Press "Enter" to skip to content

Sagain Ramthen, Khuate Hna Cu Min Aung Hlaing Ralkap Nih An Khangh Piak Hna

Sagain Ramthen ah Ralhrang nih Mihta khua le Mandalay lampi kam ah a um mi iin le lo an khangh piak hna pin ah mithen cu an tlaih hna, Sagain ramthen ah aum mi Zi Oo peng, Mihta khua le Mandalay lampi ah aum mi iin le lo cu ralhrang nih mei in January 21 zing ah an khangh piak hna pin ah mizapi then khat cu an tlaih hna tiah Yangon KTM sin ah an chim.

Zi Oo peng, Mihta khua cu ralhrang nih nizan Sml 9:50 pm hrawng ah an luh hnawh hna i an khangh piak hna caah mizapi khuachung ah um lo in an zam i an chuah tak tiah theih asi.

Mihta khua cu ralhrang nih an khangh caah mizapi an him nak caah an zam khua an chuah tak cang, khuachung iin zei zat an hrawh i an khangh ti cu kan thei kgo ti lo a langhlat lawng in kan hei cuan ko tiah khuachung mi pakhat nih achim.

Cu pin h ralhrang nih Monway le Mandalay kar lampi ah a um mi MaOoCi khua le Meni khua kar aum mi nitlak lei lothlam pawl cu Sml 10 hrawng ah mei in an khangh hrawh tiah kan theih.

Tuzing Sml 10 hrawng an khangh mi MaOoci khua le Meni khua hna i an lothlam ralhrang nih an khangh hrawh piak hna pin ah lo rian tuan mi cheukhat zong an tlaih hna tiah thawngdik pek nak nawl ngei tu pakhat nih achim. Credit; 21 the chin time

Relchap; Gangaw Peng Sanmyo Khua Cu Ralhrang Le Buisawțhi Nih An Khangh, Magway ramthen Gangaw peng San Myo Khua ah khua mi an umnak inn 160 cu ralhrang le Buisawțhi phu nih an khangh tiah Kankaw peng zatlang phu nih nihin January 20 ah an thanh.

January 18 ah ralhrang le ralhrang kuttang Buishawthi niu San Myo khua ah an rak lut i hramhram in mei an duah ruang ah San Myo khua inn 132 a kang. Ralhrang le Buisawțhi pawl nih hramhram in thil an tuah caah khua chuahtak in an himnak ah an i dor tiah an thanh chih.

Nikum Dec.21 zong ah khan San Myo khua ah ralhrang le Buisawțhi nih inn 32 cu mei in an khangh i inn 28 vutcam ah a cang. San Myo khua ah inn 192 hrawng a rak um i inn 160 an khangh i inn 32 hrawng lawng a tang cang. Cucaah ramchung ramleng um mi nih Kankaw peng chung caah kan bawm hram uh tiah mizapi uknak lei nih zaangfah nawlnak an tuah. Credit; 21 the chin time

Be First to Comment

Leave a Reply

Your email address will not be published.