Press "Enter" to skip to content

Russia Model Muidawh Minthang Nih Putin Hi A Thluak A Hmaam Ti lo A Ti Ruang Ah An Thah

a tu bantuk in Russia nih Ukraine a kahdohank Russia muidawh model nungak nu nih putin a soisel i a thluak tling lo tiah a ti caah thlakhat a rauh hnuah suitecase chungah a ruang in hmuh asi,miza pi nih an zumhank ahcun Russia ralkap nih an thah mi si ko lai tiah an ti.

hi nu model nu hi kum 23 te lawng asi,a thih nak a kong lam le a thih ning a ruang hi fiang tein theih khawh asi loh,a ruang in an hmuh colh mi a si caah Putin mi hrut a ti caah an thah mi a si ko lai tiah midea tam pi nih an tial cio.hi nu a min ah Gretta Vedler tiah an ti i a lar ngai mi model pakhat asi.

hi nu nih hin a tu bantuk in Ukraine Russia a kahdoh nak ah duhlonak a langhter peng i a instagram tiangah putin mihrut tiah a tial in a post,minthang pakhat a si ve tikah Putin nih a duh lo i a ralkap pawl a thah ter hnanak hi a si tiah zumhank a um,a mah lawng hi asi lo a dang mitam pi duhlonak a langhter tu a ram mi pawl a tlaih hna hnai thongah a thlak dih hna.

relchap..ChaungOo Ah Pyusawthi Nih Khuachung Inn 60 Hrawng An Khangh!
Sagaing ramṭhen, ChaungOo peng chung Shwehle(ရွှေလှေ) khua cu SAC ralkap kuttang um pyusawthi hna nih an khangh i, inn 60 hrawng a kangh caah cuka pawng hrawng khua hna zong hmundang ah an zaam, tiah Shwehle khua mi nih an chim.

Pyusawthi hna hi Gangyikung(ကံကြီးကုန်း) khua ah umhmun an khuar caah Shwehle(ရွှေလှေ) khua lawng siloin Yagyitaw (ယာကြီးတော), Waya(ဝယာ), Yuatit (ရွာသစ်), Shweku (ရွှေကူ) le Sipagan (ဆီပုဂံ) khua 6 in minung 7000 leng cu an zaam hna.

“March thla 9 ah khan Gangyikung (ကံကြီးကုန်း) ah Pyusawthi training an tuahnak Phung-ki Sianginn cu PDF nih an kah hna caah pyusawthi nih lehrulhnak an tuah hi a si. Nihin March 17 tiang mizapi cu khua ah an kir ngam rih hna lo,” tiah Shwehle (ရွှေလှေ) khua mi pakhat nih cun a chim.

ChaungOo peng, Gangyikung (ကံကြီးကုန်း) khua pyusawthi hruaitu Phung-ki Ashin Nanda Saw kuttang mi hna nih March 14 ah Shwehle (ရွှေလှေ) khuachung cu luhhnawh in thilri an fir lengah inn 60 hrawng an rak khangh cang.

Cu kong he pehtlai in ChaungOo Revolution nih cathanh an chuah i, SAC rakap nih internet line an thah caah thawng kan thanh kho lo, tiah an chim. SAC ralkap nih cun “Shwehle khuachung inn a khaangtu cu PDF an si” ti in cathanh an chuah ve.

SAC ralkap le pyusawthi minung 60 hrawng nih umhmun an khuarnak Gangyikung (ကံကြီးကုန်း) khua pyusawthi sakhan cu March 9 zinglei suimilam 1:00 luan ah mizapi ralkap MGN 35, Myinchain (မြင်းခြံ)ZERO, The Taungta Value of Young Men, MRA (Myaung Revolution Army) phufonh hna nih luhhnawh in an rak kah hna.

Be First to Comment

Leave a Reply

Your email address will not be published.