Press "Enter" to skip to content

SAC Ralhrang Minung 400 Hrawng Cu Chinram Halkha Peng Lungcawi Khua Ah An Lut Cang Ee!

Leium le Lungcawi kar a ummi ralhrang rual cu, Lungcawi khua an luh bak si, ralhrang hi 400 hrawng an si lai tiah an zumh. Credit; Salai William HC… THAWNGDANG RELCHAP>><<< Hruh le Molh Zong Hi Azatawk Aum Ee Pa Nak Ko Zaw Melung Aw. Zaw Melung timi pa Pa Nak nih Arengsang mi Upa ankan sawm lo ahcun American – ASEAN meeting kan kai lailo ati. Ṭah lakah nihchuak kan si ko. Ningzak theih lo tuk hi apoi cem mi asi.

Hi tluk an mawlh ruang ahcun pei Mipi cu ral ah an kan ser cu. Mipi duh ning in uknak le Pennak sersiam kha democracy cu asi fam cuh. Mipi duhnak pelte hmanh tello in Democracy ka ser lai, Federal ramkomh kan dirh lai ti cu asi khaw lo. Cucaah tu dirhhmun hi kan phan hi asi. Na theih cang maw Pa Nak Melung? American cozah pi nih Genocide Cihmih thahnnawntu an si tiah thanh cang mi (American Wanted asimi),

Rallokap Luban le Zaw Melung nih, 2021 Burma Acts nih Dantat ding mi rallokap bawi rual nih, Washington ah tuah ding mi, USA – ASEAN meeting ah, Rengsang mi nan kan sawmh lo ahcun kan kai lailo tihi ningzak theih lo tukah adongh nak asi. Zeihmanh hngalh lo tiang in hruh hi zeitindah asi khawh lai. Aw khah! Apoi lemlo. Arau hlan ah nan mipum le nan reng bakin ICC nih an au hna tik ah maw?

Ka zaw, kai manh lo ti lai ucih Kawi Pa Nak! Cutik ahcun na huam lo zong ah nan kai lai, ka duh lo, ka kal lailo, ka kai lailo, kaa tel ve lai loh, ti a ngah ti lai lo khah! Ruah deuh deuh ah Nihchuak Capo awn sawh hna he aa lawh mi Uirual MAH te le an Bawitlang hna an si ko. Mithat Lainawng, Khua le Innlo mei duah hmang, Nu Tlaihrem hmang Mi hawr rual,

Mipi thilri vialte a fir dihtu, Mi firkhut rual, tiah Ralhrang Rallokap an si tiah, Vawleipi le Pathian theih in, a thanh ngam tu American ram ah, Lubo rual lawng tein I tel duh rih cu mu, A va mak kho tuk ee. Ningzak nih an kal tak cang hna. Aw apoi lo Ko Pa Nak, Nangmah lawng siloin, Na pu MAH zong kai veseh, Kaa lei nan phan tikah Uite tlaih in an I tlaih hna lai, nan zawng kut kha hnu lei ah an I merh hna lai I, hri in ṭem nan si ve te lai khah.

Zeitikhmanh ah an I thlah ti hna lo kha, nan ṭih lo maw zei? Zei poah tuah kan ngamh, kan tuah ngam lomi a um lo ti phun in maw nan I lak rih, Nan hrut khawh ning hi cu amak ee. Mipi zong nih ASEAN _ USA meeting pi hi kai khawh hna sehtiah Rawlulh in thlacam ding asi. Mipi le Kan ralkapbu GZ hna nih tlaih herh loin, Pathian nih American hmang in kankut ah, pekchan an kan duh caah, asi khawh men dakaw?

USA – ASEAN Meeting Konglawm Tawi. Aamanhmi lawng nih rel awkah: Aralai mi 2022 May 12 – 13 ah, American Washington Khualipi ah, Meeting tuah ding in American President zungpi, White House nih an thanh. Rallokap Bawi Lubo rual hna hi sawmhmi ansi le silo, fian tein chim fiannak aum rihlo. Pa Nak Melung zong nih sawmhnak caa kan hmuh rih lo ati ko.

Ralhrang MAH nih Anaa an lak in, nihin tiang Kawlram mipi harsatnak thihlohnak kong, Kawlram kong ah ASEAN ṭuancia mi le an ṭuan lai mi kong, Tlanglei Tuluk Rili kong, tbk vialte kha ceihkhan awk asi lai ( White House thanh ningin). 2022 March thla dih ah tuah awk asi nain, ASEAN upa hna I relrem lonak ruangah le upa hna karlak ah I theihthiam lonak aum ruang ah, hnatlaknak an ngeih khawh lo caah, a ni le caan an thawnh mi asi.

ASEAN hnatlak biachah nak (5) cu Ralhrang MAH te nih an zulh baklo caah, an tuahṭuan bak lo caah, Rengsang rual kai lo ding in biachah cang mi asi. Nan kai ahcun Chiatseh ti tiang in nawl pek mi ansi. An tuah ding mi Meeting ahcun, American ~ ASEAN hawikom nak kum 45 atlinnak puai zong hlunghlai ngai in tuah chih asi lai. Crd; Zintincuai CInzah

RELCHAP: Remdaihnak le Dindaihnak Ni Sullam Hi Thahnawn Cihmihnak Ni Asimaw? Pu Mi Ung Lai (MAH) nih Tukum cu remdaihnak le dindaihnak kum ah ser kan I zuam lai tiah Kawl Kumthar, Water Festival biatawi chimhnak ah a chim. An biachimh mi he bingtalet in thiltuah a hmang tawn mi Ralhrang Rallokap ansi caah zumh a um lo ngai. PEACE TALK cu NUG / CDF / PDF he ka tuah khawh lo ati. Ralhrang phu ati hna, anmah bawmhtu zong hremh le thongthlak ansi fawn.

Zumh awk asi ahcun an tuahserh nak in langhter ding asi. Zumhnak le Anka bia cu rian ah langseh timi tuanphung kha. Bianabia ah Mipi a upat I Federal phung in akal mi CDF asiko ahcun Pyithuh Okechukzihmu pa kha full Power pekding asi. Anmah CDF nih Khua le Khuami uk a herh lem lo. Rule of Law umnak ding ah Upadi tangah CDF upa hruaitu le luban zong um dih awk asi.

Anmah himnak le Nawlngeihnak caah Upadi tial zong aphung asilo. Mipi upat nak cu an umkal, an biachim, an holhrel, an cangvainak ah langh ter ding asi. MAH te Rallokap zong ṭih, CDF zong ṭih timi dirhhmun in mipi khuasa ter awk asilo. Karawng bantukin Meithal I thlai riangmang in khuachung ah I chawkvak ding asilo. Zudin sa ei zong hmang ding asilo. Nupa sualnak zong tuah ding asilo. Phaisa le ngunsawm ah felfai bakding. Cazin hmanlo mi tuah lo ding. Ramthumnak um chinmi duhning in nung ding. Anduh mipoah tuahpiak ding asi.

Anaa le power anduh, uk ankan duh tilo ding, phaisa pektu anduh ning zulh le felfai lawngah ngunsawm tampi ara lai. Phaisa loin Dohthlennak tuah khawh asilo nan hngalh cio cang. Ramdang um mi nih power le nawlngeihnak an duh nan ti mi hi nanmah tu duh tlawng nanduh caah sihram hlahseh. Phaisa pektu hi Organization bu pakhat ah asangbik nawlngeihtu ansi. Mipi nih cozah cu tax ngunkhuai kan pek caah, Mipi sinah Nawlngeihnak sangbik aum. Cucu Democracy kanti. Federal ahcun hi nakin mipi le khuami nawlngeihnak a sang deuh rih.

Nuhrin covo le civil rights timi mipi covo zong lak piak lo ding. CDF chinchin cu Ramchung he ramdang he rikhiat khawh lomi tax ngunkhuai le hlutmi a ei I a hmang mi nan si caah nawlngeih nak le power,sital hna hi nan kal tak awk hrimhrim asi cang. Culocun lam tantim ah nan kan tlaupi dih te lai. Ni thum lamkal kha kum (40) araumi Israel mi kan hluan lai. Cucaah CDF hi Upa luban le ralbawi zong thla 6 dan maw, kum khat dan ah maw, I thlen lengmang uh. Rule of law a ngeih lomi le mipi aupat lomi, zudin sa ei hmang, Mi hawr rual le duh poah in khuasa mi Luban cu phuah dih ko hna uh. Chin Image an chiat ter tuk. Fir hmang mi le phaisa felfai lomi zong.

Kawlram Ramkhelh lei hlathlai tu le chimhfian tu mifim rual nihcun, CDF / LDF / PDF kha tukum chungah thahnawn dih le Cihmih a duh caah lettalam in a chimh mi tu asi tiah an ti ve. Annih cu mi dinfel lo le mi depde an si caah an tuah duh mi le an target kha phan awk ah lettalam in an I chimh ter. Athlum kha an khah an ti, a ceu mi kha amui an ti, Zan cu chun an ti, lamhla kha lam nai anti, Cihmih raldohnak kha remdaihnak kum tiah an ti mi asiko tiah a sullam an fianter hna. An I rello karah, hriamnam an I zalh manh hlan ah, namh in, thahnawn dih, an kan duh caah asi. Hnangam le lungdeih in um in, MAH bia ngaih awk hrim hrim asi lai lo.

Ralhrang Rallokap cozah nih aatimh bik mi cu an biakam bantukin 2023 ah thimhnak tuah an duh caah cucu tuahkhawh nak ding caah planning an ngeih. Ka tuk hna lai I ka tei hna lo ahcun PEACE an ti duh nak asi. NUG le Mipi kut ah Ukpennak chanh awk ah asilo. Federal caah cun LAMLAM kan ti kem? Pu Yemon nih Meithal tlamtlin tein kan cawk cang, PDF Ṭatzing (259) an si cang, Mipi Ralkapbu phu 400 an si rih, NUG kuttung Commando ralkap lawng tein 100000 kan tlin cang, NUG kuttang lo LDF tami anum rih, EAOs an umrih caah,

Tukum ah MAH kan thluk lai ati caah, a hnabei dongh ah PEACE Kum asibak lai aati ter mi asi lai. Akaa nih a chimh nain, alung chung in ik hluaimai in a ṭap ruangmang mi MAH asi. Laimi nih CDF Hakha le CDF Thantlang caa lawng ah IT Chan hriam 2500 kan cawk cang an timi thawngpang zong nih MAH a lauter caah asilai. Penglang CDF vial doh ngai I, Meithal vial LAIMI kan caa lawng ah cawk in kuat hi CHIN Virus mangtara nansi ve. Dr. ZaThawngCin nih Pengtlang phaisa kanpe dih uh, Meithal pakhat nan cawk khawh ding kha pa (4) kan I cawk piak hna lai timi biakam nak kha.

Kawlram Politic Kong a hlathlai I achimh chung tawntu, achimh mi adik lengmang mi, U Than Soe Naing nih, Bochuhmuhci MAH bia bangin, Remdaihnak kum asi bal lailo. Raldohnak tu a fak chinlai. Mipi nih ralrin tein, timhcia tein um dih awk asi ati. Political Prophet (TSN) Than Soe Naing kan ti lai.
Achan cu, kumdang Kawlram kumthar puai he I lawh loin,

Kawlte Titoih puai camtuak ah MAH te rallokap biatak tein an doh nak hmun hna cu: Kachin, Kaya, Karen, Chin, Rakhine, Sagaing, Magway, Rangoon, Bago, etc,. CDF / PDF / LDF he lawng siloin, EAOs he biatak tein, fak ngaingai in raldohnak tuksapur aum cang. Politic biafang cun zingthawh ah raldoh asicang caah chunnitlak zankhuadei raldohnak lawng tein a khat cang lai tinak asi. PEACE timi Dindaihnak le Remdaihnak hmuh awk ah MAH nih can an kan pek ti lai lo.

Be First to Comment

Leave a Reply

Your email address will not be published.