Press "Enter" to skip to content

SAC Ralkap Thazaang 100 Le Mipi Vengtu Kar Kahdohnak A Chuak, Mipi Vengtu Ralkap Minung 3 Nih Ram Le Miphun Caah Nun An Pek, Hliam An Tam

Sagaing ramṭhen, Pale (ပုလဲ) peng, Tungkan (သုံးကန်) khua kahdohnak ah PDF 3 an nunnak a liam i, minung 4 nih faak ngai in hliamhma an tuar. Nizaan March 12 zinglei ah Tungkan (သုံးကန်) khua a phan mi SAC ralkap lengah pyusawthi minung thazaang 100 hrawng le mizapi vengtu ralkap cu zaanlei suimilam 3:40 hrawng ah an i kap, tiah theih a si.

“SAC ralkap hna khuachung an luh ah khuachung um mizapi vengtu ralkap hna cu biaruahnak an ngei i, SAC ralkap hna cu kan kah hna lo a si zong ah khuachung inn cu an khangh ṭhiam ding a si caah, doh ding in biakhiahnak kan tuah. Kan hmunhma kan remh lio ah kan hawi pakhat nih meithal a thlah sual i,

Cu thawng cu SAC ralkap nih an theih tikah an kan kah colh i hliamtuar le nunnak a liam mi kan umnak hi a si,” tiah Shwe Darr Bo – Local People’s Defense Force in kahdohnak ah aa telmi pakhat nih a chim. Kahdohnak ah mizapi vengtu ralkap in nunnak a liam mi hna cu kum 20 hrawng mino tete an si hna i an min cu langhter a si rih lo, tiah a chim.

Cu kahdohnak ah cun mizapi vengtu ralkap phufonh in Shwe Darr Bu ralkap-SDB, Pale People’s Defence Force PPDF, PPDG, Pale People’s Defence Force-Headquarters, (ပ.က.ဖ), Pungtawng Taithga (ပုံတောင်တိုက်ဂါး), Pale Jokers phufonh hna an i tel, tiah theih a si. Ram le miphun caah nunnak a petu mizapi vengtu ralkap hna cu upatnak kan pek hna, tiah Shwe Darr Bo – Local People’s Defense Force nih cathanh an chuah. Credit: The Chin Post

34th Revolution Day Caah Sawmnak. A ra lai mi Vaute 20 ( March ) ah Chin Miphun Dothlennak kum 34 camtuak cu CMPAGE le CBN Media I bawm in online in tuah a si lai.

Kum 34 tiang dohthlehnak ni ah CNF Chiarman Pu Zing Cung zong nih an kan talpi lai. Cu lawng si loin Biaknak leiin kan pabik Rev. Dr Hre Kio zong a kan telpi lai pinah ramkhel lei kan pa le hna siseh kanmah Chin mi chung in hlasak minthang kan ngeih mi hna zong nih an kan talpi lai.

Hi ni ahhin Fundraising zong kan tuah chih lai. Mah kan hmuh mi vialte cu nunnak pek in dohthlehnak ah a kalpi kan ralkal hna caah kan pek dih hna lai. Kan ram zalennak kan hmuh khawhnak ding caah nusal tha pasal tha tampi nih nunnak an thap minung tampi nih nunnak an pek cang. Hi lio ah na ti khawh tawk ngeichiah chawva in miphun dohthlehnak caah rak I tel ve ding in kan in sawm hna.

A caan cu a tang lei hmanthlak ah tling tein kan van tial. Mi tampi nih an hmuh khawhnak ding caah share zong in thazaang chuah cio ding in kan in sawm hna. Kan i lawm! Credit; The Chinland post

Be First to Comment

Leave a Reply

Your email address will not be published.