SAC Ralkap Hna Nih Pastor Bawino Salai Bili Aung Thang An Kan Thah Piak Ee

SAC Ralkap Hriamngan Thlah Ruang Ah Chungkhar Khat In Minung 3 Le CDF-Mindat Chungtel 1 An Nunnak Liam. Mindat peng ṭaiṭnay no.4 hmunhma lei ah SAC ralkap nih hriamngan an kah caah nunnak liammi an um tiah theih a si.

February ni 25, zanlei ah Mindat hrambunh khahlahyiah 274 battalion nih cu hriamngan cu an thlah tiah tualchung mi nih an chim.

Chin ramkulh, Mindat peng hrambunh CDF-Mindat in bawino Salai Bili Aung Thang cu ralhrial dirhmun in a ummi hna cazin laak ding in a kal lio SAC ralkap hriamngan ruang ah a nunnak liam tiah CDF-Mindat nih cathanh a chuah.

Bawino Salai Bili Aung Thang cu SAC nih uknak a laak hlan ah Church pastor a rak ṭuan i, SAC ralkap nih uknak a laak hnu in CDF-Mindat ah a lut i dohthlennak ah aa pumpemi pastor pakhat a si.

Cu pin ah Mindat peng no.4 hmunhma lei ah SAC ralkap nih hriamngan an thlak caah chungkhar pakhat ah minung 3 an nunnak a liam i a dang minung 2 nih hliamhma an tuar tiah theih a si.

Mindat pengchung ah SAC ralkap nih phone line a thah caah, khuachung thilcang fiang tein fehter a har tiah theih a si. Credit; The Chin Post

Adang; NUG Nih Tuluk Le ASEAN He Aa Kawp Ahcun Federal Dik Kan Hmuh Lailo (Part1) Tuluk nih ASEAN Consensus 5 a cohlan I Kawlram PEACE si awk ah ka zuam lai a ti.

Tuluk Kawlram Palai Mr. Deng Xijun nih Kawlram Chaklei Hriamtlai Pawlkom (EAOs) phu 7 a tawn hna tiah 23 February 2023 ah Irrawaddy Media nih an phuang.

Cu EAOs phu 7 hna cu KIA, AA, TNLA, MNDAA, NDAA (Mailaa), UWSA, SSPP an si. Mailaa, Laiza, Pansai Khualipi hna ah a kal I pumpak in a dang tein a va tawn rih hna.

Hi EAOs phu 7 hna hi Tuluk nih a bawmh mi hna an si. Phaisa (Yuan) le Hriamnam a bawmh hna, Zalon tein Hriamnam a zuar hna.

India cu Tuluk bangin Sipuazi le Ramkhel celh a thiam lo caah Ralhrang Rallokap lawng an kawp I, Mipi le kan ralkap cu Support an tuah hna lo.

Hriamnam zong an kan zuar duh lo I a thli tein kan phawrh mi zong an kan tlai dih. Ram Innpa ṭhalo tak kan ngeih caah Mi Vanchia CHINMI kan si.

CBCUSA nih an target USD 12 million cu an tlin cang I Meithal cu a man fak bik in kan cawk zong ah 2000 leng asi lai, i tlaih cawklo kan ti ko lai.

Kan Ralkap hna sinah Meithal an phan ter mi hi 100 a tling fang te lawng asi khawh men. Achan cu India nih Meithal le kuan bawmh cu chimh lo (Tuluk nih EAOs phu 7 a bawmh hna bangin) meithal an kan zuar duh lo.

Hriamnam I cawk nak kongah Ram nih ngeih cio mi Upadi le UN Upadi cu a um cio caah duh ningin le Zalon tein Meithal le kuan cawk khawh asilo. Kan ngeih cia mi Phaisa in hriamnam cu a can lio te ah / Kan herh bak lio caan te ah, kan cawk khawh ti lo.

Vanlawng kahnak le Missile tal cu India nih kan zuar duh sehlaw, Ralhrang kan tei cang lai. Kawlte nih an tei rih lo ahcun CHINMI lawngin Kalay Kabaw Gangaw tiangin kan va lak lawlaw lai I CHIN COUNTRY kan dirh hnga.

UN, American, EU, Uk le an hawikom ram hna / Nitlak ram hna kan tawn hna bantukin India hi can pekin kan tawn hna rua lo tiah mipi nih kan I ruah cang hna.

Zohhmanh uh! CBCUSA nih USA Co. Ltd lianpi min in Meithal le Kuan, Vanlawng kahnak, Missile hman cawk lo kuat ding cu kan hlawhtlin ti lo.

Dr. Thla Awr, Rev. Zammang Mualcin le Rev. Thawng Ling Mualhlun te tlukin a thar rianṭuan tu hna nih san an tlai lo caah asi ko.
NUG cu kawlte caah dirh mi ko a lawh caah CHINMI ta ah ruah duh hlah usih, kan ruah I kan bochan tuk sual hna ahcun mah le mah faknak le zawtnak I pek he aa lawh ngai ka ti.

Zoh rih hmanh, Vaurawng Target a tlin ahcun USD nuai 100 leng aum rih lai cu va si kaw, India ah Meithal le kuan cawk khawh ahcun a dih cang mi khi asi ko. A dang in thawh mi kan chim rih lo. Hmai lei tampi in kan thawh lai mi kan chimh rih lo. Tuluk bangin Rallokap le NUG he kawp veve sehlaw, a ṭha tuk lai.

NUG siseh, Chin Upa Hruaitu hna nih siseh, Hriamṭha le kuan hman cawk lo kan I ngeih khawh ve nak lai, Rallokap vanlawng tla lakin kan kah khawh ve nak lai, India he a tu le tu a sikhawh hlan lo chung tawn uh law ti hi mipi nih kan duh ko cang.

Cutin asilo ahcun Phaisa kan ngeih zongah Hriamnam cawk khawh nak lam a um lem ti lo. India caah Special Envoy thimh in I thlah ding kan si cang. Tuluk ramri um EAOs le PDF cu man fawi tein hriamnam cu zalon tein an cawk khawh, Bo Nagar tiang cutin asi ve. JRT