Russia Nih Ukraine A Kahdoh Lai Hi A Hlan Tein China Nih A Rak Theih Cia Dih Mi Asi,Cu Caah US Nih China Cu A Hro
china nih tutan ah Russia nih Ukraine a tuk lai hi a hlan kan in a theih dih cang mi a si,Putin i a timhtuahnak vialte ah a tel ve an pahnih in bia an i ruah hnu ah Russia nih ukraine hi a tuk mi asi tiah Joe Biden’s National Security Adviser Jake Sullivan nih a chim.
cu lawng si loin china nih ukraine ram pawngkam pawl ukraine nan chan i Russia nan doh ahcun keimah nih kan tuk hna lai ti zongah a tihpheih hna,russia nih ukraine a tuk lai nikhat hlan ah Putin le china president ton bia ruahnak an nei ti ah theih zong a si.
cu tikah a tu lio hih US nih china cu a zoh ziar ko,China nih Russia a bawmh sual ahcun tiah an zoh ziar,a ralkap lawng si lo in hriamnam lei zong in a zei poh in China nih a dirh pi nak le a cawlcangh nak kan hmuh cun european poh nih action kan lak lai tiah Sullivan nih ralring nak a pek hna.
relchap.Tanhse-Yeoo Lampi Ah Mizapi Ralkap Nih SAC Ralkap Motor An Kah Hna: Sagaing ramṭhen, Tanhse (တန့်ဆည်) le YeOo (ရေဦး) kar ah SAC ralkap khalh mi motor cu nihin March 12, zinglei suimilam 11:30 hrawng ah Seinkha(စိမ်းခါး) pawng in mizapi vengtu ralkap nih an bawh hna i an kah hna caah SAC ralkap 3 an thi, SAC ralkap pakhat cu a nung in an tlaih, tiah mizapi vengtu ralkap phufonh sin in theih a si.
Auto meithal 5 le hriamthil cheukhat cu kan lak khawh i, a nung in tlaih mi SAC ralkap pakhat cu zeibantuk reng a si fiang in theih a si rih lo, tiah mizapi vengtu ralkap phufonh in ṭuanvongeitu pakhat nih Mayelatt Athan ah a chim.
Dohthlennak ah ral a tu mi mizapi vengtu ralkap hna caah hriamthil chambaunak a tam caah mipi bawmhchanh an herhnak kong le, mizapi nih mah le tuah khawh tawk cio in bawmchan cio ding in an cathanh ah an langhter.
SAC ralkap le mizapi vengtu ralkap kahdohnak ah Tanhse(တန့်ဆည်) Phoenix Defense Force, Tanhse(တန့်ဆည်) battalion 2, tat-mah 7, tat-khuai 3 le Duwan(ဓူဝံ) chaklei mizapi vengtu ralkap phufonh hna nih an doh hna, tiah theih a si.
