SAC ralkap le a thi mi hi Chin ramkulh
Myanmar ram pumpi in dohthlennak tuah hnu April 2, 2022 nikhat chung kahdohnak ah SAC ralkap 84 an thi i, PDF lei in minung 2 an nunnak liam, tiah Yangon Khit Thit nih a thanh. Cazin ning ah SAC ralkap le a thi mi hi Chin ramkulh Mindat ah 50, Matupi ah 6, Sagaing ramṭhen Ayadaw ah 7, Myaung peng ah 4, Mongwa University ah 10, Pyin Oo Lwin ah 5, KNU bridage 5 ah 2, an dih lak 84 an si. PDF lei in Yinmapin ah 2 an nunnak liam ve. Credit; The Chin Post
Relchap; NUG kan bawmh mi USD sing 6 he fonh ah cun Korea phaisa in Won sing 9000 leng kan bawmh cang hna, tiah an thanh. Pakhat cio kan thawhkhawmhmi cu a tlawm tuk mi te a lo ko nain kan vun fonh tik ahcun tampi a chuak i NUG rianṭuannak ah tampi a bawmh khawh, Cucaah ‘One day Challenge’ kan cawlcanghnak hi NUG Cozah hrim nih a biapi tuk mi ah a chiah, tiah an cathanh ah an langhter.
NUG Cozah dirkamhnak ah S. Korea ram um Myanmar mipi hna nih cun, “Ka ram ca ah ka nikhat” ti mi tlangtar in ‘One Day Challenge’ ah an si khawh tawk in phaisa an thawh hna. TCP
anintharry ramtthen Tayatchaung peng Taungpyouh(တောင်ပျောက်) khuakomh lei ah March 30 ah thazaang 100 leng he ralam a sial mi SAC ralkap nih khuami ralzaam cheukhat an tlaih hna tiah tualchung mi nih an chim.
SAC ralkap cu Winkaphaw(ဝင်းကဖော်) khua nitlak lei in KyaukAing(ကျောက်အိုင်) khua lei ah rallam an sial i cu lam thluan pawng kam ah ummi Cuaichian(ကွဲဲခြံ), Winkaphaw, KyaukAing, Alaysuh khuami hna cu an thin a phan ruang ah a himnak hmun ah an zam hna.
April 1 ah KyaukAing khuami minung 5 an tlaih hna, March 31 ah Winkaphaw le Tapyohchaung(သပြုချောင်း) khuami minung 20 an tlaih hna tiah tualchung hriamtlai nih BBC ah an chim, Cu an tlaih mi hna ah cun nu 3 le pa 2 an thlah than hna i a taang mi minung 15 cu an hren rih ko hna tiah theih a si.
Mipi vengtu ralkap phu he aa neihniam mi khuami nih an chim ning ah SAC nih an tlaih mi hna hi mino pa pawl an si hna i bia an hal hna lio ah an tuk an velh pah hna pin ajnhri in an ttem hna i an kal pi hna tiah an chim.
Tayatchaung peng Taungpyoh khuakomh lei hi PDF an tthawn ngainak hmun pakhat a si ve i SAC ralkap nih rallam biatak tein an sial nak hmun zong a si caah kahdohnak a chuak kho tiah mipi vengtu ralkap phu nih an chim. April 1 zaan Sml 7 hrawng ah Cuaichian le Winkaphaw khua ah hriamngan voi 7 a tla tiah tualchung mi nih an chim.
