Press "Enter" to skip to content

SAC Ralhrang Nih Khuami Minung zakhat Lengkai An Tlaih mi Cu Pauk-PDF Nih An ChanChuah Hna Tiah Thawngtha Taktak Theih Asi

Febuary 2 ah khan SAC ralhrang ralkap nih Seik Phyu peng chung Shia Hlah khua chungah thazaang tam taktakin an rak luhhnawh hna i, tarnu pakhat cu kah that in khuami minung (100) lengkai cu tlaih in an kalpi hna nain Pauk-PDF nih an kham/chuah hna tiah theih a si.

Tarnu pakhat a kap thattu SAC ralhrang ralkap thazaang dermi cu caan tha i lakin ka chuah/kham khawh hna tiah Pauk PDF nih an chim.
Cupinah SAC ralhrang nih an kah thatmi tarnu pakhat i ruak cu khuami he i bawm hratin vuinak an tuah i, Southern Pauk PDF ahmat 2 phu hna cu himdam tein an i zukphiak kho tiah theih a si.

THANGPANG Namh Kham Khuapi Chung Bazar Ah TNLA Phu An Rak Luh Caah Bazar Khar Hratin Mipi An Zaam!
Shan ramkulh chaklei Namh Kham khuapi chungum bazar ah TNLA phu an rak luh caah bazar kaitu hna cu thinphang thlalau in dawr khar hratin an tli/an zaam tiah khuami nih an chim.
Namh Kham khuapi chung bazar ah zinglei sml 7:00 hrawngah minung 70 hrawng a ummi TNLA phu an rak luh ruangah bazar khar hratin an tlizamnak kong cu khuami pakhat nih a chim.

 


“Bazar chungah an phu ningin an rak luh tikah thinphang thlalau in bazar khar hratin tlik/zaam a si. Minung 70 tluk an um. Cheukhat cu dawr khar hratin dawr chungah an i thup nain cheukhat cu an tli/an zaam tiah” a chim.Bazar chungah a rak luttu TNLA phu hna nih anmah umnak address cu phawt hratin phais an hal tiah cheukhat Media nih an tial nain cu kong he pehtlai in fehter awk a tha lo.

Cupinah nawlngeihnak latu SAC ralhrang le TNLA phu karlak ah kahdohnak a chuak sual lai timi khuami nih thinphang in an um hna caah cheukhat cu zaam dingin an i timhtuah tiah theih a si.
TNLA chungtel pahnih cu January (4) ah khan Namh Kham bazar ah phaisa hal dingin an rat lioah kahdohnak chuak in an thih caah January (5) ah khan Namh Kham khuapi chungah TNLA phu an rak luh than i, SAC ralhrang ralkap he fak taktakin an i kap.
Ref: Mekong News

Be First to Comment

Leave a Reply

Your email address will not be published.