. Cu hlan ah cun anmah um tein an um peng i, khuachung mipi sin ah buainak le harnak an tuah theih a si bal lo caah mizapi ralkap zong nih an doh hna thawng theih a si ve lo. Nai hrawng ah khan ralkal a um hmasa mi cu ralhrang 50 rual nih an vun thlen hna i, ralhrang a um thar mi hna nih mipi ṭhihphaihnak ah bomb an puah a si lai, tiah mi cheukhat nih an ruah.
Zeiruang set ah dah bomb hi an puah ti cu hngalh khawh a si rih lo. Hi bantuk in bomb puah thawng an theih tikah hnangam tein a um tawn mi mipi hna cu thinphang thlalau ngai an um i, a zanzan in mizoram lei an panh duahmah hna, tiah theih a si.crd the chin post
Relchap Thawngdang..Tamu PDF Pakhat Cancer In A Nunnak Liam.Sagaing ramthen, Tamu peng PDF chungtel U Myint Aung cu January 24 nizaan ah Cancer in a nunnak aliam tiah PDF chungtel pakhat nih a chim.Kum 69 mi U Myint Aung hi Tamu myomah 12(b) veng ah a ummi asi i a luancia January 18 ah a inn chuhpiak asi i, a chungkhar hna cu India ram lei ah an zaam hna tiah theih asi.
