SAC ralhrang le PDF kahdohnak a chuak
Shwebo ah ralhrang le PDF kahdohnak a chuak ralhrang 15 an thi, mizapi 2 ralhrang nih an thah hna. Shwebo peng chungah January 24 zinglei 8:30am ah PDF le ralhrang kahdohnak a chuak tiah theih asi.
Sagaing ramthen, Shwebo peng, Tilun khua in a chuakmi ralhrang 200 leng cu Ziphoikung khua le Zuasu khua kar ah kahdoh an si i ralhrang nih hriamngan in an kah hna nak kong cu SNAKE EYES-PDF (SHWEBO) in tuanvongei pakhat nih a chim.
”zing 8 hrawng ah anmah nih hriamngan in 30 leng an kan kah, khua pawng hrawng ah PDF an um lai ti’n kah thlorh in an kan kah tiah ” PDF in tuanvongei pakhat nih a chim. Kaphnih kahdohnak hi suimilam 1 hrawng arau i, kahdohnak a dih hnu ah ralhrang cu khuachung ah an lut i azaam kho lo mi pahnih an thah hna tiah theih asi. Crd; 21 the chin time
Khin U-PDF nih ralhrang thil ser mi phurh le phurhlo check. Sagaing ramtthen Khin U peng chungah mipi vengtu ralkap nih ralhrang thil ser mi phurh le phurh lo chekhlatnak an tuah.
Khin U peng hrimhrim ah ralhrang nih an ser mi thilri pohpoh kan hrawh dih lai tiah KULG nih an ti hnu in khualtlawng chukcho mi motor pawl cu heh tiah a check hna. Ralhrang ser mi thilri hrimhrim phurh le zuar an duh lo i, hi bantuk in mipi khualtlawng pawl kan in check hna mi hi kan theithiam hram u law ti zongah cathanh an chuah.
Kachin ram zongah ralhrang ser mi Beer tampi an hrawh piak thluahmah cang hna. Ralhrang nun khua a sau ter tu hi anmah nih an ser mi thilri rak cawk le rak ruangah a si ti kha fiang tein theih a si caah mipi kilvengtu ralkap hna nih biatak tein ralhrang ser mi thilri hman lo dingin an khamnak hi a si. crd; suimilammedia
