Press "Enter" to skip to content

SAC Ralhrang Tam Tak An Thi

Sagaing ramṭhen, ChawngOo khua in a chuak mi SAC ralkap hna cu PDF bomb hmanh mi an i lamhsual caah minung 12 an thi, minung 20 nak tlawm lo nih hliamhma an tuar, tiah theih a si. Nizan March 13 chunhnu ah ChawngOo in ChawngOo nitlaklei khua ah a kal mi SAC ralkap 70 hrawng cu ChawngOo-PDF nih bomb puahhnawh in an doh hna, tiah ChawngOo-PDF nih March 13 zaan ah cathanh an chuah.

ChawngOo nitlaklei khua hna hrawk ding in an kal mi SAC ralkap hna cu bomb puahhnawh in doh an ton caah an i timhmi cu tlamtlinh loin, mithi ruak 12 he ChawngOo khuachung lei ah an kir ṭhan, tiah ChawngOo – PDF nih an cathanh ah an langhter. Credit: The Chin Post

Nippon Foundation Chairman Japanpa Sasakawa Hi Paucan Dohthlennak Sung Tertu Asi. Paucan Dohthlennak ah TEINAK kan hmuh rihlo mi hi, Voivoi khat in, Kawlram hmuhhma kip ah MAH te cu kan namh khawh rih hna lo caah asi, tihi mikip nih, hngalh mi asi. Ngakchia tiang nih, theih mi asi. Hmunkhat ah, Tempo aa ruang tein, kan namh hna ahcun, Vanlawng nih, ankan kah cawk ve lai lo, ti zong, nan ruah bal cio ko. Tatma (10) relchih in, Ke Rallokap zat hi, 130000 lawng asi.

Rallokap kan thah mi le hmaput mi, zuk ahcun, 1000000 lawng an tang lai. Raltuk khawh taktak mi cu, 100000 nakin an tam deuh lo hrim. PDF hi 1% lawng si rih ko hnaseh, CDF zong 5% lawng sirih ko hnaseh, voivoi khat in, tempo tein, tuk khawh ahcun, MAH te Ralhrang hi, kan thluk diam cang hna, tihi hngalh a herh.

Voikhat tein, ralbawi pakhat kuri nak tangah, MAH te kan namh khawh lomi hi, a ruang tampi, aum lai va si kaw, Sasa Kawa hi a hnursuantu bak asi, tihi, tuak kan philh mi asi. Kawlram bawmh bantuk, mi sifah chanhchuah ding bantuk, Japan Cozah Kusale bantuk, NUG le MAH karlak Palai bantuk, Kawlram Democracy lei ah hruai ding Bantuk, laklawh phun in Kawlram ah ara.

EAOs le MAH karlak ah PEACE caah Palai bantuk in ara. Dr. Sasa Kawa hi mi zertiam asi, ti hi mipi le NUG minung hna nih, a ruah awk, kan hngalh lomi asi. AA cu a va ton I a bawmh rih. MAH he PEACE pehding in asoilem khawh. AA nih Paucan Dohthlennak ah I tel bak tiloin, MAH kut in, Confederation timi,Dangia Waddy Ram dirh a duh. NUG cu NLD lakfa tiah zangfahnak ngeih lo le thlichiat rautlo bakin, AA Gen. Tun Myat Naing nih a ti. PDF cu Rakhine ram zong nan kan tuk thotho lai, kan zumh hna lo ti tiang in AA hi an aw a sang.

EAOs ah pumkhat si cu, AA he aahlat tuk cang. MAH he I fonh in, Paletwa ankan chut lai lo, a ti khawh tu, nan um lai maw. Sasa Kawa kha Kawlram ah rat hlah sehlaw, AA hi Paucan Dohthlennak ah aa tel diam ve cang hnga. Kan thazang a ṭhawn tuk deuh hnga. Sasa Kawa nih NLD le NUG ṭhencheu awkah, NUG he I ton loin, NLD upa tu he an I ton. NLD CEC nih NLD ankan ton lo tiah lih an chimh. NLD le NUG aa ṭhen sual lai ti an phang tuk caah asi. NLD chung hmanh ah MAH sinah a um I senthuh na, DASSk tazacuainak ah tehte asina, MAH a cohlan bak lomi asi na, NUG minung asi na, tiah an I ṭhenṭhek dih.

Cucaah Politic ning in cun, NLD le NUG cu aa ṭhen bak cang tikhawh asi. Sasa Kawa, Kawlram ah, ara caah, hi vialte hi, aa thawk I aa nawnnawk dih mi asi. ASEAN Chairman, Cambodia PM Mr. Husen nih, Sasa Kawa cu Bochan ngai in Kawlram Palai si awk ah, a hnatlak pi ṭhan. Hihi NUG minung le EAOs hna I ṭhencheuh dih hna sehlaw, an thazang der sehlaw, MAH he PEACE tuah hnaseh, cuti nan tuah ahcun, Nippon Foundation nih Ngunsawm tampi kan in bawmh hna lai timi Ceihngia ziaza he a ra ding mi Sasa Kawa asi.

Japan Cozah nih NUG le Mipi lei ah 100% an um lai kha I zuam deuh sehlaw, a ṭhe deuh ko mi cu, MAH te nih mangkhawng le Rap ah Sasa Kawa hi an hmang ti hi philh lo awk asi lai. MAH nih voivoi khat in ka namh khawh hna hlahseh tihi Chunzan in a ruah zungzal mi asi. Zeitintiah, Tlangcungmi Ralkapbu he kum (70) leng Civil War an I doh ahhin, Voivoi khat ah an doh ṭi bal hna lo. Phu khat kha aa remh chung hna I phu khat kha an namh tawn hna. Phu hnih in an namh hna hi a tlawm ngai ngai. Aum ballo.

NCA phu an um caah, AA, TNLA, MNDAA kha an cihmih aa timh nain, KIO nih kuri in Northern Brothers Alliance an tuah diam I an tei khawh ti hna lo. NCA phu nakin, Ralhrang le Damiah an si tiah MAH, DASSK le Henry Vanthio nih an ti mi hna, AA, TNLA le MNDAA cu an ṭhawng chinchin I MAH nih TEI khawh dingmi an si ti lo. Cucaah NCA phu ti siloin, Bilaterally Agreement tu in kal an I timh ṭhan. Phukhat he PEACE ati, Phu dang cu PEACE a tuah hna lo, tbk in MAH nih games aa celh. PEACE ati zong ah zungzal remdaihnak caah siloin, Phukhat anamh hna lio ah um rih hnaseh ati bia asi.

Ahnu ah cihmih in a namh ṭhan lai tihi Vawlei bengh in kan nganhlo bantuk asi ko. 75th Union Day or MAH SPH puai ah zungzal remdaihnak kan ser lai tiah an sawm hna. NUG le CDF / PDF / LDF cu an sawm chih lo. Aruang cu 2022 May thla dih hlan ah, CDF / PDF / LDF cihmih, aa timh caah, asi. CDF/ PDF/LDF a tuk lio ah EAOs nih an bawmh ahcun, ka TEI hna lailo, ti kha atheih tuk caah asi. Ṭhenchueh dih hnu ah, thazang derthawm ter in, fawi tuk in TEI kha, MAH planning cu asi.

NUG kuttang ah, bukhat le awkhat in, Ralkapbu pakhat in kan um khawh lo mi hi, MAH caah thanuam tuk asi. An ka tei ballai lo tiah aa ruah lio asi. Kawlram cu zungzal, ka uk cang lai tiah, aa nuam tuk cang. A um chunte CDF / PDF / LDF cu, Hriamnam ngeihlo asi tikah, MAH nih an ka TEI lai tihi a ruah hrimhrim lo tihi mipi nih I fiang cikcek a herh ve. Hi vialte remh awk ah ṭuanvo ngeih tu cu NUG, INUCC, ICNUCC asi. Nihin tiang an ṭuan chuak khawh lo ruangah mipi kan thih kan loh hi asi.

Riaklang va bang kan vakvai dih hi asi ti hi, mipi lawng siloin, Anmah upa hrim nih hngalh cikcek in an I remh zawk zawk a herh fawn. No man is Perfect, a tlin khitkhet mi minung kan um lo hi kan theih cio ko. Nain palhnak I remh duh lo zong hi sifak phunkhat asi. Dohthlennak TEILONAK asi. Aherh ahcun Minung zong thlen ding asi ko. Pupa ro asilo.

MAH Fascism nih an ṭihbik mi cu an zapi tein an kan tuk lai tihi asi. Cakei nakin an ṭih deuh saumau. 1988 hnu ah Rallokap raltuk dan zoh tikah, Kachin atuk ah, Karen ah aadin, Karen atuk ah, Kachin ah aadin. MAH te Rallokap hi UWSA, AA, Shan, Kachin, Kaya, Karen, Chin, Mon, Burma tiah abuin kan tuk bal rihlo tihi hngalh cio mi asi lai dah? Kan zapi tein voikhat te ah, tukdoh ankan ngamh lo caah, a ṭhatnak in PEACE tiah aa ti ter.

Sasa Kawa hmang in AA cu an lem soi. AA nih MAH atuk lo deuhdeuh, MAH aa hlawk deuh deuh ve. NUG tang ah aadawr duh lomi EAO cu um rihseh, NUG tang ah aum mi CDF / PDF / LDF tal hi Ralbawi pakhat nih kuri mi sisehlaw, cuticun kan namh khawh ahcun, TEINAK hmuhzau asi, ti zong, mipi nih, hngalh a herh ve. Chin le Likekaw ah, voikhat in, Raldoh asi ahcun, Chin ah a um mi, Ralkap cu Karen ah, ṭhial awk a har ngai cang. Karen le Likekaw ah Rallokap ṭhial khawh lo ding in, a phih tu hi Magway, Nipidaw le Bago an si awk asi. Vanlawng in an kan tikah, Karen Likekaw le Sagaing a kap tu hi aa dang ve ve.

Sagaing ah ral kan doh tikah, Kalay, Salinci, Yinmabin, Monywa, Dibeyin ah voiovikhat in kan kah ve hna aherh. Cuti kan tuah khawh ahcun, Vanlawng in an kan khah cawk lailo tihi a fian tuk mi asi. MAH nih American Bantukin Raltuknak Vanlawng tampi a ngeih lo. Kyaukthu ah Raldoh, Dibeyin ah doh tibantukin a dang tein kan tuk hna tikah, Vanlawng nih duh chung in a bawmh khawh hna.

Hi Bantukin Voivoikhat ah, Hmunkhat te ah, Cankhat te ah, kan tuk khawh nak hnga, Taing level in siseh, bahu in siseh, kuri thiam le ṭhithruai thiam a herh mi asi. NUG ah cu bantuk fimthiam nak aum ve fawn lo. A Poi tak tak. Biuha hmuh a fit bak mi pakhat tal cu ngeih a herh hrimhrim. NUG Yimon ai awh in Bo Naga hi rian pek ah a ṭha deuh men lai kan ti can atam pi.

LDF vialte nih order kha kan zulh thiam a herh ve. Information timi thawngpang I pek lengmang zong Abiapi fawn. Khin U ah tukdoh, Yinmabin lawng ah kah, tibantuk cu Vanlawng nih a bawmh khawh tuk hna. Asi khawh lomi Tactic asi. Ral teinak siloin mah sunghnak tu an si deuh tawn. Kawlram pumpi asi khawh lo tal ah hmun (10) tal ah Voivoikhat in kan tuk khawh ahcun, RPG, Bomb lian pipi, Launcher le Vanlawng in a bawmh cawk hna lailo.

Monywa um Namakha Tianghmu thar pa hi PDF / CDF an um lo zong ah khua mei a duah dih tu pa asi. Internet an phih dih caah, CDF / PDF caah thawngpang a him ngai ti khawh asi. Thawngpang security asi caah, Bahu order pakhat tang ah Raldoh khawh asi ahcun, raldohnak hi tu bantuk siti loin Chunzan hlan in, lu taw aa thlen khawh. Hriamnam kan ngeih lo ti lawng soirawl le tambo ah hmang ding asi ve lo.

Cungtang I ruang in, order pakhat tang ah Raldoh kan thiam hlan lo, Voivoi khat in MAH kan namh khawh hlan lo, Hmun (10) talah voikhat tein, Raldoh kan thiam hlan lo, Ralbawi pakhat le order pakhat tang ah Raldoh kan thiam hlan lo, MAH le Ralhrang kan thluk khawh bal lai lo tihi, hgalh cang. By- Zingtincuai Cinzah

Be First to Comment

Leave a Reply

Your email address will not be published.