SAC Ralhrang Motor (7) Bomb Puah Hnawh An Tong caah, Ralhrang (30) Tluk Nih Hliam An Tuar i A Thi An Um Lai Ti Zumh A Um.

Mon ramkulh Bilin peng chungah Kama Saing Kuat Thit khua pawngah SAC ralhrang ralkap motor (7) cu bomb ngan pathum (3) hmangin an puah hnawh hna caah ralhrang ralkap (30) leng nih hliam an tuar tiah Thaton People’s Guerillas nih cathanh an chuah.KNLA, Bilin PDF fonhmi phu, TPDF hna i fonhin bomb an puah hnawh hi a si.

Febuary (7) zaan sml 11:00 lengkai ah SAC ralhrang ralkap motor (7) kalmi cu bomb an puah hnawh hna i, nihin Febuary ( tiang zongah kaphnih kahdohnak a chak tiah Thaton People’s Guerillas phu chungtel pakhat nih a chim.”Kannih nih cun mipi himnak ding lawng biapi ah kan ruah caah pehzulh in kahdohnak kan tuah peng rih lai tiah” a chim.

PDF fonhmi phu leikap ah hliam tuarmi umloin an i zukphiak kho i, sml 2:00 chung kaphnih i kahdohnak a chuak tiah cathanh an chuahmi ahcun an langhter.Bilin peng chungah SAC ralhrang ralkap bomb puah hnawh an tonmi hi tutan he cun a vawihnihnak a si cang.

THAWNGDANG…SAC Ralhrang Phaisa Hmuhnak Thilri Phortu Motor Cu Gangaw PDF Nih An Tlaih!

Nawlngeihnak latu SAC ralhrang ralkap phaisa hmuhnak le bawmtu simi thilri cu Gangaw peng chung mipi vengtu ralkap nih nihin Febuary ( ah kan tlaih tiah Gangaw PDF nih cathanh an chuah.

Maggui ramthen Gangaw pengkomh, Gangaw peng chung mipi vengtu PDF nih thawngpang an theih ningin Kalay-Gangaw karlak motor lampi ah a tlungkalmi motor checking an tuah tikah SAC ralhrang ralkap phaisa hmuhnak le bawmtu simi thilri a phortu YGN-9L 5382 motor le SGG-1l 6026 motor cu Febuary (5) zinglei sml 5:00 ah ပကဖ Gangaw nih an tlaih.

Minung le minung i zawnruahnak ningin cu motor monghtu le hnuzultu hna cu an thlah than hna.

Motor ngeitu, monghtu le hnuzultu le chawlehnak tuahtu mipi hna nih SAC ralhrang ralkap caah bawmtu simi thilri hna cu phor in, chawlehthalnak zongah tuah lo dingin Gangaw PDF nih ralrin peknak cathanh an chuah