Press "Enter" to skip to content

SAC Ralhrang Le An Motor Hna Cu Parte Khua Lu Ah An I Hrocer Cuahmah Cang Ee!

Ralhrang le an motor rual cu zahan kha Parte khua phanh hlanah an riak, tuhi Parte khua lu in an i hrocer len ko. Credit; Salai William HC…… Thawngdang Relchap>>>>><<<<<< Federal Army! Atu lio ramkomh Kawlram buainak ah ngaihchiat lungfah thinhunnak thilcang tampi a chuak. Cu ah Kawl miphun chung hrimhrim in Kawl ralkap cung i duh lo lungtlin lonak a hung sang ngaingai.

Cu hlan ah Kawl nih an rak chim theng bal lo mi ‘Federal Army’ ralkap ser ding timi saduhthah bia tiang zong zapi lakah a hung leng ngai i atu ah cun ‘National Unity Government’ zong nih an hun chim ve cang. Asinain a tak i vun tlamtlinh khawhter awk ding bel ah zei tiang khi dah hma an sawn khawh te hnga timi vun ruah awk cu a tam ko.

Vawlei cung ram cio nih ralkap bu an ser ning cio zoh ah, Burma ram bantuk in an ram chung miphun ṭengnge vialte aiawh tu tel dih hna in ser timh mi ralkap bu a um rih lo. WW2 raltuknak a vun i lim i, Kawlram cu British cozah nih ram luatnak pek a timh lio ah a theory in cun Federal Army phun cu an rak ser piak hna nain practical ah a rak tlamtling kho lo.

Ziah tiah hmailei Ramkomh Burma ram ca i miphun ralkap dirhmun le i-ukhruinak ca ah ṭha tein phunglam ser mi a rak um lo. A tlangpi in miphun aiawh tu ralkap le palek cu Prime Minister hruai mi cozah uknak tang ah um ding an si i, defense minister le home minister cu duh ah duh lo ah anmah Kawl miphun party chung mi an rak si caah anmah nih an duh ning in mersan khawhnak nawl an rak ngei.

May be an image of 7 people, people standing and monument

Burma ram independent hmuh kaa 1948 kum ah hin ram chung ah ke ralkap battalion 15 lawng a rak um i, cu chung ah Chin Battalion 3, Kachin Battalion 2, Karen Battalion 3, Burma Battalion 4 le UMP Battalion 1, Gurkha Battalion 1, Mixed Battalion 1 (Karen + Chin + Kachin) an rak si hna. Chief of Staff – Karen, Chief of Army Staff / Air Staff – Karen, Chief of Navy Staff – Bamar tiin an rak si hna.

British cozah nih cu miphun aiawh phuntung battalion ralkap pawl an rak ser piak hna lio ah hin zapi nih rak hngalh lo mi thil thup a rak um. Mah cu thil thup cu, General Aung San le Kawl bawi pawl nih Japan uknak chan lio i ralkap training a rak la mi Kawl miphun ralkap bawi cheukhat cu miphun aiawh battalion ralkap chung bawi ah chiah ve an rak timh hna. Natein cu lio i ṭuanvo ngei British ralbawi nih an rak duh lo. Mah ca’h cun, cu lio i miphun aiawh battalion ralkap ah battalion CO in ralkap bawi vialte cu anmah miphun cio chung in an rak si dih hna.

Vanchiat ah Burma cu independent a hun hmuh in ram chung ah hriamnam tlaih in buainak tampi a hung chuak i, miphun aiawh battalion ralkap le ralbawi pawl zong, Kawl ralkap battalion thar tampi an hun ser mi ah an kuat an ṭhial dih hna i, miphun aiawh battalion cu 1955 in 1960s kum hnu in cun a min lawng in an hun um cang hna. 1949 kum February thla in Chief of Army Staff cu General Ne Win nih a tlaih i army commander pawl an rian le an sinak a rak thlen dih hna. Crd: David C B. Ling

Be First to Comment

Leave a Reply

Your email address will not be published.