SAC Ralhrang Tam Lak An Thi
Myaung peng ah SAC ralkap tam ngai an umnak Bahin(ဗဟင်း) camp cu nizaan (March 28) chunhnu ah PDF nih Sml 4 chung an kah hna i SAC ralkap 9 an thi tiah theih asi. People Revolution Army (PRA) Tat-khuai 1/2/3/4/9/10, Kya-Thit- Nat, PVRF, Pale- PDF( PPDF) le Tiger, 7 Star phu hna i bawm in kan kah hna i SAC ralkap 9 an thi i hliam tuar mi an tam lai tiah PRA nih an thanh.
Bahin sakhan cu 80% tluk kan lak khawh cang nain SAC lei nih Jet Fighter pakhat in heh tiah an kan kah caah hnu kan tolh tthan, PDF phufonh hna lei in a thimi umlo tein hnu kan tolh kho nain hliamtuarmi bel kan um tiah an thanh chih. Credit: The Chin Post
Falam ah Oxygen Plant Thar Bunh A Si. Chin Relief-rehabilitation And Community Development Foundation(CRCDF) tawlrelnak in Falam ah Oxygen Plant thar pakhat bunh a si cang, tiah theih a si. Cu seh thar cu USD 6,5000 man a si i March 27, 2022 ah an bunh mi a si. CRCDF in tuanvongeitu pakhat nih cun, “hi seh hi nikum in kan rak cah cang mi a si i, atu ah Yangon i kan cahnak Company pawl nih an rak kan bunh piak hi a si. Ramchung, ramleng mizapi nih Chawva thawh khawmh mi in cawk mi a si i, mizapi caah hman dingmi a si,” tiah a chim.
Atu i an bunh thar mi Oxygen Plant cu nikhat ah 40 litre tlum dur 60 hrawng a rawn khawh lai, tiah an chim. Falam khua chung le Laikua lei tiang Oxygen a herh mi pawl ca ah fawite in rawnpiak an i zuam, tiah tuanvongeitu pakhat nih cun a chim chap. Falam ah Oxygen Plant pahnih a um cang i pakhat cu mi zaw pawl an ihkhun pawng ah chiah i dawp khawh mi, Pipe line system caah an hman. Atu seh thar hi cu Oxygen dur chung i rawn ṭhannak (refill) caah hman timh a si, tiah theih a si. TCP
Mon ramkulh, Thaton peng, Ping Ne Taw khua um No. 8 hmaikal Sakhan 2 cu KNLA phufonh hna nih March 26 zinglei Sml 11:30 hrawng ah an kah hna i, SAC ralkap 6 an thi; 3 hliam an tuar, tiah theih a si. SAC ralkap sakhan hna cu KNLA Brigade 1, Battalion 2, Thaton peng mizapi vengtu ralkap TPDF, People’s Force le Thaton mizapi vengtu ralkap TPG phufonh hna nih hriamngan in an kah hna. KNLA phufonh lei in a hliamtuar um lo tein hnu an tolh kho, tiah TPG nih cathanh a chuah.
Cubantuk in Kachin ramkulh, Moe Ngin( မိုးညှင်း ) peng chung ah KIA, Moe Ngin peng mizapi vengtu ralkap le Magwe PDF hna nih nihin March 28 ah hmunhma an thianh lio ah SAC palik 4 le palik thawngpetu 2 lengah rithai-sii a zuartu hna cu mizapi vengtu ralkap hna nih an tlaih hna, tiah theih a si. Tlaih a tong mi SAC palik, thawngpetu le rithai-sii a zuartu hna cu dantat an si lai, tiah Tualchung Mizapi vengtu ralkap nih an thanh.
Bahin Palik Sakhan Kahdohnak Ah SAC Ralkap 9 An Thi: Magwe ramthen, Myiang peng, Bahin (ဗဟင်း) khua um Palik sakhan cu PDF nih nihin March 28 ah an kah hna i SAC ralkap 9 an thi. SAC ralkap lei nih cunglei in an vun kah hna caah PDF lei cu hnu an tolh ṭhan, tiah theih a si. March 28 zinglei Sml 11:45 in zanlei Sml 4:00 tiang Magwe ramṭhen,
Myiang peng, Bahin khua um Palik sakhan cu Myaing Vilages Revaluation Front ( MVRF ), PRA, Kyua Thit Nat, Pale ( Pah – Kah – Phah ), PPDG Tiger hna i bawm in sakhan laak an i zuam lio ah SAC ralkap Jet Fighter pakhat nih a rak bawmh hna caah mizapi vengtu ralkap cu hnu an tolh ṭhan. Hi kahdohnak ah hin PDF 2 hliam hme te an tuar, tiah theih a si.
Nuahtoogyi Ah SAC Ralkap Motor Nih Bomb Aa Rial Sual I Ralkap 2 An Thi: March 28 zing Sml 10:20 ah bomb hrial timh in, rang ngai in a tli mi SAC ralkap motor cu Mandalay ramṭhen, Nuahtoogyi peng Pechait(ပဲချက်) tlang lei ah bomb aa lamh sual i SAC ralkap 2 an thi, tiah Nuahtoogyi PDF nih thanh.
