Press "Enter" to skip to content

SAC Ralhrang Motor Bomb Puah A Tong, Minung 10 An Thi I, Motor 1 A Rawk

SAC Ralhrang Motor Bomb Puah A Tong, Minung 10 An Thi I, Motor 1 A Rawk. Magwe ramtthen, Peku peng SaKyin khua pawng i, Mungtawng ah SAC ralhrang Motor hna cu nihin May 1, zing ah Mipi hriamtlai hna nih bomb puah a tong, SAC ralhrang minung 10 a hmun ah an thi colh, an Motor 1 an hrawh nak thawng cu MC-KC PDF nih (ca thanh an chuah) thawngthanhnak an tuah.

May 1, zing sml. 8 hrawngah Sakyin khua pawngah SAC ralhrang Motor 3 hen Bomb a kawl mi hna cu MC-KC PDF No. 3 hna nih bomb in an kahdoh hna i, kaphnih kahdohnak a chuak hi a si tiah theih a si.

Zing sml. 10 hrawngah Peku-Setphio lam Mungtawng ah SAC ralhrang Motor 2 cu MC-KC PDF no. 1 hna nih bomb in an kahdoh hna tiah theih a si. Mah kahdohnak voi 2 a chuak mi ahcun SAC ralhrang minung 10 an thi, an Motor 1 a rawk tiah Mipi hriamtlai hna sin in theih a si.

Mah kahdohnak voi 2 a cang mi ahcun SAC ralhrang hna nih hriamnam ngan an hman, in an kah hna caah mipi hriamtlai chungtel pakhat a kut ah an khen sual caah hliamhma a tuar tiah cathanh an chuah. Ref; Khit Thit Media

Relchap; Myik( မြိတ်) pengkomh, Tanintharyi (တနသင်္ာရီ) peng um Bat Malat Pauh Kyua ralkap (ဘက်မလိုက်ပြောက်ကျားတပ်ဖွဲ့) sin ah SAC ralkap sergeant pakhat CDM a tuah, tiah theih a si. SAC ralkap in CDM a tuahtu cu Sah-Kah-Khah 13 Battalion in ralkap catialtu sergeant Kyaw Ye Htut, private no. T/484432 a si, tiah Bat Malat Pauh Kyua ralkap(ဘက်မလိုက်ပြောက်ကျားတပ်ဖွဲ့) chungtel pakhat nih a chim.

Cu CDM a tuahtu ralkap Kyaw Ye Htut nih cun, ralkap lak ah i thleidannak a um ruangah le sualnak ngei lo mi tampi thahnawnnak cu ka pom khawh lo caah CDM ka tuah ti in a chim, tiah Bat Malat Pauh Kyua ralkap (ဘက်မလိုက်ပြောက်ကျားတပ်ဖွဲ့) ṭuanvo ngeitu pakhat nih cun a chim. Credit; The Chin Post

Open photo

Ruah Fak Tuk In A Sur Caah CDF-Mindat Umhmun Khuarnak Cheukhat An Rawk! CDF-Mindat nih umhmun an khuarnak sakhan cheukhat cu ruahpi fak tuk sur in, thli a hran caah voihnih tiang an rawk, tiah theih a si. “April 19, ah voikhatnak ruahsur ruangah remh a si cang. Cun, April 29 ah ruah fak tuk in a sur ṭhan caah a rawk dih ṭhan i, ruah voihnih hrawng lawng a sur nain chumhchuannak le ihnak ṭhalo in an rawk.

Atu hi ruahti tlak caan zong kan phan rih lo nain hitluk in a rawh caah, fur caan tikah cun a fawi lai lo, raltuknak hmun ah nunnak thap in a kal mi hna an tlun caan ah umnak ṭhaṭhi zong a um lo, mu-ca (မိုးကာ) cungcih hna cu hman awk an ṭhat ti lo caah canphio cungcih le vampang tal he sak khawh kan duh ko. Tung ca ah cun kan ralkap hna nih an i dinh caan ah an kan ah piak ko.

Cucaah nan tuah khawh tawk cio in bawmhnak kan pe cio ko uh tiah kan in nawl hna,” ti in CDF-Mindat nih mipi sinah bawmhnak an hal. Bawmhnak pek a duh mi hna nih: +95 9777182971, +95 9898786900 ah pehtlaihnak tuah khawh a si lai. Credit; The Chin Post

Be First to Comment

Leave a Reply

Your email address will not be published.