SAC Hruaitu Min Aung Hlaing Mipi Hmuh Khawh Loin A Tlau, A Thih Le Nun Theih A Si Loh
Nawlngeihnak latu SAC hruaitu General Min Aung Hlaing cu mipi hmuh khawh loin a tlaunak zarhkhat leng a si cang, tiah theih a si. SAC ralkap Bawi Min Aung Hlaing cu nawlngeihnak laak hnu in atu bantuk in mi hmuhlonak ah caan sau a langh lo hi a um bal lo.
A luancia February 27 ah Naypyidaw ah tuah mi biaknak lei ceremony ah aa tel hnu in nizaan March 7 tiang mipi hmuh khawhnak hmun ah aa langh ti lo. SAC hruaitu Min Aung Hlaing cu Covid-19 zawtnak a ngwih leng ah taifah in a dam lo, tiah thawngpang a chuak mi a um, nain fehternak a um rih lo. SAC hruaitu Min Aung Hlaing cu mipi hmuh khawh lo in a tlau chung ah amah changtu SAC hruaitu nih meeting a telpi tawn hna, tiah theih a si.
HI bantuk in ram chung phung ning loin a la tu le ram dang a tu doh mi,mi sualnak a nei lo mi mipi sawhsawh,thiltha tuah pi tu hna hruaitu poh hi an tlau tawn,a cheu cu an thin a phang i an i thup,a cheu cu a mah le a mah a thah mi zong an um i an chuah ti lo,nain a cheu cu a hnu deuhah a chuah than ko,a tu tan i ming aung hlaing hi zei dik a ruang bik mipi hmuh a langh lo nak hi a si hnga.
a chuah langh lonak a sau tuk caah mipi cheu khat nih cun a thih lai le a si ko la tiah an lung hring cang,zei caah tiah a tu bantuk in zietik hmanh ah chuah loin a um bel lo,a si loah ram dang ah maw a thup le a si hnga ti zongah a lunghrin mi an um ve thotho nain a zei a va si zongah chuak kho ti hlah sehlaw a tha hnga.
thawngpang dang Karen National Union (KNU) Brigade 5 hmunhma chung ah kan hnu February thlachung lawng ah SAC ralkap le BGF 136 an thi, tiah Nizaan March 7 ah KNU nih thawng a thanh. Kan Hnu Febuary thlachung lawng ah KNU Brigade 5 hmunhma chung ah KNU/KNLA le SAC ralkap voi 300 reng lo an i kap i, SAC ralkap Bogyi le Tatkyat 3 tel in minung 136 an thi. KNLA ralkap minung 10 an nunnak liam i 26 hliam an tuar, tiah KNU nih cun a thanh. Febuary 5 ah SAC nih vanlawng in bomb an thlak caah Moehtaw pengkomh Tanuaikha khua mi 2 an nunnak liam i 6 an i hliam, tiah KNU nih cun thanh chih.
A Voi 3nak Russia-Ukraine Palai Tonnak Ah Ruah Ning In Hmakal Lo: Nizaan March 7 zaanlei, Belarus ram i Russia le Ukraine palai hna tonnak a voithumnak ah kaphnih palai pawl nih an i ruahchan ning in hma a kal lo, tiah theih a si. Russia Palai Macdensky nihcun ceihhmai ding ah kan chuah pi mi hna cu kan i ruahchan ning in a phi a chuak lo, tiah a chim i Ukraine President Office Advisor Michelle zong nih tutan kan sining ahcun a ṭha mi phi chuak pakhat hmanh um lo, tiah a chim ve. Kaphnih palai hna cu a rauh hlan ah a voilinak tonnak ngeih ding hnatlaknak an ngei i, atu i an on cuahmah mi Humanitarian pawl caah lam on ding ti mi belte pehzulh in ṭuanchuah ding ah an lung tling.
Myanmar Ram Pumpi In Nikhat Chung ah SAC Ralkap 86 An Thi: Myanmar pumpi in dohthlennak tuah hnu 2022 March 7 nikhat chung kahdohnak ah SAC ralkap 86 an thi i, PDF 22 an nunnak a liam, tiah Yangon Khat Thit nih cazin a laak ning theih a si. Cazin ning ah ralkap a thi mi hi Kachin ramkulh Moengin ah 20, Karen ramkulh Laykekaw ah 4, Sagaing ramṭhen Kalay peng ah 3, Tanhse ah 30, Swebo ah 2, Chin ramkulh Kanpalet ah 6, Magway ramṭhen, Poh peng ah 20 le Kachin ramkulh Moemoh ah 1, an dihlak 86 an si. PDF lei in Moengin ah 8, Laykekaw ah 1, Depayin ah 8 le Poh peng ah 5, an dihlak 22 an nunnak a liam.
