Rihkhawdar Ah Umhmun Khuar Ralhrang Hna Cu CNDF Ralkap Nih An Kah Hna, Pahnih An Thi
CNDF nih Rihkhawdar ah umhmun a khuar mi ralhraang an kah hna i guard cong ralhraang pahnih an thi. March 9, 2022, Council ralhraang pawl nih umhmun an khuarnak hmun Rihkhawdar khua, No. 2 sang ralhraang pawl cu CNDF nih an va kah hna i guard cong ralkap pahnih hmunril in an thah hna tiah Chin National Organization (CNO) thanhnak in kan theih.
Falam peng, Rihkhawdar khua, No. 2 sang ah 2022 March 1 thawk in ralhraang 30 hrawng nih umhmun ankhuar tiah theih a si.
[Burmese]
ရိခေါဒါရ်မြို့တွင် စခန်းချနေသော စကစတပ်ကို CNDF က ပစ်ခတ်ရာ ကင်းစောင့်တပ်သား ၂ ဦးသေဆုံး/ ၂၀၂၂ ခုနှစ်၊ မတ်လ (၉)ရက်, စကစတပ် စခန်းချရာ ရိခေါဒါရ်မြို့၊ အမှတ်(၂)ရပ်ကွက်တွင် လုံခြုံရေးယူနေသည့် အကြမ်းဖက်စစ်ကောင်စီတပ်သား(၂)ဦးအား မတ်လ(၇)ရက် ညနေ(၃)နာရီခန့်တွင် ချင်းအမျိုးသားကာကွယ်ရေးတပ်ဖွဲ့ (CNDF) မှ သွားရောက်ပစ်ခတ်ခဲ့ရာ ၄င်းစကစတပ်သား(၂)ဦးမှာ
နေရာတွင်ပင် ပွဲချင်းပြီး သေဆုံးသွားခဲ့ကြောင်း ချင်းအမျိုးသားအဖွဲ့ချုပ် (CNO) က ထုတ်ပြန်သည်။ ချင်းပြည်နယ်၊ ဖလမ်းမြို့နယ်၊ ရိခေါ်ဒါရ်မြို့ အမှတ်(၂)ရပ်ကွက်တွင် ၂၀၂၂ ခုနှစ်၊ မတ်လ (၁)ရက်နေ့မှစပြီး အကြမ်းဖက်စစ်ကောင်စီတပ်များ အင်အား(၃၀)ခန့်ဖြင့် စခန်းချခဲ့ကြကြောင်းသိရသည်။ Credit; The Hakha Post
Falam Township IDPs Management Team Nih Dokṭhek Khua Mi Bawmhnak An Pek Hna. Nihin March 9 ah SAC ralkap nih Dokthek khua inn an khanghpiak mi hna le ralhrial in ramtang ah a um mi pawl sin ah bawmhnak an pek hna, tiah kan theih.
FTIMT nih cun innchungkhar 35 hrang ah facang tun 1 cio, Chiti cuai 1 cio, kalape cuai 1 cio, cite fun 1 cio le ngahpih fun 1 cio an bawmh hna pin ah innkaang tuar mi pawl ca ah phaisa sing 1 cio le ramlak ah ralhrial in a zaam mi nih an herh mi tilaknak pipe kual 9 le sii-ai pawl bawmhnak an pek hna, tiah theih a si.
Dokțhek khua cu March 2 ah khan SAC ralkap pawl nih inn 19 an rak khanghpiak hna. Innchungkhar 4 cu Falam ah an um i, chungkhar 1 cu Kalay ah an zaam. A dang inn 30 cu ramtang ah deu i sak in, ralhrial in an um, tiah theih a si. Credit; The Chin Post
Ukraine caah vanlawng bawmh dingin Poland nih hnatlaknak a tuah. 2022 March 9 – Ukraine President Zelenskyy nih a hal bantuk in Russia chuah vanlawng cu tampi ngah a si cang lai. Poland nih a ngeihmi Russia ser MiG-29 vanlawng cu American ah kuat dingin timhcia ka si tiah a thanh.
Ukraine vanlawng mawngtu pawl hi Russia ser vanlawng pawl cu ṭha tein an mawngh khawh caah Ukraine President Fighter Jet kawlpiak ding in a hal. Cucaah, American ram Minister of Foreign Affairs Antony Blinken nih a hawikom ram a simi Poland ah a ummi Russia ser vanlawng pawl cu Ukraine ah kuat dingin biaruahnak a ngei. Poland cu a dang vanlawng pawl pek ṭhan ding in American nih biakamnak a pek.
A tu cu, Poland ram Minister of Foreign Affairs nih vanlawng pawl cu Germany ram ah a ummi American nih ngeihmi ‘Ramstein’ sakhaan kuat a si lai tiah a chim. Ramstein in Ukraine ram chungah zeitin dah phorh a si lai timi bel a fiang in theih a si rih lo. Ukraine ram chungah vanlawng nan luhter a si ahcun raltuknak chungah nan i tel ve tiah ka ruah lai tiah Russia nih a tlerh hna.
American, Department of Defense nih Ukraine caah vanlawng pawl Germany in Ukraine ram chungah kuatding timi hi a tak tuah dingah a har. Zei bantuk lam in dah Ukraine ram chungah kan luhpi lai timi biaruahnak kan ngei ṭhan te lai tiah thawng a thanh. The Chinland Post |
