SAC Uico Ceilak An Thi Than
Kayin ramkulh, Myawady peng, Laykaegaw(လေးကေ့ကော်) hmunhma, Phaloe(ဖလူး) khua in Wawlay(ဝေါ်လေ) lei ah rallam a sialtu SAC ralkap hna cu March 27, zinglei ah bomb puahhnawh an ton caah SAC ralkap 20 hrawng an thi, tiah theih a si. SAC ralkap pawl hi minung thazaang 400 hrawng he rallam an sial i,
Hi lak ah tat-mah 44 hna cu KNLA, DKBA le PDF phufonh nih bomb an rak puahhnawh hna caah kahdohnak zong faak ngai in a chuak. SAC ralkap hna nih helicopter 2 hmang in kah an bawmh hna. Kahdohnak ah hin SAC ralkap lei 20 an thi nain KNLA phufonh lei cu hliamtuar an um lo.
Kahdohnak hi March 27 chun suimilam 11:25 in an thok i, chunhnu suimilam 3:00 hrawng ah a dai, tiah theih a si. Cun, March 27 zinglei ah Kawkareik(ကော့ကရိတ်)-Myawady lampi Tawnaw(တောနော်) tisor pawng ah thilphor motor 2 cu khangh an si tlawmpal ah SAC ralkap le mizapi vengtu ralkap kahdohnak a chuak, tiah theih a si.
March 27 thok in Gawgayait(ကော့ကရိတ်)-Myawady lampi le Myawady-Wawlay(ဝေါ်လေ) motor lampi cu khualtlawng nih hman rih lo ding a si lai, tiah KNLA le KNDO nih ralrin peknak cathanh an chuah. Credit; The Chin Post
Kanpetlet Kahdohnak Ah SAC Ralkap Pakhat A Thi. Nizaan March 26, zinglei suimilam 10:30 hrawng ah Kanpetlet khuachung um mi CDF-Kanpetlet le SAC ralkap kahdohnak a chuak. Kahdohnak ah SAC ralkap pakhat a thi i, midang pakhat nih faak ngai in hliamhma a tuar, tiah CDF-Kanpetlet nih cathanh an chuah.
Cun, khuachung palik sakhan le High School ah umhmun a khuar mi SAC ralkap hna nih hriamhme le hriamngan in khua pawng hrawng an kah caah Kanpetlet khua pawngkam um mi inn cheukhat hna cu an rawk hna. Kahdohnak ah hin CDF-Kanpatlet lei hliamhma tuar um loin hnu an tolh kho ṭhan, tiah Chin Defense Force(CDF)-Kanpetlet nih an cathanh ah an langhter. Credit; The Chin Post
SAC airforce ralbawi airforce hruaitu bochohgyi Thun Aung,(ဗိုလ်ချုပ်ကြီးထွန်းအောင်) tainhmu bohmuchioh Ko Ko U(တိုင်းမှူးဗိုလ်မှူးချုပ်ကိုကိုဉီး) le tainghmu bochoh Zaw Heim(တိုင်းမှူးဗိုလ်ချုပ်ဇောဟိန်း) telh in minung 8, Bridage 66 le company 5 cu US le Britist nih phihkharnak a tuah hna tiah theih a si.
Phihkhar a tongmi hna ah hin Dr. Aung Moe Myint le Aung Hlaing Oo zong an i tel i Dr. Aung Moe Myit hi Dynasty International Company Ltd ah Director a si i Myanmar ralkap ca i hriam thilri cawknak lei ah rianngeitu pakhat a si. Cun Belarusian Chamber of Cammerce and Industry chungtel zong a si.
Aung Hlaing Oo hi Myanmar Chemical and Machinery Co Ltd(MCM) Director a si i MCM hi ralkap hriamnam le chawhlehthal nak ah a bawmtu hrampi a si tiah theih a si. Bridage 66 hi minung nunnak zeirel loin minung a phu phu in thahnawnnak tuahtu an si caah blacklist ah an khumh ve hna nak hi a si.
Britist le US nih an phihkharmi company hna cu ”Dynasty International Co Ltd, , Myanmar Chemical and Machinery Co Ltd, Belarusian Chamber of Commerce and Industry, Miya Win International Ltd, Intenationnal Gateways Group Company Ltd hn na si. Htoo Group of Companies le Asia Green Development Bank Ltd cu US nih phihkharnak a tuah chap.
