Russia le Ukraine ruangah Vawlei Cung Ralpi Pa 3 Nak A Thawh Nak Ding A Ruang Bik.

A hmasa bik ah a tu lio russia le Ukraine an i kahdoh nak a ruang bik pahninh ka vun chim hmasa lai.2021 ah khan Ukraine hi NATO member si ding in bia rak khiah asi,NATO chung tel members tampi nih an lung rak tling,cu caah a fawi nak cun (illegal)phung ning lo,seal cumh loin cun Ukraine hi NATO member a si ti khawh asi.nain Rusia nih hin a rak duh bak lo i a rak do dal peng hna lu duh hna hlah seh tiah a rak pom duh hna loh,cu tik ah Ukraine cu (legal) phung ning tein cun a luh rih loh,cu tik ah 2022 ahhin phung ning tein luh ding asi,cu tik ah 2022 zongah Russia nih a duh tho tho lo i a pom hlei hna loh.

NATO ti mi hi a sullam le zeidah a si i zei dah an i tinh mi asi kan vun zoh tuah lai,NATO ( North Atlantic treaty Organization) cun North Atlantic Alliance ti zongah auh khawh asi.hi NATO member chung tel hi European ram lei in Ram 28 an si i North America lei in ram 2 an si i an dih lak ah Ram 30 an si.hi NATO ti mi hi April 4,1949 kum ah rak dirh mi asi.an rak dirh nak a ruang bik cu Vawlei pi a voi 2 nak ralpi a rak thawh lio ah vawlei cung minung mi pi sawhsawh a thi mi an rak tam tuk cun bomb khu vai ruang ah zawtnak tam pi le virus tihnung a chuak,cun bomb khuvai ruangah nau an chuak tik ah kut ke tlamtling lo le pum tlamtling loin a chuak tuk caah,ram 30 ram thawng deuh le ram lian ngan deuh poh kha rak i fonh in an dirh,cu tik ah an i tinh mi cu vawlei cung ah ral i thawh le ral i dohnak hi kan kham lai cun polotic lei in ram khat le ram khat Ral i dohnak chuah ai timh tik ah bia in rem le daihnak kan tuah pi hna lai cun ram kip nih freedom an hmuh cio hnak hnga kha fak piin tuan lak kha a tinh mi asi.

Cu tik ah Ukraine NATO member chungah Russia nih luh le i tel a duh lonak cuh A luh ahcun a freedom lai i a duh poh in ral thuam a ser caah a hnu ah ka caah ral a si sual lai ti a phang.cu tik ah Russia nih Ukraine control a duh i freedom tuk in um ter a duh loh,cu tik ah Russia president Putin nih zarhkhat chung cu i kahdoh hi a duh lo i bia tu in ti ah a rak ti peng nain bia in an i rem khawh lo caah kan i doh lai ti ah thawng a thanh colh,cu tik ah UN nih emergency in meeting a khawh i Russia cu ral thawh lo ding in an nawl nain a duh lo i Russia nih Ukraine cu a kah colh.

Cu ti i Russia nih nekneih ngai in Ukraine cu a kahdoh tik ah European ram lei deuh ppoh UK US ti bantuk nih cun Ukraine ram an hun chanh,nain Russia nih a tih hlei hna lo i kei mah le Ukraine ram kong ah a thlak mi poh cuh nan tuah bang in nan zuun lai ti ah ralring a pek hna.cu tik ah vawlei cung ram lian ngan deuh poh nih Japan Australia ti ban tuk zong nih Ukraine kha an hun chanh ve nak kong kha an hun langh ter,cun NATO member chung European ram 28 nih hin an hun chanh lai ti cu a fiang ko cu tik ah Russia nih a tuah ding mi cu a inn pa a hawi China North Korea ti bantuk pawl hi a sawm ve lai i Vawlei ral pi pa3 nak hi achuak kho ti hi zakhat ah 70 cu zumh deuh a um.

1939 in vawlei ral pi pahnih nak a thok i 1945 ah a dong, cu lio ahcun a tu chan ban tuk hin technology a rak sang tuk lo caah an thil ser mi zong si seh an meithal le bomb lei zongah a tuchan hriamnam he cun tah chunh ding a um a loh a rak chia tuk,Sihmanhsehlaw a tu hriamnam he tahchunh ding a um lo mi hriamnam le bomb hmanh nih vawlei pi ral a thawh ahcun minung tam tuk a thah hna i rawhral nak tampi a chuah pi,a tu chan cu technology a sang tuk cang tik ah,vawlei cung ralpi pa3 nak a chuah ahcun awng le sungh a um lai loh,cun vawlei cung minung hi 2%3 cheu thum ah cheu hnih cu kan thi hrim lai ti zumh a um cun a nung mi zong hi zawtnak le bomb khuvai ruang a chuah ding mi viruses in an thi mi an tam deuh lai ti zumh a fawn.

A tu vawlei cung ramkip nih an phan cio mi cu vawlei ralpi a voi 3 nak a tho la ti hi asi,nain Russia nih Ukraine a tuk cang caah ramkip nih vawlei ral pi a tho than ko lai ti hi,i kahdohnak lei in si seh politic lei in siseh an zumh deuh nang teh zei tin na ruah ve.