Press "Enter" to skip to content

SAC Ralhrang Motor 2 Cu Mipi Hriamtlai Nih Bomb An Puah Hna, SAC Ralhrang Minung 10 An Thi

Magway ramṭhen chung ummi Ṭankyi (တန့်ကြည်) tlang pura in Pakokku-Saihphyu( ပခုက္ကူ-ဆိပ်ဖြူ) lampi ah a kalmi SAC ralkap mawṭaw 2 cu, bomb puahhnawh an tong i SAC ralkap 10 an thi, tiah theih a si. Nizaan , May 1 zing sml 10:00 hrawng ah Monṭaung(မုံတောင်) lampi ah Myit-Chay Kyun Chaung Defense Force ( MC-KC DF) nih, bomb kan puahhnawh hna i SAC ralkap mawṭaw pakhat a rawk, tiah MC-KC DF nih cathanh an chuah.

May 1 zing aml 8:00 hrawg ah Myit Chay-Sabe- Saakyin(မြစ်ခြေ-စဘေ-ဆားကျင်း) lampi ah SAC ralkap mawṭaw 3 he bomb a kawlmi SAC ralkap pawl cu, Saakyin khua kam ah bomb an puahhnawh hna i kaphnih kahdohnak a chuak, tiah theih a si. Monṭaung lam puahhnawhnak ah SAC ralkap nih hriamngan in PDF pawl cu, an kah hna caah PDF ralkap pakhat a orhlei kut le a orhlei phei ah hliamhma a pu, tiah theih a si. Credit; The Chin Post

Thawngdang Relchap; New Delhi Um Laimi Nih Ar Sathah Kan Hrawh Dih!!! Kan pu/pa hna nih an sunhsak ngaingai mi chungah aitel bak mi cu,Nupi/pasal ttha tein,taitipurh te in ai hal i aitthi la mi hna cu,Chaw an i hal i an i manh pinah nu lei nih pa lei kha Ar sathah an hauh tawn hna.Ar sathah titik ah Vok sum 5/6 hna vai hauh i va thahter khi a si lo i, Ar sa can ah vok a ngan lemlo mi,vok rial,,,Vok rial cu theihfian ding ahcun,sum 3 le sum 4 kar te khi a si i,cucu Ar thah caan ah tiin a min ah,Ar sathah tiah kan pupa hna nih an rak ti i an sunhsak ngaingai mi a si.

Ar sathah,Vok rial sa cu mizei nih dah an ei lai i,mizeidah hleh an si lai?Nupi a tthi tu pa nih a nupi tthit ding mi hna nu nih a pa sin ah cu Vok cu a pum te in an peek hna lai i,zeihmanh chim hauti lo in,an lawitaak ko hna lai.Vok sa cu nu i hringtu a pa a unau le a kawi le nih an can dih lai lai i,pasal a ngei ding mi nungak an hal lio ah bia a chimtu ding i an kawh mi hna kha chungkhat ah cohlan an sicang caah Vok sa sawhsawh kha an ei khat sidng in an hleh hna lai.

Vok lu cu nu i a pa kawipi bak kha peek a si lai i,a ttawk cu,nu nih a ni taktak kha ni 2/3 an si zong ah i tia te in an can piak hna lai i an hleh hna lai.A sang dang paoh cu i tia te in an can dih lai i,nu i a pa unau le a phun hawi kha a hleh cio hna lai.Cun,Pasal a ngei ding mi nu nih a phun ah,Tinthei hei si selaw,Tinthei nih phun pakhatkhat kha Ar sa eitti ti mi a ngei i, cu a ngei mi phun hna cu a Ar sathah cu a hleh ve hna lai.Hi ah hin nu i a pa phun kha an tlawmtuk,a si lo le anmah lawng hna an si ahcun,Nu i hringtu a nu unau kha Arsa eitti ah a sawm hna lai i,sa cu a hleh ve hna lai.

Kan ifian dingah ka duh ngai mi cu,”Ar sathah hi a sunglawituk mi a si caah sullam ngei te in an i hleh.Tahchunhnak ah,Mi pakhat cu pasal ngei ding a si i,cu nu cu,Senthang maw,Lautu maw a hei sihnga,lautu a siruang ah Lautu peng mi paoh kha hi a sunglawi mi Ar sathah hi i hleh phung hrimhrim a si lo.Ar sathah ah,kawlholh i hlanta ning law, nalehmuh a um bal lo.Ar sathah cu a ei tu ding lawng nih a ei lai i,a cotu ding lawng nih a co ding khi a si.

A cung tlaangpi i ka ttial bantuk khin,Delhi lawng hlah,ram dang le khua dangdang zong ah,ttawmchawm rumro in a sunglawituk mi,Ar sathah cu can le kalpi le i hleh a si i,a sunglawi bak lo,mizo tining cu,a zahawmlo khi si.Cun,Ar sathah hi hringtu a nu zong nih an can dih hlan ah tongh mi sa a si lo,asullam cu,nu hrimhrim nih an can dih hlan ah tongh a ngahlo mi sathiang,an ulh bak mi sa ropui a si.Cucaah pa lei nih nu lei Ar sathah an peek mi hna kha,Pa lei lamkaltu kha hleh phung a si lo.Tahchunhnak ah,Nu lei nih Ar sathah kha kan leh ve hna lai an ti belte i an leh hna ahcun,AR sathah chung i a sa thatnak,a sa sawhsawh tu kha an peek hna lai.A cheu nih kan cawh sual riangmang le Ar sathah i an peek mi hna kha lamkal sa ah tiin a liang hna an phawh hna.

A ngaingai ti ahcun,Lamkalsa cu,an puai tik i an thah mi chungin sa liang theng phawh si lo in,Vok a si ahcun a liang tang deuh khin an tan i,cucu peek an si ko,hi zong ah hin,Nupi a ngei ding mi hringtu a pa i a unau maw,nupi a ngei dingmi a nu i a unau maw,lamkaltu an si ve ahcun an nih cun tuahpiak an si lo.Phunkhat a si lo mi,lamkaltu ah a fiim,a thiam,mi nih an ttihzah ti mi pa an sawm mi kha lamkal sa can ah a liang tang deuh hrawng khin an can i an peek tawn hna.Cun, Ar sathah i a lu kha cu nupi ngei ding maw,pasal ngei ding an si ah,hringtu a pa nih a kawipi bak kha peek ding khi a si.Cu lo paoh cu zapi sa hleh ding can in can dihding khi a si.Ka chim cang bang,A Ttawk belte cu a ni le bak nih a ngan ah,a hmet ah an i cheuh hna ding a si.

Note:A tu ning cu Ar sathah cu khua pakhat ah sakaap pa nih sa pipuam a kah i tlang a zamh bantuk men in tlangzamh a si cang i,kan pupa hna nih an sunhsaktuk mi,Ar sathah cu,min hngallo sa ah aicang dih cang.Hihi kan hlawt ttunglo i,kan hman peng ko ahcun a sining te in kalpi le tuah ah hin kan miphun kan dirkamh zong a si i,kan phung kan kilven zong a si chih.Kailawm… By; Tin Duh Thang

Be First to Comment

Leave a Reply

Your email address will not be published.