SAC Ralhran Teinak Caah Kan Sikhawh Chungin I Tel Cio Hna Usih, CNF/Chinland Club nih 2022 kum chung ah $800 cio in kan miphun rianttuantu kan tawh dih lai

Rev.Dr. Rollin Vanbik hruaitmi, CBCUSA CDF Supporting Committee upa pawl he Indianapolis khua ah kan ni tawn. CBCUSA CDF upa pawl hruainak in kan ral teinak caah an cawl nak ah hin kan ni tel khawh chung in i te ve cio hna uh sih. Nain, CNF/Chinland Club nih 2022 kum chung ah $800 cio in kan miphun rianttuantu kan tawh dih lai an kan ti nak zong ah kan thawh chih tthiam tthiam lai. Ral kan tuk lio a si i thilrit ngai kan ni khinh dih a hau ko. Teirial tu i zuam cio ko hna uh sih.. Crd; Daniel Sakhong

Thawngdang Relchap; Bangladesh Cu Japan, India, Tuluk, Russia Bangin Ralhrang MAH Ṭanhtu Asi. Rohingya Genocide (Cihmihnak) ah ṭuanvo ngeibik mi cu: Kanpi Suu (AMay Suh) le NLD ansi. Mipi Cozah NLD Chan ah Rohingya Piatana cu linsa ngai in, Vawleipi theih in ICJ ah Tazacuai asi.

Arab ram (45) (OIC) nih Gambia le Bangladesh nih Rohingya aiawh in an dir. OCI min in tazacuai asi nain, ai awh in Ram pakhat dirh a herh caah, Bangladesh nih Keimah ka dir lai ati. Kanpi Suu le Bangladesh Tazacuainak Bantukin asi. ICJ ah Kanpi Suu nih MAH le Ralhrang Rallokap bawi hna a khumzual hna caah, Bangladesh le Kanpi Suu karlak ah theihthiam lonak relcawk aum.

Rohingya Ralzam 1000000 leng cu: UN bawmhnak in Bangladesh nih a cawm hna. Kawlram lei kir awk ah a himbawm mi le humhim nak caah Amakhan cu Kanpi Suu nih a sersiam piak khawh hna lo. ICJ kong ah Bangladesh nih Kanpi Suu le NLD cozah ah lungtlin lonak tampi a ngei.

Cucaah, Ralhrang MAH te lei ah Bangladesh hi an um lawlaw hi asi tiah, Mifim thiam le Politicians (Ramkhel Mi Cungnung) rual hmuhning cu asi. Vawleipi nih theihhngalh mi piatana cu Rohingya Genocide asi. Ramdang Nobel Peace prize acotu hna le Vawlei Minthang hna bantuk asiloin, Kanpi Suu nih ICJ ah Rohingya kong ah Genocide kan buar lo, ati bakin Bangladesh cu shock a ngah dengmang.

A lung rawk tuk. UNCHR Commissioner (UN Maha Minci) aiawh asi mi Dr. Yang Hee Lee cu Kanpi Suu nih arem lo. Nu le Nu cu: an I hnahchuah I an I entai pah deuh ko. Keimah ka fim deuh, kaa za deuh ti phun in nu kokek ziaza kungcung hmin bak in Vawlei theih in biaraldohnak an ngei zungzal.

An pek ciami Minṭhatnak le laksawng tampi zong Kanpi Suu cu an chut ṭhan. Nobel Peace Prize belte an lak piak lo. Ahohmanh kan chutṭhan rihlo an ti salam. ICJ kong ah Vawleipi an lungdong tuk caah, Paucan Dohthlennak ah Kanpi Suu tazacuainak le luatnak kong ah Vawleipi an dai ngaingai hi asi.

Mipi zawnruahnak le GZ caa lawng ah, Vawleipi nih an chimhrel deuh ko. ICJ kong ah Kanpi Suu Cozah le Bangladesh cu Ti le Mei bang aaral mi ansi cang. Uico le Meheh an si ko. Tuu le Meheh?
Rohingya Genocide piatana cu tuan tein dih awk ah le chanchuah phisin awk ah, I dinh loin Bangladesh nih aazuam zungzal.

Bangladesh papek mi usape rian nganbik ah atla cang. Khat lei in Kanpi Suu te nih “An ṭha pah te ko lai” tiphun in duada in an um salam, an daithlang, an phete, papek in an ṭuan lo kha an hmuh tikah, Bangladesh nih, Kanpi Suu cungah mawtchiatnak relcawklo an ngei. Rohingya Genocide nih an ram ah Ralhrang cawlcanghnak a tam ter chinchin.

Anram buaibainak tu a karh ter chin. Cucaah Rohingya kong he pehtlai in Kanpi Suu he siloin Rallokap hruaitu hna he bia an I ruah deuh cang. Rohingya lungrawn khirh ṭhannak caah, Rallokap nih Humhimnak tlamtling anpek khawh lo nain, anmah he biaruah lawng ah a hlawhtlin deuh lai tiah Bangladesh nih fek tein an zumh.

Rallokap Ralbawi rual he Rohingya kong biaruah ding ah Innka a awnh zungzal tu Bangladesh ka si tiah MAH te tu a lemsoi lehlam hna. Achan cu 2008 Phunghrampi nih Rallokap cu Kawlram ah Abiapi bik mi ansi tiah ati. Ram pakhat ah Abiapi bik mi Zung asimi, Humhimnak, Home Affair le Ramri kilvennak tbk cu Rallokap kuttang lawng ah aum mi asi kha Bangladesh nih an hmuh ve.

Ahlan tein Ralhrang Rallokap he biaruah in buaibainak aphisin bal mi Bangladesh ansi. Rohingya kong he pehtlai in Ralhrang Rallokap Ralbawi rual he 1978 le 1992 ah biaruahnak an rak ngeih bal I an hlawhtlin ngaingai.

Bangladesh nih an thinphang bik mi cu: Rakhine ah AA le ARSA an ṭhawng chinchin, Hriamnam le thazang in, a zeilei poah an ṭhawn chin lengmang. AA nih Rakhine ram ah Uknak le Biaceihnak an tuah mi cu an hlawhtlin tuk caah, Bangladesh ram zong an lak lai I, Rohingya ram ah an serh suallai tiah an thin phang tuk.

AA le ARSA ral in a ka chanchuah khawh ding mi MAH te Ralhrang Rallokaop lawng ansi ko lo maw tiah Political Ideology an ngeih caah, SAC an ṭanh lawlaw hi asi. AA nih Chinram Paletwa an kan chut lai tiah thinphang dai loin CHINMI khua kan sa Bantukin, Bangladesh zong nih an thinphang ve.

AA le ARSA fonhin Bangladesh ram an kanchut lai ti kha an phang tuk ve. Rakhine Country (Dangiah Waddy Rakhine Ram) dirhnak roadmap ah Paletwa le Bangladesh Rohingya rual umnak aatel. ARSA timi cu Rohingya Ralkapbu an si. Arakan Rohingya Salvation Army, Rakhine Rohingya Khumzual tu Ralkapbu tinak asi.

(1) Bangladesh he Raldoh Hawikom asi mi Japan, India, Tuluk, Russia nih Ralhrang MAH lei ah an ṭanh caah asi ati mi zong an um. (2) Russia le Tuluk nih MAH te Rallokap cu an dirhkam I an khumzual zungzal caah, Ameircan telin Nitlakram hna nih an thangchiatmi, an phihkarhmi, dantat mi cu zei san atlai lo tiah Bangladesh nih a hmuh caah MAH sin ah aum lawlaw nak asi. (3) Ramdang piatana ah i thlak lo ding timi mumal le dundan kha Bangladesh nih ASEAN Bantukin a hmang ve.

Ramdang piatana ah I thlak lemlo in anmah he remdaih tein I chawnbiak, khuasa kha Bangladesh Lamthluan cu asi. (4) Bangladesh nih a biapibik le papek in Phisin an duh mi cu NLD chan ah an ti khawh lo. Rohingya piatana, Ramkhat le ramkhat tluang tein I chawnbiak in lamkal ṭi kha NLD nih an duh lo, Ramri kong buaibainak, tbk vialte cu NLD nih phisin duh loin hnu an chit caah, Bangladesh cu MAH sin ah aafonh law law.

(5) An ram Tupung cihmih nak, Phungning loin Hriamnam zuarnak, Rithai sii phunphun zuarnak, Humhimnak a hnursuan mi vialte dohkalh in cihmih nak, tbk vial te Kawlram Ralhrang Rallokap he ṭuan chuak awk ah, Bangladesh le MAH te cu hnatlaknak an ngei. Hmakhat te ah hlohral khawh mi asi lo caah, ram hnih I bawmh in can saupi tiang, kan hlawhtlin hlanlo kan ṭuan ṭi lai tiah bia an fek ter.

Vawleipi thazang epchunh in cuaithlai tikah, Kawlram le Bangladesh hi, Bianabia ah hmang lengmang asi. Ahodah a ṭhawn deuh lai, aa TEI lai tiah, zuamcawh ter lengmang asi. Kawlram hmailei kong chimhchung tikah Singapore he tahchun in an chimh ballo. Bangladesh kha chirhchan ah an hmang I Kawlram hmailei kong le asilai nak kha chimhrel tawn asi.

Democracy ram le Federal Ramkomh kan serh ahcun Bangladesh nih an kan TEI khawh ti lailo. Ralhrang uknak le Civil War asi zungzal lawng ah an kan TEINAK ding lam aum. Cucu Bangladesh nih an Chunmang asi. Ralhrang MAH te Rallokap nih an ukpen zungzal ahcun, Kawlram hi kan TEI zungzal lai timi a Satan ngian ruangah Mipi sin ah ṭanh loin, MAH sinah Bangladesh an ṭanh lawlaw nak hi asi.

Kawlram adam lai kha aduh hrim lomi Bangladesh asi. Kawlram tuanbia zoh tikah, Anaa laknak, Ralhrang Rallokap ukpennak, Biaknak lei I tukthat nak le buaibainak, tbkin zungzal aa ciah mi ram kansi. Rallokap le Tlangcung Ralkapbu hna karlak ah kum 70 leng Civil War nih Chengpalang ah a tla pi mi Kawlram asi. Zetikhmanh ah adai ballo ding mi buaibai nak le piatana asi.

Cucu Bangladesh caah Arpi ṭahnak Sahngar Nihnak Bantukin asi. Bangladesh nih, hi vialte piatana dai lai hi aduh lo I a ṭih tuk. Piatana le buaibainak dang i chuah rihseh ti aduh tu Bangladesh asi. Asi khawh ahcun Buaibai nak kha khengchap bangin chap aduh tu Bangladesh asi.

Paucan Dohthlennak nih Kawlram buaibainak le Dam lonak vialte cihmih aatimh caah, Bangladesh caah rawkral nak lehlam asi te lai. Cucaah Mipi sinah um loin MAH minung asinak hi asibik. Bangladesh nih Kawlram kong ah Abiapi bik ah an chiah mi cu, Sipuazi le Humhimnak ansi. Democracy ram pakhat asi ve komi Bangladesh nih, MAH Ralhrang cohlan cu Democracy nunphung asilo kha a theih ko na rawraw in MAH minung asi ko.

MAH anaa chutnak kong he pehtlai in a chia le a ṭha tiah a soisel ballo Bantukin, Akaa aa cip I dai tein aum mi Bangladesh asi. Mipi le GZ cu voksa hang an kan dinhtu ram ansi. Bangladesh cozah NEWS ah an thanh ve mi cu: 2008 phunghrampi ningin Democracy lei panh ding, ti lawng an ṭial. Kanpi Suu le Ramkhel le zumhnak kong ah tlaihrem mi le Thongtla mi vialte luatter uh ti cu chimh aa timh hrim hrim lo. Kawlram Zalonnak Ni ah, a Cakuat cu, aa phundan ngaingai.

Kawlram he a fekmi pehtlaihnak ngei zungzal ding ti le SAC Kawlram Cozah cu Kawlram Cozah dik asi tiah kan cohlan ti asi. Japan ram hrim nih MAH cu cozah nasi a timi le Ralhrang Rallokap Cu Maymyo Ralbawi College ah caa Achimh hna.

MAH cozah kuttang ah Sipuazi a tuah mi nih Bangladesh lawng siloin ramdnag tampi zong Ralhrang he Sipuazi tuah awk ah an lung a ṭhawn ter tuk hna. EU, France, Italy, Germany, Australia tiang in MAH he Sipuazi an tuah ṭi rih ko mi hi zoh ko uh cah. Crd; Zingtincuai Cinzah