SAC Ralhrang Nih Thantlang An Khangh Tthan Ee!

April 22 ni ah ralhraang hna kut in Thantlang khua inn 15 a ciam than, April 24, 2022 ah Council ralhraang hna nih Thantlang khua an khangh than i, inn 15 a ciam tiah TPAC nih a thanh.

Tutan telh cun ralhrang hna nih a voi 27 nak Thantlang khua inn pawl an khanghnak a si cang i, ralhraang kut in inn 1080 a ciam cang. A kang mi cazin cu tanglei ah langhter a si.

အကြမ်းဖက် စကစတပ်က ထန်တလန်မြို့တွင် အိမ် (၁၅) လုံး ထပ်မံမီးရှို့
➖➖➖➖➖➖➖
ဧပြီလ ၂၄၊ ၂၀၂၂

၂၀၂၂ ပြည့်နှစ်၊ ဧပြီလ ၂၂ ရက်နေ့တွင် အကြမ်းဖက် စစ်ကောင်စီတပ်က ထန်တလန်မြို့ပေါ်ရှိ အိမ်များကို ထပ်မံ မီးရှို့ခဲ့ရာ အိမ်ခြေ (၁၅) အိမ် ထပ်မံမီးလောင် ပြာကျသွားခဲ့သည်ဟု TPAC- IDPs Help ၏ ထုတ်ပြန်ချက်အရသိရသည်။

စစ်ကောင်စီတပ်သားများက ထန်တလန်မြို့ပေါ် ရှိ အိမ်များကို မီးရှိူ့မှုသည် ယခုအကြိမ်အပါအဝင် အကြိမ်ပေါင်း ၂၇ ကြိမ်ရှိခဲ့ပြီး၊ ဘုရားရှိခိုးကျောင်းများနှင့် ဘာသာရေးအဆောက်အဦများအပါအဝင် အိမ်ခြေတစ်ထောင်ကျော် မီးလောင်ပြာကျခဲ့ပြီဖြစ်သည်။ ဧပြီလ ၂၂ ရက်တွင် မီးလောင်ပြာကျခဲ့သည့် စာရင်းကို အောက်တွင် ဖော်ပြထားပါသည် – Crd; The Hakha Post

Relchap; ZRA le Zemlote Miphun hna nih Chin Ralkapbu CNF An Kan Ral bangin Shan Miphun Ralkapbu Nganbik Pahnih SSPP le RCSS Cu Ral Ansi. Shanram ah Hriamtlai mi Minlangh deuh hna cu: RCSS, SSPP, UWSA, TNLA, MNDAA, PaO, hna ansi. Shan Miphun kansi ati ve ve mi, RCSS le SSP ansi. Adang cu Shan kan silo, Miphun dang kansi. Federal State aduh mi lawngte ansi. Shanram cu tlawmbik State (5-6) in a ṭe lai.

Shan caah Federal State cu an ram le miphun I ṭhencheuh dihnak asi te lai. Cucaah Shan ram um Ralkapbu cu Ralhrang minung asi na, NUG minung asina, anduh ah MAH minung, An duh ah Mipi le NUG minung tiah dirhmun fek angeih lomi zong an um. Shan miphun Ralkapbu ah a nganbik mi RCSS ansi. Bochukci Zuasit nih a hruaihna. NCA ah aatelmi asi. Paucan Dohthlennak ah, MAH minung asi. UWSA hi Tlangcung Ralkapbu vialte ah an thazang le minung ah, a ṭhawng bikmi ansi.

Thil sining zohin, Ralhrang le EAOs cu a kawmh veve hna. NUG le MAH sinah, atu le tu I thlen in aa Hawikom hna. Annih UWSA cu thilhran ning an zoh. Chin Miphun le Chin Ralkapbu an kandohtu hi ZRA lawng ansi te lo kho men. Hmailei kong chimhcia awk a ṭha lo nain, ZRA hnu ah, CNA / CDFs acohlan lo tu (2-3) an um chap khawh rih. Dr. TEISANG te miphun hi ZRA nak in an zual deuh te lailo ati khawh tu ka tlawm lai. Paucan Dohthlennak ah Ralhrang Dohṭi Hawikom CDFs rual, hnahnawh bik tu ansi.

An kiankap le an pawngkam naihniam ah aum mi, CDFs le EAOs hi an ngiar dih cang hna. AA cu MDF an Sayaci asi caah, an ngamh deuh rualo. An nigar bak lo. Thantlang le Lautu an ngiar hna hi cu Vawleipi lawng hlah, Vanmi tiang nih hngalh dawh asi. Hihi MAH minung ansi caah siloin an policy le hmailei an I ruahchan mi, politic ruang tu ah asi deuh. MDF le Mara Khuazing rual hi kaakip le bukip ah an um I, an umnak kip ah minthang bik le hruaitu bikbik lawngte ansi. Minung fa fa nih tluk awk le zuam cawh awk ṭhatlo tiangin Pathian nih thlawchuah apek mi Mara miphun ansi.

Chin Israel Miphun kan ti ko hna lai. Dr. Tei Sang nih NUG ah an kan hruai, Pu Htet Ni nih CNA in chin miphun pi an kan hruai, Dr. Andrew Ngun Cung Lian le USDP upa hna nih MDF an hruai ve. CDF Mara hi CJDC member asi caah NUG, Mipi le an Hawikom CDFs he arsa ei ṭi ansi. CDF Mindat nih anmah tein NUG ah member an si zong hi hmailei zeidah kan lawh te hnga. Hmar nih Chin Hnathlak ti an duh lo in ZO hnathlak an ti phun in maw, CHO hnathlak an I ti ahcun kan loh ko CHIN MI.

ZRA nih cun CHIN kha ZO or ZOMI ah thlen an duh, India le Kawlram ummi chin mi vialte fonh dih in Zo Country dirh aa timh mi ansi. Asi khawh lo ahcun ZO Federal State an duh. Mara policy cu Kawlram Mara cu Autonomous State hal, India zong Mara Autonomous State hal hi an Chunmang asi. Mizo state ah um ti loin, Mara State hmuh ding ah, Lal Denga bangin an I zuam. Anduh mi an kan tuah piak khawh deuh lai, rianrang deuh in tiah an ruah mi Cozah / Party/ Ralkapbu he kawmh aduh zungzal tu ansi.

Mara State ah Lautu lakchih hi an Chunmangbik asi. Zeitintiah Mara le Lautu cu Unau asit kan si tiah an mifim hna nih Prove antuah khawh cang. Lautu nih an cohlan maw cohlan lo ti cu anmah Lautu cung ah aa hngat mi asi. Mara dawtnak le lungput tuahserhnak cung ah tampi aa hngat i LAIREL te lai. Hnahnawh hna loin an dawt hna ahcun asi khawh nak ding lam tu atam deuh. 52% – 65% asi khawh lai tiah zumh cio asi. Zophei hi cu Lorraine kha tanbo ah hmang in an sawm hna nain, an hlawhtlin lai ka zumh lo. Mara le Zophei cu an fim veve I 50%~50% an si caah. Rumnak zong ah 50% ansi ko lai tiah zumh asi.

NUG nih uknak an tlai ahcun Dr. Tei Sang nih State a hal lai. Ahlawhtlin lo ahcun Mara Autonomous District or Township tu a hal te lai. Dr. Andrew nih MAH te Ralhrang sinah Mara Autonomous State / Mara Autonomous District an hal ve ta lai. USDP upa nih an bawmh te lai. MDF nih CNF / CNA le ara lai mi CHIN Cozah sin ah, an hal te ve lai. MDF nih Mizo cozah le India Center Cozah ah an hal ve te lai (India Mara caah). MDF timi cu Chinram / Kawl ram caa lawng ah asilo. Mizo cozah le India cozah ah an duhmi ZAUK pennak a hal chih ding mi ansi. CNF / CNA / CDF nakin a ram a kau deuh mi asi.

Cucaah MDF cu Kawlram caa lawng ah ruat ahcun na palh lai. Cucaah Paucan Dohthlennak ah a bukip le phu kip ah Mara minung an um dih. Mara Autonomous kong ahcun NUG e G lo ee ti aum tilo. CDF e ep lo ee ti aum lo I, MDF ee Ep lo ee, Dr. Andrew ee Dr Tei Sang ee ti aum tilo. Kri ah pumkhat kansi bangin Mara Autonomous ah, Mar miphun vialte an I khah dih. Zeitintiah Chinland hnu ah Zoland le Maraland aum rih mi hi Tehte cu asi.

Cucaah CNF nih MDF telin kan sin ah a fonh khawh lomi hna hi zeitindah kan sizung hna lai, Chin ah pumkhat si awk ah, ka sin I fonh ding in CNF nih kan zuam piak hram ko uh. Krifabu cu tampi kan um ko nain, Kan donghnak cu Jesuh asi Bantukin, an bu le an policy I lawh lo hman sehlaw, Mara Autonomous State / District / Township kong ahcun an I khat dih. CNO / CNDF zong hi Paucan Dohthlennak kan TEI I, mipi kut ah uknak a phan te tikah, CNA ah an I fonh khawh lai maw. Zumh cu an si lo. CNF Upa thilti khawhnak le hmual ah aahngat mi asi.

Chinram zong ah PDF min a put mi lawng NUG nih an bawmh hna. Bianabia ah PDF – Zoland le PDF Hualngo cu NUG nih an bawmh zungzal ko hna. Adang CDF cu Ramdang le Ramthum nak ah aum mi CHIN mi hna thawng lawng lawng in anung mi kansi. Shanram thlanglei, Pinlung Myone ah, April 19 thawkin, SSPP le RCSS cu ral I doh awk ah timh cia tein an um. Tu ca ka ṭial lio ah hin an I kap cang khawh men.

Shanram thlanglei Pinglung Pengkulh, Saning tlangthluan ah SSPP Sakhan aum. Cuka ah, Rallokap 300 nih an rat hnawh hna. Rallokap hi, Pinglung lei, Lehchia Moyne lei in tiah phu (3) in SSPP sakhan lei ah anra. RCSS Ralkap 2000 leng zong cuka ahcun ankal ve. RCSS le Rallokap fonh in SSPP tukin Cihmih kha an planning asi. RCSS nih an tuk bik tawn mi cu: TNLA asi.

An lung an I hmuh thiam lo tik can poah ah aa doh zungzal mi ansi. TNLA he raldohnak kip ah RCSS le Rallokap ani fawnh zungzal. Paucan Dohthlennak kan phah tik ahcun hlan bangin TNLA kha an tuk lem ti hna lo. RCSS HQ cu Liotailian ah a um. RCSS Spokeman Bohmuh Kham Sang kha RFA nih bia an hal nain a leh duh hna lo. Zaw Melung zong phone chawnh in bia hal khawh asilo.

Shanram thlanglei, Hopung Myone Kyauktai khua, Pinglung Myone Saning Tlangthluan, Zatsauh Myone Lungkua hmunhma in SSPP Ralkap chuak ter dih uh, Colo cun, RCSS 2000 le Rallokap 300 in kan in tuk hna lai, tiah Zaw Melung nih, 31st March ah achim. Zaw Melung nih ka chimh baklo ati ve. SSPP nih cun cuka in an Rallokap chuah ter dih asi khawh lailo tiah an elh hna. Ka chimhlo/ Ka ti bak lo a ti. Crd; Zingtincuai Cinzah