SAC Nih Khualtlawng Pohpoh Identity Card An Check Lai An Ti Caah Chin Mi Ralzal Cheukhat Harnak An Tong
“Khualtlawng mi hna le hmundang ah aa dor mi hna nih Identity Card(hmat-pung-tin) nan langhter lai” tiah cathanh chuah a um caah Chin ramkulh in hmundang i ralzaam cheukhat cu harsatnak an tong, tiah ralzaam hmunhma ummi hna nih an chim. Cu cathanh cu SAC ralkap nih March 5 ah cathanh an chuah mi a si i, a ra lai mi April 1 in thok a si lai, tiah an langhter.
“Kan nih hi Mindat in Teithgyi(တိုက်ကြီး) lei ah chikhat kan rak zaam chung. Hika hmun ah hin inn hlang in kan um i, hmat-pung-tin kan thlau caah cozah riantuannak card kan hman nain rian in kan chuah cang caah cu card cu kan hmang kho ti lo. Kan umnak ah hmat-pung-tin cu 4/ in ser a hauh caah an kan tuahpiak kho lo. Mindat ah nan i tuah a hau lai tiah an kan ti,” ti in Mindat in Teithgyi ah ralzaam dirhmun in a um mi pakhat nih a chim.
Identity Card(Hmat-pung-tin) tel loin lungtlinpinak ca lawng he khualtlawng mi hna cu April 1 zinglei suimilam 6:00 thok in cun kan kan cohlang ti lai lo, tiah SAC ralkap nih cathanh an chuah. Identity Card (Hmat-pung-tin) tel loin lungtlinpinak ca he khualtlawng mi hna cu zeitin dah hmalak an si lai ti cu fiang tein langhter a si rih lo.
“Atu lio ah Mindat ah kir in ID card(hmat-pung-tin) tuah ding cu a fawi lo mi a si, kan ṭih bia zong cu a si. Cuhlan ah cun ID card(hmat-pung-tin) thlau tik i ser ṭhan duh ahcun inn zakhat uktu minthut, sang khuabawi minthut aa tel a hau. Cun, palik sakhan ah ID Card(hmat-pung-tin) sernak ding catlap laak a hau, chungkhar cazin hna he zung ah sawk a si. Atu ah cun zung le palik sakhan ah ID Card(hmat-pung-tin) sernak sok in tuah khawh a si ko tiah an chim nain ralzaam dirhmun in a um mi kan si caah kan kal ngam lo,” tiah Kyaukhtu (ကျောက်ထု) ralzaam umnak sakhan in ralzaam pakhat nih a chim.
Indentity Card (Hmat-pung-tin) a thlau mi hna le a rawk mi hna cu Pankhin-siman chat(ပန်းခင်း စီမံချက်) in tawlrelpiak an si caah anmah he aa pehtlaihnak Immigration Office ah 10ks lawng dih in sok khawh a si, tiah SAC nih an chim.Crd the chin post
