Press "Enter" to skip to content

Rihkhuadar SAC Ralkap Sakhan In Minung 5 Nih CDM An Tuah, Kahdohnak A Chuak!

Rihkhuadar Ah Kahdohnak A Chuak! Chin ramkulh Falam peng, India ramri Rihkhuadar No. 2 sang ah nihin March 12 zing 6:18 ah meithal thawng, hriamngan kah thawng le Sml 6:30 mortar kah thawng kan theih, tiah tualchung mi hna nih an chim.

Rihkhuadar SAC ralkap sakhan in palek 4 le ralkap 1 CDM an tuah i ralkap pakhat cu a meithal le kuan zong aa ken, tiah theih a si. Credit; The Chin Post

May be an image of fog, tree, cloud and mountain

Magwe ramṭhen, Pakukko peng chung um khua pakhat ah lut in, inn le lo a khaangtu SAC ralkap hna le Phyosawṭhi hna cu March ni 9 ah mizapi vengtu ralkap phuli fonh nih an kah hna i Phyosawṭhi 3 tlaih an tong, tiah Pakokku Myo Piah Pioh Kya ralkap phu (PUGF) hna sin in theih a si.

Cu SAC ralkap phu hna cu Pakuko mizapi vengtu ralkap(PRF), Pakukko Myo Piah Poh Kya ralkap ( PUGF ), PKU Generation Z le a hmunhma mizapi vengtu ralkap phu hna nih an kah hna, tiah theih a si.

Ayyarwaddy ramṭhen, Inn Ka Pu khuapi, Than Pin Kone khua ah SAC ralkap thawngpetu a si lai tiah lunghrinh mi Hliang Win Aung cu March 11 zing Sml 3:00 hrawng ah Sun Ye Ni ( စွန်ရဲနီ) mizapi vengtu ralkap hna nih an kah i a hmun ah a thi colh, tiah theih a si.

Thawngpetu ah ruah in kah a tong mi Hliang Win Aung( လှိုင်ဝင်းအောင်) cu a lu ah meithal kuan nih a khen i, a thi colh. Palik uniform i hruk in khuachung um mipi a hro hna i SAC ralkap le Palik pawl cu thawng a pek tawn hna. Mi si kho deuh le rum deuh hna cu a tlaih hna i, phaisa a hal hna, tiah Sun Ye Ni ( စွန်ရဲနီ) mizapi vengtu ralkap phu hna nih an cathanh chung ah an langhter.

Mon ramkulh, Yee (‌ရေး) khuapi zong ah SAC ralkap thawngpetu tiah ruah mi Siangcachim Win Cho cu March10 zinglei Sml 7:00 hrawng ah Ye Belu ( ရေးဘီလူး) ralkap phu nih an kah i a hmun ah a thi colh, tiah theih a si.

Cu thah a tong mi Win Cho cu SAC ralkap phu hna he i bawm in CDM a tuahtu Siangcachim hna cu hro in, fimcawnnak lei i cozah rianṭuantu hna kong cu SAC ralkap sin ah thawng a pek tawn, tiah Yee Belu ralkap phu hna sin in theih a si.

Bomb Puahsualnak in Mizapi Ralkap 2 An Nunnak A Liam: Sagaing ramṭhen, Yinmapin peng ah Mizapi ralkap nih bomb thianhnak an tuah lio ah ruah lo piin bomb puahnak a chuahsual caah Golden Star Force mizapi vengtu ralkap phu in minung 2 an nunnak a liam, tiah Golden Star Force nih nihin March 11 ah cathanh an chuah.

SAC ralkap nih rallam an sial caah mizapi ralkap nih lampi ah bomb an rak hmanh i, SAC ralkap phu an phak lo caah cu an hmanhmi bomb cu va thianh/khirh ṭhan an i tim. Cu lio ah atu bantuk in chuahsualnak a cang sual i mizapi vengtu ralkap in minung 2 an nunnak a liam hi a si.

Bomb puahsualnak in nunnak a liam mi hna cu Htat Naing Lin le Shan Htat an si, tiah Golden Star Force nih an langhter. Ram le miphun caah nunnak a petu mizapi ralkap minung 2 cu Golden Star Force nih upatnak an pek hna nak kong an langhter. Credit: The Chin Post

Be First to Comment

Leave a Reply

Your email address will not be published.