Ruusia Nih Hrocernak Kan Ton Tuk Sual Ahcun Nuclear Kan Hman Lai An Ti Ko Cang Hih
Russia cu kan nunnakdamnak ding i tlerhkhonh tuk kan ton tuk ahcun Nuclear ralhriam kan hman lai, tiah Russia cozah biachimnak nawlngeitu Dimitry Peskov nih CNN biahalnak ah a chim. “Kan nih cu ramchung himnak ding ti mi hmuitinh kan ngei i Nuclear hman a herhnak ding a ruang zong ruah cia dih a si i, kan ram nundamnak kongkau ah tlerhkhonh kan ton tuk ahcun kan i ruahcia le kan i timhcia bang Nuclear kan hman ko lai,” tiah a chim.
Russia President Putin nih cun Russia Nuclear ralkap pawl cu ready te i um peng ding in kan hnu tla ah khan nawl a rak pek cia cang hna. Cu nawlpeknak ruangah Nuclear hriam tlaitu pawl le Pacific phu hna cu raltuknak rian kan khinh hna, tiah February 28 Russia Defence Minister nih a chim ti in Interfex nih a langhter.
“Ruah hmanh ruah ngam a si lo mi Nuclear ral thawhnak ding dirhmun chung ah kan phan ṭhan,” tiah UN General – Secretary Antonio Guterres nih March 14 ah khan a rak chim ve cang. “Ukraine kan tuk hi a hlankan tein ṭha te timhtuah hnu cikcek ah kan tuahmi a si,” tiah Russia Cozah biachimnak nawlngeitu Dimitry Peskov nih cun a chim.
Russia nih Ukraine a tuknak ah a hman mi tactic hi a chiakha kho tuk i Chemical hriamnam hna Putin nih a hman te khawh men, tiah US President Biden nih a chim tlawmpal ah Russia lei in Dimitry Peskov nih tlerhkhonh kan ton ahcun Nuclear kan hman lai, ṭiah a chim colh ve. Credit; The Chin Post
SAC ralkap Tank 2 tel in mawṭaw run 80 hrawng cu nihin March 23 zingka ah Magwe ramṭhen, Kyaukthu in Chin ramkulh, Mindat lei ah an kal, tiah a tualchung mi hna sin in theih a si. Cu SAC ralkap mawṭaw run cu eidin a phortu mawṭaw a si lai, tiah ruah si i, Mindat le Matupi um SAC ralkap Battalion hna sin in eidin va chan ding le minung va thleng ding an si men lai, tiah tualching mi nih an langhter.
Mindat -Matupi mawṭaw lam ah March 19 ni thok in tlunkal lo ding, tiah thanh a si caah a tlungkal mi nih pakhat khat thil nan ton mi hna a um sual ahcun ṭuanvo kan la lai lo, tiah CDF – Mindat nih a rak thanh. SAC ralkap mawṭaw run cu Mindat – Matupi lampi ah kum August 2021-November 2021 chung ah lampi zul in an kal i, CDF Mindat, CDF Matupi hna nih an kah hna caah SAC ralkap 100 leng an rak thi. The Chin Post
