SAC Ralkap Le Mipi Ralkap Kahdohnak Ah PDF Kan Pasaltha Hna Minung (9) An Nunnak Liam Ee
Kawthoung Pengkomh Kahdohnak Ah Tualchung Hriamtlai Phu In 9 Nunnak Liam. Taningtharyi ramṭhen, Kawthoung pengkomh Hkamaukkyi(ခမောက်ကြီး) peng Waidin khua ah tualchung hriamtlai phu chungtel minung 9 an nunnak a liam tiah theih a si.
March ni 4, zinglei suimilam 8:00AM hrawng ah Waidin khua cu SAC ralkap nih hriamngan an kah hnu ah SAC ralkap le tualchung hriamtlai phu kar minutes 20 tluk kahdohnak a chuak tiah theih a si.
SAC ralkap hna nih hriamngan voi tam tuk an thlah hnu ah khuachung ah cun an luhhnawh hna, cu hnu ah kaphnih kar kahdohnak a chuah hi a si tiah tualchung mi nih an chim. Tualchung hriamtlai phu minung 15 chung ah 9 an nunnak a liam i, a dang 6 hi an zaam kho tiah kan theih tiin an chim chap.
Cu thilcangmi kong he pehtlai in Kawthoung pengkomh tualchung hriamtlai phu lei nih cathanh a chuahmi a um rih lo.
SAC lei ṭangmi sosial media hna nih cun kaphnih i kahnak ah tualchung hriamtlai phu minung 9 an thih pin ah meithal 5, kuanfang zun 200, kut ser bomb lung 38 le seh he aa pehtlaimi thilri kan laak tiah an ṭial. Khit Thit Media
Adang; SAC Nih Uknak Laak Kum 2 Chung Ah Taningtharyi Ramṭhen In Tualchung Mi 400 Tluk An Nunnak Liam. SAC nih uknak a laak 2021 February in 2023 February thla tiang kum 2 chung ah Taningtharyi ramṭhen in tualchung mi minung 394 an nunnak a liam, minung 146 nih hliamhma an tuar tiah Southern Monitor nih cathanh a chuah.
Ramchung buaibainak ruang ah tualchung mi hliamh an tam biknak hmun hi Launglone peng in a si i tualchung mi 107 an nunnak a liam pin ah minung 29 nih hliamhma an tuar tiah a langhter. Cun Yephyu, Htawai, Palaw le Tauatchaung peng zong ah tualchung mi nunnak liam le hliamtuar an tam tiah theih a si.
2021 September thla in 2023 February thla tiang kum khat le cheu chung ah SAC ralkap le SAC ralkap kuttang ummi hna nih tualchung mi an umnak inn 435 an khanghpiak hna tiah a langhter chih. Ref; BBC
Relchap; Hostel/Paying Guest Fakthanhnak; Mizoram a ummi le Myanmar ram a ummi siangngakchia hna ca ah thawngpang ṭha kan in thanh hna.
Aizawl ah sianginn kai le fimthiamnak cawn a duhmi ca ah Hostel/Paying Guest a ṭha i a rem tukmi kan hun cang. Fale sianginn kaiter a duh ko nain Aizawl khuachung ah umnak a ngei lomi le hmunhma ruang ah harsatnak a tongmi na si ahcun CSR-Chin Student Residence hi rak kan panh ve law zeizong vialte ṭuanvo kan in laakpiak dih lai.
Sianginn kaimi siangngakchia an si ahcun sianginn apnak kongkau, zan ah ca ṭha tein zohpinak, Pathian bia cawnpiaknak le an cawnmi subject cio ah harsatnak an ngeih ahcun an herh ning in kan chimhcawnpi hna lai.
Ngakchia deuh an si i sianginn kai don le thlah a haumi an si zong ah ṭuanvo kan laak dih lai. Kan sin ah a rak kan fuhmi siangngakchia hna cu rawlthaw le meh thaw kan pek hna lai pin ah zalong tein kan chiah hna lai. Cun, a hlei in mirang ca le holh zong a lak in ṭha tein kan chimh hna lai.
Fiangte le tling deuh tein theih nan duh i hlat nan i timh a si ahcun a tang i kan langhtermi phone number ah hin pehtlaih khawh kan si. Kawlram lei a ummi hna nih pehtlaih nan kan duh ahcun a tanglei langhtermi phone number ṭhiam ah Viber le Whatsapp in pehtlaih khawh kan si. 📞📞– + 91 92331 34419 / Crd; The Chin Post
