Press "Enter" to skip to content

SAC Uico Ralkap Tam Tuk Lawmmam An Thi Caah Helicopter In An Kah Hna

Walay kahdohnak ah council ralhraang 61 an thi, hriamnam le a dang thilri tampi an lak, hmunhma thianhnak pehzul in an tuah. March 28, 2022, Karen ramkulh, Myawaddy peng Walay kahdohnak ah council ralhraang 61 an thi i hriamnam le a dang thilri tampi kan lak. Hmunhma thianhnak pehzul in kan tuah tiah Cobra phu nih an thanh.

Nizaan kahdohnak hmunhma cu nihin ah thianhhlimhnak an tuah i Council ralhraang 61 an thi tiah an fehter. Cun hriamnam le thilri dang tampi an tang rih. Pehzul in hmunhma thianhnak kan tuah rih lai tiah thawng an thanh. Kahdohnak ah ralhraang lei a thi mi le hmapu an tam i helicopter pahnih in an rak kah bawmh hna ca ah meithal zuun thum le zenkuan tlawmpal lawng an lak khawh tiah thawnghram nih a chim.

“Nizaan kha helicopter in voi hnih an rak kan kah. Anmah lei hnukirnak ding ah kah a rak bawmh hna. Cucaah hriamnam pawl kan la kho tuk lo. MAS sniper pakhat, MA2 pahnih cu lo cu RPG kuan, 60MM kuan le meithal kuan cu 10000 leng kan lak” tiah KNLA phukomh thawnghram nih Yangon Khit Thit Media ah a chim.

Nizaan March 27 zing ah Myawddy hpaloe in Walay lei ah ralhraang 400 tluk in hmai a nawr mi council ralhraang hna cu KNLA phukomh nih bomb an puah hna, an kah hna caah 30 nak tlawm lo an thih hi a si. Ref: Khit Thit Media, THP

Myanmar ram chung a rian vialte Telenor nih a zuar dih cang. The Chinland Post | 2022 March 28 – Myanmar ram chungah kan ṭuan liomi pehtlaihnak rian vialte cu zuar dih a si cang i tangka peknak cu kum nga chung riikhiah a si lai tiah Telenor company nih March 25 ah a thanh.

USD $ 50 millions cu Telenor company nih hmuh a si cang i a tangmi USD $ 55 millions cu a raa laimi kum nga chungah cham dih a si lai tiah Telenor company nih a chim. Kawlram chungah a ummi Telenor rianṭuannak man hi USD $ 751 millions a si tiah Telenor campany nih 2021 ah a langhter.

Cun, a rian vialte cu Lebanon ah hram a bunhmi M1 campany le Myanmar in Shwe Byaing Phyo company sin ah USD $ 105 millions in ka zuar lai tiah a rak chim. Norway nih a ngeihmi Telenor a rianṭuannak vialte a zuarmi cungah Kawlram i nuhrin covo a cawlcangtu pawl le Norway ram ramkhel lei thiamsang pawl nih an ceihhmai ngai.

Myanmar ram ah Telenor a hmangmi minung 18 million cazin vialte cu SAC kut cungah a phan lai tiah an langher. Myanmar ram phung le Europe ram phung hna cu aa lawh lo caah mipi hna covo upatnak le rian a upatmi sipuazi a si khawhnak hnga Myanmar ram in kan chuah hi a si tiah Telenor company nih a chim.

Telenor company nih a zuarmi phu hi Kawl ralkap he pehtlaihnak a ngeimi Shwe Byaing Phyo company nih 80%, M1 company nih 20% an co lai. Ref: Development Media Group, The Chinland Post |

Be First to Comment

Leave a Reply

Your email address will not be published.