Press "Enter" to skip to content

SAC Uico Ralhrang Anmah Le Amah An I Thah, Minung 3 Bak An Thi

Ralkap i cernak ah palik le ralkap an i sik caah ralkap 3 an i hliam. 2022 March 28 – SAC nih tuahmi a voi (77) nak Ralkap Ni i cernak ah ralkap pawl an i cernak le palik pawl an i cernak ah palik nu pawl le ralkap pawl an i velh caah ralkap 3 an i hliam tiah cernak ah aa telmi minlanghter a duh lomi ralkap pakhat nih Myanmar Police CDM Channel – MPCC ah thawng a thanh.

“Ralkap nih palik nu pangpar ṭhi a oihmi kha a duh lo caah ralkap pa nih pangpar ṭhi cu a chuih. A dang ralkap nu pakhat nih zeidah cang tiah aa rak thlak caah palik nu le ralkap an i vel i a dang palik pawl zong nih ralkap pawl cu an rak ṭhuat ve hna.

An luchin zong van ah a zuang dih. Methal hna aa rak tel. Palik pawl nih i cernak meithal in an tuk hna. Methal zong a kiak dih. Nu an duh tuk ruangah aa thok ko cuh. A tu cu zohfelnak an tuah hna” tiah i cernak ah aa telmi ralkap pakhat nih a chim.

SAC hruaitu nih Fascist Dothlennak Ni kha Ralkap ni tiah a khiah i March 27 ah ralkap cerhnak an langhter. March 27 ah ram pumpi in kahdohnak le mino pawl nih duhlo-langhternak cu a hlannak in a tam deuh tiah People’s Spring nih a langhter. Credit; The Chinland Post

Relchap; Karen ramkulh, Wolay( ဝေါ်လေ) peng then ah rallam a sialmi SAC ralkap thazaang 400 hrawng le KNLA, DKBA, PDF phufonh karlak ah nizan March 27 ni ah kahdohnak chuak i SAC ralkap lei in a thi mi an tam. ”Bomb kan puah hnawh hna pin ah , kan kulh hna i kan kulh hna i kan kah hna SAC ralkap a thi mi cu 30 leng an si.

Helicopter in kah an rak bawmh hna i an mah lila a khen hna ” tih KNLA pakhat nih a chim. KNLA nih hmunhma an thianh lio ah lam cung ah a tangmi SAC ralkap ruak hna le hriamnam ngan cheukhat an lak khawh. March 27 ni kahdohnak ahSAC ralkap zeizat setdah an thih timi tu cu KNU nih cathanh n chuah mi a um rih lo.

Phekone Ah SAC Ralkap Security Lak Kah A Tong SAC ralkap 5 An Thi. Shan thlanglei Phekone khuapi ah a um mi SAC ralkap 422 umnak sakhan pawng i Security laknak hmun cu KNDF nih an kah, March 26, Zaan Sml 9:20 hrawngah KNLA Battalion 3 le Battalion 11 hna i bawm in an kah hna i,

SAC ralkap 5 an thi, KNDF ralkap a hliammi um lo tein hnu an tolh kho tiah a langhter. Internet line, Phone line a hartuk ruangah a caan ning tein thawngthanh nak kan tuah kho lo tiah KNDF Battalion 3 Phekone nih theihter nak an tuah. Credit; The Chin Post

Be First to Comment

Leave a Reply

Your email address will not be published.