Press "Enter" to skip to content

SAC Ralkap Nih Minung (13) Hna Zohchia In An Thah Hna, An Ruak An Hlawnh

Rohingya Minung 13 Cu SAC Ralhrang Nih An Tlaih Hna I An Thah Hna Hnu Ah An Ruak An Hlawnh Hna! Dipa [December] 5, 2022_CCN Channel

Yangon ramṭhen, Hlegu peng lampi ah Rohingya 13 ruak cu Dipa [December] 5 zinglei sml 3:00 hrawng ah pawngkam mi nih an hmuh hna tiah theih a si.

Thah a tongmi Rohingya hna hi kum 17-30 kar an si tiah mit hmutu nih an chim. Anmah hi November thla dongh lei ah SAC ralhrang, Palik le Pyosawhti pawl i bawm in an tlaih hna i December 4 zaan ah an thah hna hi a si tiah Khit Thit Media nih a feh ter.

An ruak zoh tik ah tukvelhnak hma faak pawl hmuh an si. A cheu ruak ah cun nam sawhnak zong an um tiah theih a si.

Nunnak liammi Rohingya 13 hna cu pa lawngte an si i, Yangon siizung pi ah an ruak an hlai hna i check hlatnak an tuah tiah theih a si.

Yangon ah Rohingya miphun hna cu a tu le tu tlaihkhih an tong. November 27, Hlegu ah minung 68, November 28 le 29 zong ah minung 3 an tlaih chap hna i nithum chung ah Rohingya minung 71 tlaih an si tiah SAC lei nih thawngthanhnak an tuah tiah RFA nih a langh ter. Credit: CCN

Relchap; SAC Ralkap Nih Kalay PDF (2) An Tlaih Hna Hnu Ah An Thah Hna. Kalay peng, Doewaichaung khuapawng ah SAC ralkap nih December 4, chunhnu suimilam 1:00 hrawng i checkhlatnak an tuah nak ah PDF-Kalay ralkap 2 cu an tlaih hna i ankalpi hna hnu ah an thah hna tiah theih a si.

SAC ralhrang lei thawngthanhnak nih, lunghrinhmi cycle 1 kan hmuh i checkhlatnak tuah ding in dirter a si nain, dirlo in an zaam caah kan kah hna, PDF ralkap 2 ruak le pistol 1 kan lak tiah an langhter.

Mit hmutu hna nih “an zaam caah an kahmi hna a si lo, an ruak zong buri chung ah an chiah hna hnu ah motor chung ah an khumh hna” tiah a chim.

Thah a tongmi PDF ralkap 2 chung ah pakhat cu Khuppi tiah auhmi a si i, a ruak zong a chungkhar nih an la kho rihlo tiah theih a si. Crd – Zalen

Be First to Comment

Leave a Reply

Your email address will not be published. Required fields are marked *