SAC thar nih Chin Miphun Ni mah Pengtlang cio ah bi tein tuah timh

SAC thar nih Chin Miphun Ni mah Pengtlang cio ah bi tein tuah timh
==========================================================================

Chin State Administration Council (SAC) nih mah Pengtlang cio ah a voi 73nak Chin Miphun Ni a tuah lai, tiah February 17 ah kan theih. “Nihin February 17 hi Chin Ramkulh Cozah Chungtuan (Secretary) U Toe Win hruainak in meeting kan tuah. Chin Miphun Ni hi ni hnihthum lawng aa duh fawn. A caan a um ti lo ca ah Chairperson (Thabapadi) biachimnak le Lunglawngpinak cakuat (Memorandum) pawl relnak hrawnghrang in caan kan hman lai. COVID-19 lio a si ca ah Social Distancing in minung a tam bik 60 hrawng cio lawng in mah Pengtlang cio ah tuah a si lai,” tiah Chin SAC Chairman Pu Ngun San Aung nih The Hakha Times ah a chim.

Tukum Chin Miphun Ni cu a nicaan a naih cang ca ah Peng khat ah tangka sing 10 (Ks. 1,000,000) cio Cozah lei nih bawmhnak a pek lai i anmahle Pengtlang cio ah bi tein an tuah cio lai. Hakha ahcun Town Hall ah an tuah lai, tiah kan theih.

Crd: The Hakha Time