Press "Enter" to skip to content

SAC Ralhrang Minung 140 Leng Cu Hakha In Kalay An Panh, Thongtla An Phorhmi 18 Tiang Theih An Si, Nu Hna Zong An Um

Halkha in kalay lei panh ralhrang kee kal hi 30/40 kar, cun motor aa citmi ralhrang hi a tam leiah 100 an si lai an ti. Ralhrang milu hi 140 hlei an si lai lo tiah mithmu tu nih an chim. Halkha in Kalay karah hin a thla in kan rau rih lai ti an theih cia rua, riahcaw tam taktak an i phorh an ti. Thongtla an phorhmi hna hi minung 18 tiang cu confirm a si. An motor chungah Nu an um ve len, mah nu hna hi ralhrang nupi maw an si timi a fiang rih lo. Credit; Salai William HC

Relchap; Mizapi sin aa fonhmi ralkap le palik cu NUG he a himnak hmun pakhat ah kan i tong, tiah NUG Ministry Of Defense nih cathanh a chuah. Cu tonnak hmun ah cun NUG ṭuanvo ngeitu, CDM tuah khawh nakding a ṭuanchuaktu Committee, dohthlennak leiin ṭangrual PDF, zatlang bu leiin CDM a tuahtu palik, ralkap le an chungkhar hna an kai kho, tiah theih a si.

Tonnak hmun ah NUG acting President Duwa Lashi La le Ministry Of Defense minister Ye Mon nih forhfialnak bia le upat conglawmhnak bia an chim dih in Ministry Of Health le Ministry Of Education ṭuanvo ngeitu hna nih, atu lio NUG cozah rian kong chimfianhnak an tuah, tiah cathanh ah an langhter. Cu pinah CDM tuah khawh nakding a ṭuanchuaktu Committee lei ṭuanvo ngeitu nih atu lio rian an ṭuan ning kong le hmailei an ṭuan te lai ding kong hna cu mizapi lei ṭangmi ralkap le palik pawl he an i ceihmai, tiah theih a si. Credit; The Chin Post

Kalay peng ah SAC ralkap le mipi hriantlai phufonh karlak ah kahdohnak a chuak, PDF 2 an nunnak a liam, SAC nih Sii khua mei an khangh. 2022 May 2 – Sagaing ramṭhen, Kalay chaklei ah a ummi Sii khua ah SAC ralkap le mipi hriamtlai phufomh hna karlak, May 1 ah chunitlak kahdohnak a chuak, a naih tein i kah a si i PDF 2 an nunnak a liam, SAC ralkap nih Sii khua mei in an khangh tiah theih a si.

“Nizaan Sii khua ah zinglei 8:00am in zaan tiang kahdohnak a chuak. SAC ralkap pawl an thazang a tam. PDF-Kalay, RKDF, CDF-KKG le mipi hriamtlai phu hna fonh in kan doh hna. SAC ralkap thazang a tam caah VAKOK (CNDF) nih kan va bawmh hna. SAC ralkap pawl Sii khua chung an luh cang caah a naih tein kan i kap. SAC ralkap nih kut hlonh bom hna in an kan cheh.

Kuan nih a khen ruang ah RKDF in 1, PDF in 1 an nunnak a liam. Kan mah lei phu fonh hna nih tlawmpal hnu kan kir tak hna” tiah VAKOK (CNDF) commander nih Yangon Khit Thit ah a chim. SAC ralkap nih mei an khangh ruangah Sii khua inn tampi a kaang tiah thawng theih a si. Sii khua pawng, April 27 ah SAC ralkap le mipi hriamtlai phufonh pawl karlak ah kahdohnak a chuak i phufonh hna nih hmunhma zohfelnak an ngeih lioah SAC ralkap ruak 7, meithal 1 le kuan an rak fim khawh. SAC ralkap pawl an sungh tuk caah thazang i chap in April 30 – May 1 tiang kahdohnak a fah hi a si. Crd; The Chinland Post

Be First to Comment

Leave a Reply

Your email address will not be published.