Press "Enter" to skip to content

SAC Ralhrang Nih Hriamngan An Hman Caah Khua Minung 7 An Thi, Hliam Tuar An Tam

Kayin ramkulh, Phapon khuapi um SAC ralkap sakhan in hriamngan an kah ruangah ngakchia 3 le naupawi lio pakhat tel in khua mi 7 an thi i, minung 4 hliam an tuar, tiah theih a si. SAC ralkap sakhan lei in March 5 zaan Sml 7 :00 hrawngah khuate lei cu 120 mm hriamngan in an kah hna i Mutraw( Phapon ) pengkomh, Bu Tu peng,

May Ka Law khuakomh, Kalaw De khua i ngakchia, nau pawi lio mi nu tel in minung 7 an thi, tiah KPSN ( ကရင်ငြိမ်းချမ်းရေး အထောက်အကူပြု ကွန်ရက်) nih cathanh an chuah. Hriamngan kahnak in a thi mi hna cu Naw Ta Luh ( နော််တလု) Kum 2, Naw Thu Phaw ( နော်ထူးဖော) Kum 5, Naw Tin Ni Lar Win ( နော်တင်နီလာဝင်း) Kum 14, Saw Kee ( စော ကေ) kum 40, Naw Phaw War ( နော် ဖောဝါး) Kum 32,

Phapon Ah SAC Ralkap Kahnak Ruangah Ngakchia Le Nau Pawi Lio An Thi - The Chin Post

Naw Al Moe ( နော် အယ်မူး) Kum 22 an si i, Kum 3 ngakchia Saw Kyaw Bi( စောကျော်ဘီ) le midang 3 zong hliam an tuar, tiah theih a si. PKSN chimphuannak nawlngeitu Naw War Khu Sii ( ‌ေနာ်ဝါးခူးရှီး) nih cun, “Ralhrang hna nih hriamngan in zaan Sml 7:00 hrawng ah an kah. Ralhrang nih khua an kah lio ah zaan Sml 7:00 hrawng ah cun khua mi hna cu an it cang.

Ralhrang hna nih an kahnak ah hin minung 7 an thi i, minung 4 hliam an tuar. A thi mi hna lak ah hin nu le ngakchia an tam,” tiah a chim. SAC ralkap hna nih nifatin hriamngan an kahthorh i, KNLA an umnak hmun siloin mipi umnak khuachung cu an kah deuh, tiah Naw War Khu Sii nih a chim. Credit: The Chin Post

Mandalay Maha Aungmay (မဟာအောင်မြေ) peng, Tanhlaitmaw(သံလျက်မှော်) nichuahlei sang no.413 SAC rianpek a cohlang mi; inn 10 zohkhenhtu pakhat cu nihin March 7 zinglei ah meithal kahnak in a thi, tiah theih a si.

Kum 50 hrawng si mi SAC inn 10 zohkhenhtu U Tin Myo Lwin cu nihin March 7, zinglei suimilam 8:00 hrawng sangchung i cycle he a tlonlen lio ah, meithal hriam aa tlaih mi minung 2 nih an kah i a takpum le a ban an hliamh hnu ah a thi, tiah khuachung thawngzamhnak nih cun a langhter.

“Meithal kah thawng hi voi 3 nak tam theih a si i, cycle aa cit lio a si caah kah tonnak ah a tlu colh. Ambulance a phak hlan ah cuka hmun ah cun a thi colh,” tiah mit in a hmutu pakhat nih a chim. SAC Inn 10 zohkhenhtu pakhat thah a tonnak kong ah zeibantuk phu nih tuah mi a si cathanh a um rih lo, atu hi cuka hmun pawnghrawng cu SAC ralkap hna nih lam phih in chekhlatnak an tuah, tiah theih a si.

Pengkulh Cheukhat ah zarhkhat Chung Mei A Mit Lai!: Electricity chuahnak thazaang a tlak caah hmun cheukhat ah cun zarhkhat chung mei a mit lai, tiah SAC Ministry of Electricity and Energy Department nih cathanh an chuah. Suimilam 24 chung zarhkhat chung meimihnak ding hmunhma hna cu nawlngeihnak latu SAC nih fiang tein an langhter rih lo.

Atu lio hi Yangon le Mandalay khuachung telh in rampumpi huap ning in electric mei atu le tu a mih caah mizapi rianṭuannak zong ah an rian hnorsuannak tampi a chuahter, tiah theih a si. Mandalay khuachung ummi pakhat nih cun, “Mandalay cu mei mih caan a tam tuk hringhran, nikhat ah suimilam 5 tluk hrawng lawng mei a ra, a caan ah cun nikhat chung ah suimilam 3 tluk lawng a rat caan a um. Caankel cu a si lo nain nikhat chung ah mei a mih lo caan cu a um lo,” tiah a chim. Credit: The Chin Post

Be First to Comment

Leave a Reply

Your email address will not be published.