SAC Ralkap Minung Thazaang 50 Hrawng Rallam An Sial I, Tualchung Hriamtlai Phu Hna Nih Bomb An Puahhnawh Hna, Minung 37 Thi Le Hliamtuae An Si

Kawlin-Wantu Motor Lampi Bomb Puahnak Ah SAC Ralkap 23 An Thi. SAC ralkap minung thazaang 50 hrawng nih Sagaing ramṭhen, Kawlin-Wantu lei ah April 23 ah rallam an sial i tualchung hriamtlai phu hna nih bomb puahhnawh in an doh hna caah,

SAC ralkap 23 an thi i minung 14 nih hliamhma an tuar, tiah tualchung hriamtlai phufonh nih an thanh. SAC ralkap hna nih nihin April 24 zinglei in Kawlin-Wantu lamkam um mi khua cheukhat hna cu meikhangh in an hrawhpiak hna, tiah tualchung hriamtlai phu chungtel pakhat nih a chim.

“Wantu pengchung khuali hrawng cu SAC ralkap nih nihin April 24 zinglei ah an khanghpiak hna i, Wantu peng Theinlay khua in nu pakhat cu mei nih a kanghchih” tiah Kawlin Revolution -KR nih an thanh. Credit; The Chin Post

Thawngdang Relchap; Kan Hruaitu Nih MAH PEACE Sawmnak Bia Anleh Ning Cio. KNPP Secretary KhuDaniel: Fak ngai in Raldoh Cuahmah mi kan si, Mipi duhpaoh in athatnawn tu, MAH he biaruah awk kan ngeih lo. Kanram ah Raldohnak ni fatin aum zungzal fawn. MAH he bia kan I ruah khawh lo ati. Pado Saw Tony, KNU Ramdang Vuanzi: Karen ram in Rallokap an lak dih hmasat lawng ah bia kan I ruah khawh lai. Cuhnu ah Federal practical hmang khawhnak ding kan I ruah lai. Anaa lak can dinfelnak le Rule Of Law acohlan ahcun biaruah awk asi lai.

Tukspur in mipi Thahnawn nak kong ah thildik le a tuahtu cu Upadi hmai ah chuak pi awk zong biaruah chih asi lai. Bohmuci Nawbu KIA Pianciazi: Ralhrang MAH PEACE sawmnak kong ah KIO Bahu Ruahnak hngalh asi rih lo. Rallokap he biaruah awk cu Sullam ngeih lo asi tiah Kachin Media the 74 ah achim. EAOs he biaruahnak kum 60 leng asi cang nain thiltṭha voikhat hmanh achuak pi ballo.

EAOs he aaremh zong ah NUG le PDF he aa remh fawn lailo. MAH nih Anaa an chut hnu Rallokap sawmhnak ah voikhat hmanh aa tel ballo mi KIO asi. NUG cohlan nak le sawmhnak ahcun, Rengreng hna nih hlunghlai ngai in an kai tawn. An pelh ballo. Dr. Lian Hmung Sakhong, VP CNF / CNA: Kan cohlan khawh lo, Ralhrang Rallokap cozah he biaruahnak kan ngeih khawh lo timi mumal kan thlen rih lo.

Rallokap nih biaruah an duh ngaingai ahcun biaruah awk ah rawnh ka duh mi hna cu: Anaa ka lak mi ka palh ati lai I 2020 kum thimhnak ning in uknak ka pek hna lai ati a herh lai.. Anaa chanhnak caah PEACE in ka bawmh uh ati ahcun bawmhding in ready kan si. Nan biakam a fek lai maw? Nan zulh lai maw tiah biakam le senthuh ter an herh rih lai.

Video Tawi Zoh Hmanh>>><<<

Mipi innlo le Khuapi hrawk mi vialte kan ngawl dih lai, Mipi ka thah ti hna lailo, Tlangcung ram in Rallokap ka lak dihhna lai, EAO hmun ah ral ka tuk ti lai lo tiah biakam hmasat sehtiah a leh hna. Innlo ka hrawkmi ka palh bak, ka liam hna lai, Inn khat ah cuzat, tbk kong hna biaruah khawh asi lai. Cutin siloin Anaa hmun zungzal awk ah atuah duh mi asi ahcun Mipi nih duh bak lo ding, EAOs nih cohlan bak lo ding asi lai.

International le Ramdang zong nih zumh bak lo ding. SAC sawmnak ah aatel mi cu Pumpak in siseh, bu min in siseh, Tuanbia ral nganbik an /a si lai. NCA cu Cozah le EAOs Senthuhnak asi, Rallokap he senthuhmi asilo. PEACE tuah awk MAH nih ṭuanvo a ngeih lo I tuanco laknak nawl zong a ngeih fawn lo. Kawlram Ramkhel kong hlathlai tu mifim rual: SAC PEACE ah a kai mi an tlawmte lai.

EAOs le PDF / CDF kha an ṭhen hna, PDF / CDF cihmih aduh caah EAOs he remhnak tuah aa timh hi asi. EAOs hruaitu tampi nih an cohlan lailo. EAOs he Raldoh asilo ahcun Ralloka thazang hnarcheuh an thadam lai. Rallokap le thazang dih um in CDF // PDF doh aduh caah PEACE tuah aatimh mi asi. Ṭhen khawh asilo mi EAOs le CDF / PDF ṭhen aa timh caah MAH aapalh biknak acu asi. Kachin, Karen, Kaya, Chin le Shan ah EAOs le PDF ṭhen khawh asilo.

PDF an um caah EAOs cu biatak tein an duh khawh hna lo asi caah EAOs hruaitu hna nih PEACE cu an cohlan khawh lailo. PDF aum lo ahcun EAOs he biatak tein raldohnak achuak colh ding asi. A thazang a ṭhawng mi EAOs cu an kai lailo nain, Wanna Kyawṭhin minṭhatnak medal pekmi EAOs hruaitu hna cu an kai te lai. Abikin PPST phu asi mi EAOs hna nih an kai te lai.

Bohmuci Khun Ukka, PNLO Chairman, PPST member, nih May 25 ah tuah ding mi, PPST meeting ah MAH PEACE ah I tel le tello biachah asi lai tiah ai. Tu chimh awk ah a tuan tuk rih ati. Dindaihnak kum asi Bantukin Kuzale lawngte thlah asi ahcun, can arau tuk tawn caah pumpak bakin I tawn in biaruah a herh tiah ati. Bo Nagar, MRDA, Myanmar Royal (Ṭaw win) Nagar Ralkap hruaitu: MAH biachimh mi cu ka sung ko tiah ati dohnak asi. Ka sung cang ati ko mipa he PEACE biaruah awk a um lo. PDF an I tello timi bia cu hrut asi.

Arau hlan ah PDF kut in ka tla cang lai ati dohnak asi. EAOs vialte nih cohlan duh hlah uh. Rallokap nih an mah umnak ah an um hlan tiang, Tlangcung ah dindaihnak aum hlan tiang, Kawlrawm le Tlangcung mi tlukruannak kan hmuh hlan tiang, Raldoh awk ah kan sawm hna. MAH le Rallokap nih an umnak hmun asilomi Ramkhel ah an um caah, Rallokap nih hup dih mi an dohnak a dong cikcek hlan tiang, kan nih vialte nih lungrual tein le I zukphiar lo tein, I phete lo tein, adong tiang Ralhrang MAH le Ralhrang Rallokap cu doh ṭi hna usih ati. Film: CDF Hakha

Credit; Joseph R. Thang