Press "Enter" to skip to content

SAC Ralhrang Bawi Pa 2 Nih Hriamnam He CDF-Matupi Sinah An Lut!

Chin ramkulh Matupi peng chungah hrambunhmi ke raang Battalion (521) in တပ်ကြပ်ကြီး le ဒုတပ်ကြပ် pahnih nih hriamnam he CDF-Matupi sinah an lut tiah CDF-Matupi sinin theih a si.တပ်ကြပ်ကြီး Myint Naing Oo amah pumpak chinchiahnak (တ-၁၂၅၈၅၁) le ဒုတပ်ကြပ် Ye Yinh amah pumpak chinchiahnak (တ-၁၂၅၈၀၀) hna cu January 26 ah MA 1 meithal zuun hnih le kuanfang 550 telh in kutin chehmi bomb pahnih, ke in lamh khomi bomb pakhat he CDF-Matupi sinah an lut.

 


Kannih sinah a kan fonhmi hna cu lunglawm tein kan don hna pinah anmah he aa tlak ningin phaisa kan pek hna hnuah himnak hmunah kan thlah hna tiah CDF-Matupi ah biachimnak nawlngeitu Nue Oo Lin nih a chim.Anmah pahnih cu ralkap nih mipi cungah ningcang loin thahnawnnak le hremnak tibantuk an tuahmi cu an cohlang khawh lo ruangah Battalion ah phan hnuah ralkap in chuak dingin cun a har tuk cang caah atu bantukin an fonhnak a si tiah theih a si.

CDF-Matupi cu mipi vengtu phu a si i, mipi duhlomi SAC ralhrang kuttang ah riantuan loin mipi ralkap le duhmi si dingin SAC ralhrang ralkap hna cu an sawm hna.Lawmhpinak phaisa pek timi cu mipi nih kan in lawmhpimi a si i, a rak fonhtu hna ralkap le palek hna cu kan in don hna i, himnak hmunah kan in thlah hnuah nan nunkhuasaknak caah a si khawh chungin kan in bawmh hna lai tiah an chim.

Febuary 4 zongah khan Matupi palek sakhan in palek ဒုတပ်ကြပ် Wai Pah, amah pumpak chinchiahnak (လ-၂၃၀၃၀၉) nih CDF-Matupi sinah a lut ve.Febuary thla tiangah CDF-Matupi sinah palek (5) le ralkap (5) an lut cang tiah theih a si.

Be First to Comment

Leave a Reply

Your email address will not be published.