SAC Ralkap Nih Tualchung Minung 6 An Thah Hna, Inn Zong An Khangh Piak Hna Chap Rih E
SAC Ralhrang Hna Nih Inn 629 Umnak Htawah Khua An Khangh, Tualchungmi Minung 6 An Thah Hna. Yinmarbin Peng um Htawah(တာဝကျေးရွာ) khua ah SAC ralhrang hna an lut i Nohawng 24 ni ah chungkhar 21 hna i an umnak inn hna cu an khangpiak dih hna tiah theih a si.
SAC ralhrang hna nichiar in rallam sial in khuachung ah an luh lengmang ruang ah khuami hna cu ramtang ah an zam hna. Htawah khuami nu pakhat cu ramtang an zamnak hmun ah nau a ngei i nute a si tiah khuami hna nih an chim.
Khuakip ah lut in rallam sialtu Ralhrang hna nih tualchungmi minung 6 cu an tlaih hna i an thah hna. An tlaihmi hna chung in a tam deuh cu an luat cang tiah theih a si. CCN
Relchap; NUG Nih Tuluk Le ASEAN He Aa Kawp Ahcun Federal Dik Kan Hmuh Lailo (Part5) Japan le Singapore Nih Tuluk He ASEAN In Peace Puaisa (Broker) An Sing Ning. Japan nih SAC Ralhrang cu bawmhnak cu Fimkhur tein kan ṭuan. Cunih Ralhrang SAC cu a thazang a ṭhawn ter I an lungpuam ter.
Rallokap Cozah nih Nuhrin covo an buarnak siseh, Crimes Against Humanity le War Crimes an sinak cu fak pi in an mawhchiat len nain Action a lak hlei lo mi Japan cozah an si. Kawl Ralhrang SAC cu Japan nih Sipuazi phihkarhnak pelte hmanh an tuah rih fawn lo.
USA EU le Nitlakram hna nih MAH te SAC le an minung vialte (Crony telin) Bad Corp an ti hna nain Japan tu cu Good Corp tiah an ti lehlam hna. Kan Hawikom ṭha Japan an ti lehlam hna. Japan nih SAC caah Policy an ngeih mi cu MAH te hlawknak lawngte an si.
Japan Lower House (National Diet / House Of Representatives) meeting cu 2023 February 22 ah an tuah. Japan Budget kong, Ramkhel kong, Ramdang bawmhnak kong tbk ceihmai nak an ngei hna. Teitu Party asilomi Labour Party in MP pa nih Bago hlei bawmhnak kong cu biahalnak a tuah.
Japan Ramdang Vuanci HAYASHI nih Kawlram bawmhnak cu Fimkhur tein kan tuah cuahmah ko tiah a leh. Japan bawmhnak in tuah mi Kawlram Project a lian bik mi pakhat cu Bago Tiva pi hlei (Yangon-Thanlyin Bridge would cross the Bago River) asi. USD 323 Million Project asi.
Rallokap ngeih mi Co. Ltd MEC (Myanmar Economic Corporation) le Japan Co. Ltd JICA (Japan International Cooperation Agency) nih SAC he an ṭuan cuahmah ko. Yokokawa Bridge Project tiah min an pek. Japan nih Kawlram SAC sinah Phaisa hi voi hnih an kuat cang.
USD 140 Million, 100 million ti in voi hnih an kuat mi cu USA hnatlakpi nakin an si tiah Mr. HAYASHI nih a ti. Cun lungfim lomi cu MEC cu USA EU UK le Nitlakram nih Phihkarhnak fak pi in an tuah mi asi. Singapore Ramdang Vuanci Dr. Vivian Balakrishnan Kawlram SAC Rallokap Cozah cu phihkarhnak an intuar khawh tuk i an zeipoi lo a ti salam ve.
SAC kan bawm mi le phihkarhnak cu UN nih cachuah mi aum lo i senthuhmi zong aumlo. Aum ahcun Zulh awkah Singapore cu Ready kan si a ti salam.
UNSC nih kawlram kong biachahnak an ngeih mi zong hnuzulh aum lo caah Singapore nih SAC bawmh kan ngawl lo ati. Nuhrin Covo phu nih Humanitarian bawmhnak tiloin a dang bawmhnak pek ti lo dingin an ti nain an zeipoi ve lo. Cucaah SAC a lungpuam peng rih ko. By- JRT
