SAC Ralkap Sakhan Cu Mipi Vengtu Ralkap Nih An Luhhnawh Hna, Thi Le Hliamtuar An Tam

Sagaing ramythen , Ayardaw peng Titgyin (သစ်ကျင်း) khua ummi SAC ralkap sakhan cu nizaan, April 1 chunhnu suimilam 1:00 ah PDF phufonh nih kan lakkhawh tiah cathanh an chuah. April 1 chunhnu suimilam 1:00 ah ZERO -Myinchain le Tapayngyu(သပြေညို), FALCON FORCE, Ayardaw Bung Naing, Patamys Ngyinawng(ပတ္တမြားညီနောင်) phufonh hna nih hriamngan le hriamhme he kan kah hna caah,

SAC ralkap 7 an thi 5 hliamhma an tuar, kahdohnak hi suimilam 2 leng an rau tiah an cathanh ah an langhter. SAC ralkap sakhan cu PDF phufonh nih an lakkhawh leng ah cycle 3 zong an lakkhawh chih, SAC ralkap hna nih an hmanmi mizaw phurhnak motor zong hriamngan nih a khen caah a rawk tiah theih a si. TCP

Tanintharry ramtthen Tayatchaung peng Taungpyouh (တောင်ပျောက်) khuakomh lei ah March 30 ah thazaang 100 leng he ralam a sial mi SAC ralkap nih khuami ralzaam cheukhat an tlaih hna tiah tualchung mi nih an chim. SAC ralkap cu Winkaphaw (ဝင်းကဖော်) khua nitlak lei in KyaukAing (ကျောက်အိုင်) khua lei ah rallam an sial i cu lam thluan pawng kam ah ummi Cuaichian (ကွဲဲခြံ), Winkaphaw, KyaukAing, Alaysuh khuami hna cu an thin a phan ruang ah a himnak hmun ah an zam hna.

April 1 ah KyaukAing khuami minung 5 an tlaih hna, March 31 ah Winkaphaw le Tapyohchaung(သပြုချောင်း) khuami minung 20 an tlaih hna tiah tualchung hriamtlai nih BBC ah an chim, Cu an tlaih mi hna ah cun nu 3 le pa 2 an thlah than hna i a taang mi minung 15 cu an hren rih ko hna tiah theih a si. Mipi vengtu ralkap phu he aa neihniam mi khuami nih an chim ning ah SAC nih an tlaih mi hna hi mino pa pawl an si hna i bia an hal hna lio ah an tuk an velh pah hna pin ajnhri in an ttem hna i an kal pi hna tiah an chim.

Tayatchaung peng Taungpyoh khuakomh lei hi PDF an tthawn ngainak hmun pakhat a si ve i SAC ralkap nih rallam biatak tein an sial nak hmun zong a si caah kahdohnak a chuak kho tiah mipi vengtu ralkap phu nih an chim. April 1 zaan Sml 7 hrawng ah Cuaichian le Winkaphaw khua ah hriamngan voi 7 a tla tiah tualchung mi nih an chim. The Chin Post