Press "Enter" to skip to content

SAC Ralkap Nih Pu Biak Mawi Sualnak A Nei lo Mi An Thah!

Sagaing ramṭhen, Kalaymyo peng Thanphoe khua ah SAC ralhrang nih Pu Biak Mawi, Kum 54 cu March 7 zingka sml 9:10 ah an kah thah, tiah theih a si. Pu Biak Mawi i a nupi cu zingka te ah lo rianṭuan ding in a kal lio ah Khuachung ah SAC ralhrang pawl cu an rak lut i

Pu Biak Mawi cu a nupi a sia herh caah a nupi sin i lo kal ai tim i a kal lio ah SAC ralhrang hna nih Pu Biak Mawi cu a paw ah an kah i, a hmun ah a nunnak liam colh.Lampi ah a ruak cu a ril ko, Zaanlei hnu ceo ah khua mi hna nih an hmuh, tiah theih a si. Pu Biak Mawi cu fa 4 ngei mi a si i March 8 ah a ruak an vui lai, tiah theih a si.

RELCHAP. Salingyi (ဆားလင်းကြီး)peng, Yuase(ရေရှည်) khuakomh Thantaw(ထန်းတော) khua cu SAC ralkap nih nihin March 7 chunhnu ah khuachung ah an lut in an khangh, tiah tualchung thawngthanhtu sin in theih a si.

“SAC ralkap pawl khuachung ah an lut i meithal an puah, khua mi an buai hnawh hna. Khua mi inn pakhat zong an khangh,” tiah Salingyi thawngthanhtu in rianngeitu pakhat nih a chim. SAC ralkap nih khua an buai hnawh caah khua mi hna cu a himnak hmun ah an zaam i, aa khawngdeng mi an um le um lo fiang in theih a si rih lo,” tiah tualchung mi nih an chim.

March 7 ah CDF-Kanpetlet le SAC Ralkap karlak voihnih kahdohnak a chuak i, SAC ralkap Captain pakhat tel in minung 6 an thi, tiah theih a si.“Nihin March 7 ah Magwe ramṭhen lei in Kanpalet khuapi lei ah hmunthum in rallam a rak sial mi SAC ralkap hna cu zing sml 7:00 ah voikhat le zing sml 9:00 ah voikhat ti in CDF-Kanpalet/Mipi ralkap phufonh hna

nih vanlawng tual/Airport (Sak cuahmahmi) hmun ah voihnih kan kah hna i, SAC ralkap captain pakhat tel in 6 an thi. Kannih lei thi le hliam umlo in hnu kan kir kho, Kan i kah lio ah Kanpalet khuachung um mi SAC ralkap hna nih hriamngan in an vun bawmh hna,” tiah CDF- Kanpetlet nih March 7 zaan ah cathanh an chuah.

Be First to Comment

Leave a Reply

Your email address will not be published.