Press "Enter" to skip to content

SAC Uico Ralhrang Nih Hakha Khuapi Ah Pu Ca Kio Inn An Chuh

Chin state Halkha khualipi Dawrhlun sang ah Pu Ca Kio inn ralhrang nih an chuh tiah theih a si. Ralhrang nih Inn chuh,ramh ,inn khangh duah piak lai phan ruangah daite i umter ziar khi sual hmanhah sual pit a si.Dr Hre Kio nih” daite um hi sual a si” a ti,achim duhmi cu, sualnak a tuah mi, do duh lo kha achim duhmi si.Ralhrang hi sualpit a tuahmi an si.

Cu lakah kan myo khuapi ah sianginn kai ter huar,kan Khuapi thanchonak caah ralhrang tender pali nga riantuan ter huar mem,mah pawl kha Dr Hre Kio bia he aa kalh. Na kuaih,na lunghrinh si cun,nan myo,khuapi tthanchonak caah ralhrang tender riantuan tuan in Nan khua peng min hrambunh companies pa li nga an min tiang kan langher khawh. Credit; Salai Willian HC

Relchap; Thilrii amiak 10% lawng lak ding tiah KNDF nih a thanh. The Chinland Post | 2022 March 23 – Ralkap chuahmi thilrii i fim in zuar lo ding le mipi pawl harnak ton lio a si caah thilrii amiak 10% lawng lak ding tiah Kareni National Defense Force (KNDF) battalion-15 nih ralrinnak ca a chuah.

A tu bantuk biakhiahnak hi Karenni Army (KA) upa hna, KNDF battalion-15 Captain, Commander le khua upa hna biakhiahnak in riikhiahmi a si i March 17 tiang caan pek an si tiah theih a si. KNDF battalion-15 cawlcanghnak hmunhma Phruso rii chungah dawr ngeitu pawl le mipi hna nih SAC chuahmi Mytel, Premium Gold,

Red Ruby, Andaman, Mandalay logo beer pawl, Sinmin, Dagon, Rhino logo aa telmi cement, Milky cawhnuk, Shwepyioo teamix hna hi zuar le cawk loding tiah an khap. Cun, battalion-15 le KA cawlcanghnak hmunhma chung khuami le ralzaam umnak hmunhma ah thil a zuarmi hna nih thilrii amiak 10% lawng lak ding in forhfialnak an tuah.

Thawngdang Relchap; Covid-19 Pulral i Chawnhnak a karh kho rih tiah US thiamsang nih a chim. 2022 March 22 – Britain ram ah ton a simi Covid-19 pulrai i chawnhnak a karh bantuk in US ram zong ah a karh kho men tiah pulrai kong he pehtlai in American thiamsang Doctor Antony Fonseca nih March 20 ah a chim tiah DVB Burmese nih a tial.

George Stephanopoulos he tuzarh chung Media he biaruahnak ah a tubantuk in a chim. A khan chungah mask i bunh ding tiah dindorh deuh in riikhiah mi hi thlen ṭhan a hau cang lai maw timi he pehtlai in biahalnak cu a hau men lai lo tiah a leh. World Health Organization (WHO) zong nih Covid-19 pulraipi a dihnak ding cu a hlat tuk rih tiah a hnu bik an ngahmi thil sining charhchan in March 18 ah a thanh.

Thlakhat chung zawtnak i chawnhnak a zor deuh ngai nain kan hnuzarh hrawng in vawlei pumpi ah i chawnhnak a karh ṭhan tiah WHO nih a chim. Asia ram tlunkalnak an phih bantuk in China ram Kylin peng zong ah i chawnhnak an tawlrel cuahmah liopi a si.
Atu bantuk in i chawnhnak a karh mihi zatlang umkalning dinhdorh a si ruang le Omicron he a ṭhenmi chawnh a fawitukmi BA-2 phun ṭhen i chawnhnak phun 2 hi aa cawh caah a si tiah WHO nih a thanh. The Chinland Post

Be First to Comment

Leave a Reply

Your email address will not be published.